ЯҢАЛЫКЛАР
ТР Дәүләт төзелеш күзәтчелеге инспекциясе башлыгы республика буенча территориаль органнар урынбасарлары, җитәкчеләре һәм бүлек башлыклары белән аппарат киңәшмәсе үткәрде. Утырыш барышында Василий Кудряшов Татарстан Республикасы Президенты Рөстәм Миңнехановның ТРда яңа коронавирус йогышы таралу куркынычына бәйле рәвештә, төзелеш мәйданнарында үз-үзеңне тоту кагыйдәләрен үтәүне югары әзерлек режимында тикшереп торуны көчәйтү турындагы йөкләмәсен искә төшерде.
Шулай ук Василий Кудряшов Татарстан Республикасы Министрлар Кабинетының «Татарстан Республикасы Дәүләт төзелеш күзәтчелеге инспекциясе мәсьәләләре» 2007 елның 12 ноябрендәге 622 номерлы номерлы карарына кертелгән соңгы үзгәрешләргә таянып эш итәргә кушты.
Аерым алганда, әлеге үзгәрешләр үзирекле төзелгән, тикшерү предметы булып төзелешкә рөхсәт булу-булмавын һәм җитешсезлектә күрсәтелгән таләпләр үтәлешен тикшерү торган корылмаларга тикшерү уздыру буенча ТР ДТК инспекциясенең яңа вәкаләтләренә кагыла. Төзелешкә рөхсәт кирәк булмаган очракларда, җирдән файдалану кагыйдәләрендә билгеләнгән таләпләрнең үтәлеше тикшерелә.
Үзгәрешләрдә шулай ук дәүләт төзелеш күзәтчелегенең бурычлары һәм предметлары да аныкланган. Яңа редакциядә башкарылган эшләрнең проект документларының таләпләренә туры килүен тикшерү дәүләт төзелеш күзәтчелеге предметы һәм бурычы булып тора.
Кадерле балалар, хөрмәтле ата-аналар!
Җәйнең беренче көнендә сезне Халыкара балаларны яклау көне белән котлыйбыз! Чын күңелдән Сезгә шатлыклар, кояшлы көннәр телибез, йөзләрегездән елмаю китмәсен. Көннәрегез һәрчак аяз, ә күгегез якты һәм чиста булсын.
Сезгә кыюлык телим, хыялланыгыз, кызыксыныгыз, яңа белем үрләре яулагыз, сәламәт булыгыз, гаиләгезгә бәхет һәм иминлек телим! Балалар – тормыш чәчәкләре һәм безнең киләчәк. Кайгы-хәсрәт читләтеп үтсен Cезне!
ТР Дәүләт төзелеш күзәтчелеге инспекциясе башлыгы В.А.Кудряшов
Татарстан Республикасы Дәүләт төзелеш күзәтчелеге инспекциясе тарафыннан «Алабуга» СҖТ МИЗ һәм Алабуга шәһәрендә көнкүреш һәм сәнәгать агынтылары өчен район чистарту корылмаларын үзгәртеп кору. 1 этап» объектына төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында ярашлылык бәяләмәсе бирелде.
Объект «Экология» илкүләм проектының «Иделне савыктыру» федераль проекты кысаларында гамәлгә ашырыла.
Проект документлары буенча уңай экспертиза бәяләмәсе нигезендә җитештерү куәте тәүлегенә 19500 м3 булган биологик чистарту блогын этаплап үзгәртеп кору, һава өрдерү җайланмасын алыштыру, канализация-насос станцияләрен урнаштыру, ПАН-прекурсор заводы агынтыларын чистарту блогын урнаштыру күздә тотыла.
2 нче этап кысаларында «Алабуга» СҖТ МИЗ һәм Алабуга шәһәре сәнәгать һәм көнкүреш агынтылары өчен алга таба чистарту корылмалары төзү планлаштырыла.
Беренче этапны гамәлгә ашыру нәтиҗәсендә расланган нормативлар чикләрендә ташлана торган агынты суның сыйфатын яхшырту һәм Кама һәм Идел елгаларының торышына тискәре йогынты киметү көтелә.
Бүген, 2020 елның 29 нчы маенда, Татарстан Республикасы Дәүләт төзелеш күзәтчелеге инспекциясе чистарту корылмаларына төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланылган энергетика ресурсларын исәпкә алу җайланмалары белән тәэмин ителү таләпләренә җавап бирүе турында ярашлылык бәяләмәсе бирде.
Зеленодольск районының Карамалы Тау бистәсендә биологик чистарту корылмалары төзелеше төгәлләнде. Подрядчы компания элек булган һәм нәтиҗәсез эшләгән чистарту корылмалары урынында агынты суларны тулысынча биологик чистарту һәм чистартылган агынты суларын йогышсызландыру өчен кирәкле барлык җайланмалары булган биологик чистарту корылмаларының яңа җитештерү корпусын төзегән. Расланган проект документлары нигезендә төзүчеләр 100 м3 күләмендә агынты суларны тигезли торган җайланма (2 данә), сусызландырылган утырмаларны вакытлыча саклап тоту мәйданчыкларын (3 данә), мәйданчыктан явым-төшем суларын чистарту корылмаларын, техник су белән тәэмин итү скважинасын, 50 м3 күләмендә чиста су резервуарларын (2 данә), канализация насос станциясен һ.б. төзегән. Биологик чистарту корылмаларының биналары һәм корылмалары объект эшчәнлеге өчен кирәкле барлык коммуникацияләр белән тәэмин ителгән.
Объект «Экология» илкүләм проектының «Иделне савыктыру» федераль программасына керә.
Проект документларына булган уңай экспертиза бәяләмәсе нигезендә канализация өчен биологик чистарту корылмалары Карамалы Тау поселогындагы хуҗалык-көнкүреш суларын һәм торак төзелеше башкарылган урыннардан һәм сәнәгать предприятиеләреннән чыккан агынты суларны тулысынча биологик чистарту өчен билгеләнгән. Тәүлегенә 1000 м3 җитештерелешле әлеге чистарту корылмаларын төзү агынты суларны таләп ителгән дәрәҗәсендә чистарту проблемасын хәл итәчәк һәм Идел елгасы торышына тискәре йогынтыны киметергә булышачак.
Бүген, 2020 елның 29 нчы маенда, Татарстан Республикасы Дәүләт төзелеш күзәтчелеге инспекциясе тарафыннан «Татарстан Республикасы Әгерҗе муниципаль районының Красный Бор авылында тәүлегенә 150м3 җитештерелешле канализация биологик чистарту корылмалары төзү» объектына төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә бирелде.
Объект «Экология» илкүләм проектының «Иделне савыктыру» федераль программасына керә.
Татарстан Республикасының Әгерҗе муниципаль районындагы Красный Бор авылында саланың көньяк-көнбатыш читендә хуҗалык-көнкүреш суларын биологик чистарту корылмалары төзелеп беткән. «УКС» ААҖ генподряд оешмасы тарафыннан биологик чистарту корпусы, административ-көнкүреш корпусы, тигезләгеч җайланма төзү эшләре башкарылган, өске суларны саклау һәм кудыру өчен савытлар монтажланган, авыл буенча Кызыл Бор авылында чистарту корылмаларының өзлексез эшләвен тәэмин итә торган йөзләрчә метр су белән тәэмин итү һәм канализация челтәрләре сузылган.
Хәзер торак йортлардан чыккан көнкүреш сулары үз көе белән тирән биологик чистарту корылмаларына килә, аның җитештерү куәте тәүлегенә 150м3 тәшкил итә. Явым-төшем агынтылары су кабул итү җайланмалары аша туплана торган савытларга бүленә һәм, тулуына карап, ассенизация машинасы белән чыгарыла.
Әлеге чистарту корылмалары суның бактериаль һәм санитар-химик торышын яхшыртырга һәм Кама елгасына бәйле начар пробалар санын киметергә мөмкинлек бирәчәк.
Бүген, 2020 елның 29 нчы маенда, Татарстан Республикасы Дәүләт төзелеш күзәтчелеге инспекциясе чистарту корылмаларына төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланылган энергетика ресурсларын исәпкә алу җайланмалары белән тәэмин ителү таләпләренә җавап бирүе турында ярашлылык бәяләмәсе бирде.
Казанда Ветеринария академиясе районында чистарту корылмалары төзелеше төгәлләнде. Чистарту корылмалары Казансу елгасы акваториясенә, Өченче транспорт дамбасының дублер күпере янында, Ветеринария академиясе районында яңгыр агынтыларын кабул итү өчен билгеләнгән.
Проект нигезендә аккумуляцияләүче резервуар төзелгән, тулы завод әзерлегендәге чистарту корылмалары монтажланган, Казансу елгасына яңгыр сулары агынтыларын чыгару өчен гамәлдәге җиһазлар ремонтланган.
Объект «Экология» илкүләм проектының «Иделне савыктыру» федераль программасына керә. 30 ат көченә тиң җитештерүчәнлеге булган әлеге чистарту корылмалары Казансу елгасы суы торышына тискәре йогынтыны киметергә мөмкинлек бирәчәк.
Су объектларының яңгыр канализациясе челтәрләре буенча бүлеп бирелә һәм чистартылмый торган өслек сулары белән пычрануы – актуаль проблема булып тора.
Проект документациясенә уңай экспертиза бәяләмәсе нигезендә, Пионер урамы һәм «Ливадия» шифаханәсе, Арбузов һәм Кирпичников урамнарының бер өлеше белән чикләнгән урынында Себер тракты урамы буенча яңгыр сулары чистартылырга тиеш. Агынтыларны җыю мәйданы 59 гектардан артык тәшкил итә.
Татарстан Республикасы Дәүләт төзелеш күзәтчелеге инспекциясе май өчен коррупциягә каршы бюллетень чыгарды. Бюллетеньдә корупциягә каршы көрәш өлкәсендә булган яңалыклар белән таныштырыла.
Тулырак мәгълүматны Инспекциянең рәсми сайтында https://gsn.tatarstan.ru/rus/file/pub/pub_2355643.pdf сылтамасы буенча «Коррупциягә каршы көрәш» бүлегендә укыгыз.
Россия Федерациясе территориясендә яңа коронавирус йогышы (COVID-19) таралуга бәйле рәвештә халыкның санитар-эпидемиологик иминлеген тәэмин итүгә юнәлдерелгән чикләү һәм башка төрле чаралар комплексы гамәлгә ашырылганга күрә, Россия Федерациясе Президенты тарафыннан 2020 елның 17 апрелендә «2019 елның 1 гыйнварыннан 31 декабренә кадәрге хисап чоры өчен керемнәр, чыгымнар, мөлкәт һәм мөлкәти холыклы йөкләмәләр турында белешмәләр тапшыру турында» 272 номерлы указ кабул ителгән. Әлеге указ нигезендә Татарстан Республикасы Президентының «2019 елның 1 гыйнварыннан 31 декабренә кадәрге хисап чоры өчен керемнәр, чыгымнар, мөлкәт һәм мөлкәти холыклы йөкләмәләр турында белешмәләр тапшыру турында» 2020 елның 24 апрелендәге ПУ-250 номерлы указы кабул ителде һәм Россия Федерациясе Хезмәт һәм социаль яклау министрлыгы тарафыннан аңлатмалар җиткерелде.
Асылда, 2019 елның 1 гыйнварыннан 31 декабренә кадәрге хисап чоры өчен керемнәр, чыгымнар, мөлкәт һәм мөлкәти холыклы йөкләмәләр турында белешмәләр (алга таба – керемнәр турында белешмәләр) тапшыру вакыты әлеге белешмәләрне тапшыручы затлар өчен 2020 елның 1 августына кадәр озайтылган (элегрәк 30 апрельгә кадәр билгеләнгән иде).
2019 ел өчен тәгаенләштерелгән белешмәләр керемнәр турында белешмәләрне тапшырырга тиешле затлар тарафыннан норматив хокукый актларда каралган чор тәмамланганнан соң бер ай эчендә, ягъни 2020 елның 1 сентябренә кадәр тапшырылырга мөмкин.
Моннан тыш, 2020 елның 1 июленнән башлап Россия Федерациясе Президентының «Россия Федерациясе Президентының кайбер актларына үзгәрешләр кертү турында» 2020 елның 15 гыйнварындагы 13 номерлы указы гамәлгә керә, аның нигезендә белешмәләрне махсус «Справки БК» программа тәэминаты ярдәменнән файдаланып тапшыру бурычы каралган, шулай ук Россия Федерациясе Президентының 2014 елның 23 июнендәге 460 номерлы указы белән расланган керемнәр, чыгымнар, мөлкәт һәм мөлкәти холыклы йөкләмәләр турындагы белешмә формасына аерым үзгәрешләр дә кертелә.
Шуңа бәйле рәвештә, 2020 елның 1 июленнән башлап белешмәләр гамәлгә кергән таләпләргә туры китереп тапшырылырга тиеш.
«Справки БК» программа тәэминаты Россия Федерациясе Президенты сайтында урнаштырылган, аның сылтамасы ТР Дәүләт төзелеш күзәтчелеге инспекциясе сайтында «Коррупциягә каршы көрәш» бүлегенең «Коррупциягә каршы көрәш белән бәйле документларның тутыру өчен формалары» бүлекчәсендә урнаштырылган.
Татарстанда коронавирус пандемиясе белән бәйле рәвештә югары әзерлек режимы шартларында халыкның санитар-эпидемиологик иминлеген тәэмин итүгә юнәлдерелгән чикләү чаралары дәвам итә. Республиканың төзелеш мәйданчыкларындагы вәзгыятькә аерым игътибар бирелә.
Татарстан Республикасы Президенты Р.Н.Миңнеханов йөкләмәсе буенча, Татарстан Республикасында яңа коронавирус йогышы таралуны булдырмау максатында, ТР Дәүләт төзелеш күзәтчелеге инспекциясе, чикләү чаралары кабул итүгә бәйле рәвештә, төзүчеләр тарафыннан билгеләнгән таләпләр үтәлешен контрольдә тота.
Дәүләт төзелеш күзәтчелеген гамәлгә ашырганда төзелеш мәйданнарында үз-үзеңне тоту кагыйдәләрен бозу очракларын ачыклау буенча капиталь төзелеш объектларына карата уздырыла торган тикшерүләр барышында кагыйдәләрне бозу, ә атап әйткәндә, эшчеләрнең шәхси саклану чараларыннан (битлекләр, ресираторлар, перчаткалар) файдаланмыйча керүе, эш урынында булуы билгеләнгән очракта, ТР Дәүләт төзелеш күзәтчелеге инспекциясе инспекторлары Административ хокук бозулар турында РФ кодексының 20.6.1 статьясында каралган административ хокук бозулар турында беркетмәләр төзи.
ТР Дәүләт төзелеш күзәтчелеге инспекциясе төзүчеләрне төзелә торган объектларда үз-үзеңне тоту кагыйдәләрен аңлы рәвештә үтәргә чакыра. Хокук бозучылар штрафка тартылачак, чөнки иң беренче чиратта Татарстан халкының сәламәтлеге һәм иминлеге турында сүз бара.
Административ хокук бозулар турында РФ кодексының 20.6.1 сатьясының 1 өлеше буенча хокук бозган өчен җәза: гражданнар өчен – 1 меңнән 30 мең сумга кадәр, вазыйфаи затлар өчен – 10 мең сумнан 50 мең сумга кадәр, шәхси эшкуар өчен – 30 мең сумнан 50 мең сумга кадәр, юридик затлар өчен – 100 мең сумнан 300 мең сумга кадәр штраф.
Хөрмәтле Татарстан Республикасы халкы!
ТР Дәүләт төзелеш күзәтчелеге инспекциясе коллективы исеменнән һәм шәхсән үземнән Сезне ТАССР төзелүнең 100 еллыгы белән котлыйм!
Бүген, нәкъ 100 ел элек, 1920 елның 27 нче маенда Автономияле Татар Совет Социалистик Республикасын төзү турында Декрет имзалана. Бу халкыбызның дәүләтчелеген торгызу өчен әһәмиятле вакыйга булды, республиканың алга таба үсешендә мөһим роль уйнады.
Тарих күрсәткәнчә, Татарстанда көчле кешеләр яши, алар үзләренең җиңүләре һәм казанышлары белән төбәкнең абруена ирешкән. Бүген безнең республика динамикалы рәвештә үсүен дәвам итә һәм Россия субъектлары арасында инвестицияләр җәлеп итүчәнлеге буенча алдынгылар рәтендә тора. Республикада Татарстанда яшәүчеләрнең тормыш сыйфатын һәм абруен күтәрүгә юнәлдерелгән күләмле программалар һәм илкүләм проектлар гамәлгә ашырыла. Без алга таба да туган ягыбызның чәчәк атуына өлеш кертергә омтылачакбыз!
Бу бәйрәм көнендә барлык татарстанлыларны республикабызның 100 еллыгы белән чын күңелдән котлыйм. Нык сәламәтлек, оптимизм, иминлек, мәрхәмәт һәм тынычлык, билгеләнгән планнарны тормышка ашыруда уңышлар, Татарстан Республикасы файдасына нәтиҗәле эш телим!
ТР ДТК инспекциясе башлыгы Василий Кудряшов.