ЯҢАЛЫКЛАР
"Мәләкәс арты" торак районының 21 микрорайонында урнашкан торак йорт ТР Дәүләт төзелешен күзәтү инспекциясеннән төзелгән, үзгәртеп корылган, төзекләндерелгән капиталь төзелеш объектының техник регламентларның (нормаларның һәм кагыйдәләрнең), башка норматив-хокукый актларның һәм проект документларының таләпләренә туры килүе турында ярашлылык бәяләмәсе алды.
Җитештерүне үстерү һәм арматура каркасларын куллану стратегиясе Россиянең Төзелеш министрылыгы карамагындагы “Төзелеш” фәнни-тикшеренү үзәге базасында эшләнәчәк. Бу идеяне “Металл Экспо 2015” халыкара күргәзмәсе мәйданында үзәк тарафыннан оештырылган түгәрәк өстәл кысаларында металлургия компанияләре һәм тармак берләшмәләре дә хуплаган.
Яшәүчеләрне кертү старты 11 ноябрьдә, 47 микрорайонда, Фикрәт Табеев урамы буенча 9 номерлы йорттан башланып китте. Торак бирү буенча яңа программа ТР Дәүләт торак фонды һәм ТАИФ компанияләре төркеме белән берлектә эшләнгән һәм хәзерге вакытта тормышка ашырыла.
Торак шартларын яхшыртуга мохтаҗ булган 1941-1945 еллардагы Бөек Ватан сугышы ветераннарын торак белән тәэмин итү өчен 2016 елда федераль бюджет проектында 10,04 миллиард сум акча каралган. Бу хакта Россия Федерациясе төзелеш һәм торак-коммуналь хуҗалык министры урынбасары Олег Бетин Россиянең 10 ноябрьдә Төзелеш министрлыгында булып узган Бөтенроссия селектор киңәшмәсендә хәбәр итте.
2015 ел башыннан бирле республикада 1 млн. 939,9 мең кв. метр торак, шул исәптән соңгы ике атнада 102,2 мең кв. метр торак кертелгән. Социаль ипотека программасы буенча гомуми мәйданы 167,4 мең квадрат метр (39,7%) булган 122 йорт кертелгән, бу – 2 мең 823 фатир дигән сүз. Соңгы ике атна эчендә 400 квадрат метр файдалануга тапшырылган.
Татарстан Республикасының Хезмәт, халыкны эш белән тәэмин итү һәм социаль яклау министрлыгы Татарстан Республикасында Россия Федерациясе Хезмәт кодексының 133.1 статьясы нигезендә, 2015 елның 2 октябреннән башлап, ТР Профсоюзлар федерациясе, ТР Эш бирүчеләр берләшмәләренең координация советы, ТР Министрлар Кабинеты арасында Татарстан Республикасында минималь хезмәт хакы турында килешү (алга таба – килешү) төзелүе хакында хәбәр итә.