ЯҢАЛЫКЛАР
Яр Чаллы шәһәренең «Яшьлек» торак районының 65 нче комплексында төзелгән 65-06 номерлы, 17 катлы торак йорт Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының энергия ресурсларын исәпкә алу җайланмалары белән тәэмин ителеше таләпләренә туры килүе буенча ярашлылык бәяләмәсе алган. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.
17 катлы яңа торак йорт «Яшьлек» торак районының 65 нче комплексында урнашкан. Ул 83 фатирга исәпләнгән. Бина техник документларның барлык таләпләренә дә туры килә. Файдалануга тапшырылганнан соң фатир хуҗаларына ачкычлар тапшырылачак.
Торак йорт территориясе төзекләндерелгән, тротуарлар, балалар мәйданчыгы бар, яшелләндерү эшләре башкарылган.
Исегезгә төшерәбез, әлеге йорт өлешле төзелештә проблемалы объектлары исемлегенә карый һәм проблемалы йортларның тиешле реестрына кертелгән иде. Билгеләнгән вакытка акча түләгән кешеләр фатир ала алмаган. Йорт төзелеше 2014 елда туктатылган. Йортны бөлгенлеккә төшкән оешма урынына башка төзүче оешма төзеп бетергән.
Өлешчеләр проблемасын хәл итү өчен республикада Татарстан Президенты Рөстәм Миңнеханов җитәкчелегендә системалы эш алып барыла.
Татарстанның Дәүләт төзелеш күзәтчелеге инспекциясе алдында сыйфатлы материаллар һәм конструкцияләр куллануны тәэмин итү, өлешле төзелешнең проблемалы объектларын төзегәндә һәм тапшырганда законнарны бозмау һәм расланган проект документларыннан тайпылышларга юл куймау бурычы тора.
Бүген, 2020 елның 7 августында, «Төзүчеләр көне» һөнәри бәйрәме уңаеннан Татарстан Республикасы Дәүләт төзелеш күзәтчелеге инспекциясендә хезмәткәрләрне тантаналы котлау чарасы узды. ТР Дәүләт төзелеш күзәтчелеге инспекциясе җитәкчесе Василий Кудряшов тармакның иң яхшы вәкилләренә дипломнар, Рәхмәт хатлары һәм «ТАССР төзелүнең 100 еллыгы» истәлек медальләрен тапшырды.
Василий Кудряшов хезмәткәрләрне якынлашып килүче һөнәри бәйрәмнәре белән котлады, намуслы хезмәтләре һәм төзелеш тармагын үстерүгә керткән өлешләре өчен рәхмәт белдерде.
«Сез башкарган хезмәт, вазыйфагызны үтәгән вакытта Сездә булган бурыч һәм җаваплылык хисләре өчен рәхмәт белдерәм, төзелеш мәйданчыгында сыйфат һәм тәртип оештыруда үз урыныгыз барлыгын онытмагыз, – дип билгеләп үтте Василий Кудряшов. – Сез башкарган эшләр бәяләп бетергесез, зур рәхмәт Сезгә. Тагын бер кат бәйрәм белән, барлык эшләрегездә уңышлар телим».
Бүген Инспекция – дәүләт төзелеш күзәтчелеген оештыру һәм үткәрүгә вәкаләтле башкарма хакимият органы.
Инспекция составына республиканың бөтен территориясендә дәүләт төзелеш күзәтчелеген гамәлгә ашыручы 7 территориаль орган керә. Шулай ук Дәүләт төзелеш күзәтчелеге инспекциясе составына экспертизалар, тикшеренүләр һәм сынаулар үткәрүне күзәтү буенча территориаль орган да керә, анда төзелеш материалларына лаборатор сынаулар һәм конструкцияләрне тикшерү эшләре үткәрелә. Татарстанның транспорт инфраструктурасы төзелешенә күзәтчелек алып баруда автомобиль юллары һәм юл буе төзелешен күзәтү буенча территориаль орган шактый эш башкара.
Татарстан Республикасының Дәүләт төзелеш күзәтчелеге инспекциясе җитәкчесе Василий Кудряшов планлы эш кысаларында Яр Чаллыда булды, анда ул социаль әһәмиятле объектларда барган төзелеш эшләре белән танышты.
Василий Кудряшов «Гренада» паркында урнашкан күнекмәләр өчен футбол манежын карады. Хәзерге вакытта объектта гомумтөзелеш эшләре тәмамланган, эчке һәм тышкы инженерлык челтәрләрен монтажлау, эчке бизәкләү эшләре, вентиляцияләнә торган фасадны урнаштыру, якындагы территорияне төзекләндерү эшләре бара. Объект әзерлекнең югары дәрәҗәсендә тора. Файдалануга тапшыру 2020 елның 30 августында планлаштырыла.
Алга таба Инспекция җитәкчесе Җиңүнең 40 еллыгы урамында 52 нче комплекста урнашкан ясалма бозлы ябык күнекмәләр шугалагын карады. Спорт корылмасының гомуми мәйданы 4461,1 квадрат метр тәшкил итәчәк. Хәзерге вакытта төзелеш эшләре тулы куәтенә бара.
Шулай ук Василий Кудряшов Яр Чаллы шәһәренең 19 һәм 22 микрорайоннарында һәм Тукай районының Әҗмәкәй авылында өч балалар бакчасы төзелешенең барышы белән дә танышты. Объектлар «Демография» илкүләм проектын гамәлгә ашыру кысаларында торгызыла һәм югары әзерлек дәрәҗәсендә.
Хөрмәтле коллегалар, төзелеш комплексы хезмәткәрләре һәм ветераннар!
Чын күңелдән төзелеш тармагы хезмәткәрләрен һөнәри бәйрәмнәре – Төзүчеләр көне белән тәбрик итәм!
Төзүче һөнәрен иң тату һәм фидакарь һөнәрләрнең берсе дип атыйлар. Төзелеш тармагы кешеләре һәр көнне үзләре төзегән һәр объектта – күпкатлы торак йортта, яңа заводта, спорт корылмасында, балалар бакчасында яки мәктәптә күңеленең һәм осталыгының бер өлешен калдырып, киләчәккә өлеш кертә.
Нәкъ менә бу кешеләр үзләренең хезмәте белән һәр көнне республикабызның тышкы кыяфәтен киләсе дистә ел алга формалаштырып куя. Төзүчеләрнең намуслы һәм авыр хезмәте һәрвакыт Татарстан үсеше өчен хезмәт иткән. Хәзерге вакытта төзүчеләр көче белән киләчәк буыннарның уңайлы һәм төзек тормышы өчен шартлар тудырыла.
Бәйрәм хөрмәтенә сезгә куелган проектларыгызның тормышка ашуын, яңа һөнәри үрләр, барлык эшләрегездә уңышлар, нык сәламәтлек, илһам, оптимизм, бәхет һәм гаиләләрегезгә иминлек телим!
Хөрмәт белән, ТР ДТК инспекциясе җитәкчесе Василий Кудряшов.
Яр Чаллыда «Демография» илкүләм проекты буенча төзелгән яңа балалар бакчасы Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алган. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.
Заманча балалар бакчасы Мәләкәс аръягының 25 нче микрорайонында урнашкан. Ул 220 балага исәпләнгән. Ике катлы мәктәпкәчә учреждениенең гомуми мәйданы 3525,4 квадрат метр тәшкил итә. Бина мәгариф учреждениеләренең барлык яңа таләпләренә дә туры килә.
Проект буенча бинада уен, йокы, киенү-чишенү, буфет һәм бәдрәф белән төркем бүлмәләре бар. Шулай ук музыка һәм физкультура дәресләре өчен заллар, методик кабинет, шәфкать туташы кабинеты, психолог һәм логопед кабинетлары да җиһазландырылган.
Якын-тирәдә күләгәле әвеслекләр белән урамда йөреп керү мәйданчыклары, физкультура мәйданчыгы булдырылган. Төзекләндерү кысаларында агачлар һәм куаклар утыртылган, газон җәелгән.
Быел Яр Чаллыда тагын ике балалар бакчасын тапшыру планлаштырыла.
Татарстан Республикасы Президенты йөкләмәсе буенча ТР Дәүләт төзелеш күзәтчелеге инспекциясе социаль объектларда эшләрнең сыйфатына аерым игътибар бирә. Рөстәм Миңнеханов «Демография» илкүләм проектын гамәлгә ашыруны аерым контрольдә тота һәм балалар бакчаларында һәм яследә яңа урыннар кертүне тикшерә.
Татарстан Республикасы – илдә яңа балалар бакчалары төзү нәтиҗәсендә мәктәпкәчә белем бирү учреждениеләрендә урыннар җитмәү проблемасын хәл иткән беренче төбәкләрнең берсе. 2010 елдан 2019 елга кадәрПрезидент программаларын гамәлгә ашыру кысаларында 37,5 мең урынга исәпләнгән 239 балалар бакчасы төзелгән.
2020-2021 елларда «Демография» илкүләм проекты кысаларында 49 балалар бакчасы төзү планлаштырылган – шуның аркасында ясле төркемдәге сабыйлар өчен урыннар җитмәү проблемасын республика 2022 елда ук хәл итәргә планлаштыра.
Татарстанның Дәүләт төзелеш күзәтчелеге инспекциясе алдында сыйфатлы материаллар һәм конструкцияләр куллануны тәэмин итү, социаль инфраструктураның мөһим объектларын төзегәндә һәм тапшырганда законнарны бозмау һәм расланган проект документларыннан тайпылышларга юл куймау бурычы тора.
Бүген ТР Дәүләт төзелеш күзәтчелеге инспекциясенең Кама аръягы территориаль органында Төзүчеләр көне уңаеннан хезмәткәрләр хөрмәтләнде. ТР ДТКИ җитәкчесе урынбасары Линар Фатыйхов Инспекция ветераны Светлана Михайловна Видяйкинага «Татарстан АССР төзелүгә 100 ел» истәлекле медален тапшырды.
Линар Фатыйхов Инспекция коллективы исеменнән Светлана Михайловнага күпьеллык намуслы хезмәте, Инспекция үсешенә керткән өлеше өчен рәхмәт белдерде.
Светлана Михайловна 1954 елның 27 февралендә ТАССРның Куйбышев районы, Куралово авылында туган. Төзелеш тармагында ул 1974 елдан бирле эшли. 2002 елдан башлап 2015 елга кадәр ТР ДТК инспекциясенең Кама аръягы территориаль органы (Чистай шәһәрендә) җитәкчесе була, шуннан соң лаеклы ялга киткән.
Светлана Михайловна – югары квалификацияле белгеч һәм компетентлы җитәкче, ул дәүләт төзелеш күзәтчелеге системасында эшләгән чорында катлаулы һәм җаваплы бурычларны хәл итә, Инспекция позицияләрен һәм мәнфәгатьләрен яклый. Күп кенә бүләкләр белән билгеләп үтелгән.
Бүген, 2020 елның 5 августында, Татарстан Республикасының Дәүләт төзелеш күзәтчелеге инспекциясе «Профессор А.Ф.Агафонов исемендәге республика клиник йогышлы авырулар хастаханәсе» дәүләт автоном сәламәтлек саклау учреждениесенең Йогышлы авырулар хастаханәсе бинасын төзү» объекты буенча төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланылган энергетика ресурсларын исәпкә алу җайланмалары белән тәэмин ителү таләпләренә җавап бирүе турында ярашлылык бәяләмәсе бирде.
Проектта хастаханәнең төп корпусы, лаборатория корпусы, контроль-үткәрү пункты, блок-модульле котельный, кислород станциясе, дизель-генератор, канализация-насаос станциясе каралган.
Биш катлы бинаның гомуми мәйданы 19064,8 кадрат метр тәшкил итә. Объект Казан шәһәре, Җиңү проспекты, 83 нче йорт адресы буенча урнашкан.
Татарстан Республикасы Дәүләт төзелеш күзәтчелеге инспекциясе «Алабуга шәһәрендә 1224 урынга исәпләнгән гомуми белем бирү мәктәбе төзелеше» объектына төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланылган энергетика ресурсларын исәпкә алу җайланмалары белән тәэмин ителү таләпләренә җавап бирүе турында ярашлылык бәяләмәсе тапшырды.
Яңа уку йорты Татарстан Республикасының Алабуга муниципаль районы, Алабуга шәһәренең 4 нче микрорайонында урнашкан. Дүрт катлы мәктәпнең гомуми мәйданы 24625 квадрат метр тәшкил итә.
Проектта кече һәм өлкән сыйныфлар өчен блоклар, гомуми белем бирү бүлмәләре, төшке аш, бассейн, медпункт, спорт залы, уку залы булган китапханә һ.б. каралган. Шулай ук мәктәп территориясендә спорт һәм уен мәйданчыклары, чаралар үткәрү өчен иҗтимагый зона да проектланган.
«Адымнар-Алабуга» полилингваль мәктәбе Татарстан Республикасы Дәүләт Киңәшчесе Минтимер Шәймиев тәкъдим иткән мәгариф учреждениеләре проектына карый. Әлеге мәктәптә балалар берьюлы өч: рус, татар һәм инглиз телләрен камилләштереп өйрәнә алачак.
ТР Дәүләт төзелеш күзәтчелеге инспекциясе сайтында «Виртуаль музей: ТАССР Дәүләт төзелеш күзәтчелеге инспекциясе тарихы» дигән бүлек булдырылды. Анда әлеге күзәтчелек органы эшчәнлегенә кагылышлы архив документларын һәм фотосурәтләрен күрергә мөмкин.
Татарстан Республикасы Архив фондында табылган борынгы документлар төзелештә күзәтчелек эшчәнлеге барлыкка килү һәм аның үсеш тарихы белән танышу мөмкинлеген бирә.
Советлар Союзы чорында РСФСР Дәүләт архитектура-төзелеш контроле баш инспекциясе эшли, ул барлык өлкә, край, республикалар карамагындагы шәһәрләр инспекцияләре эшчәнлеген үзәкләштереп контрольдә тота.
1945 елда РСФСР инспекциясенең Үзәк аппараты белән Татарстан буенча структур күзәтчелек бүлекчәсенең хезмәт язуын уку кызыклы булыр, анда Бөек Ватан сугышы чорында Казан шәһәрендә консервацияләнгән объектлар турында мәгълүмат урнаштырылган.
ТАССР Дәүләт төзелеш күзәтчелеге инспекциясе Театр урамы буенча 1200 урынга исәпләнгән Опера театры, Чернышевский урамы буенча Дәүләт университетының уку бинасы, чукраклар мәктәбе, торак йортлар һ.б. объектларда дәүләт төзелеш күзәтчелеген гамәлгә ашыра.
Инспекция хезмәткәрләре үз эшләрен башкарганда төзелеш сыйфатын яхшырту буенча тәкъдимнәр кертә, төзүчеләр өчен семинар-укулар уздыра, республика радиосы буенча чыгышлар ясый, «Советская Татария» һәм «Социалистик Татарстан» газеталары битләрендә аңлатмалар һәм консультацияләр бирә.
Виртуаль музейны түбәндәге сылтама буенчакарап була:https://gsn.tatarstan.ru/virtualniy-muzey-istoriya-gosudarstvennogo.htm
2020 елның 30 июлендә, тикшерүләр программасы буенча, Татарстан Республикасы Дәүләт төзелеш күзәтчелеге инспекциясе хезмәткәрләре Борисовская урамыннан Техническая урамына кадәрге участокта Зур Казан боҗрасының икенче этабы төзелешенә күчмә тикшерү үткәрде. Объект төзелеше «Имин һәм сыйфатлы юллар» илкүләм проекты кысаларында алып барыла.
Әлеге тикшерү капиталь төзелеш объектын төзегәндә башкарыла торган эшләрнең, кулланыла торган төзелеш материалларының, мондый эшләрнең нәтиҗәләренең проект документлары таләпләренә туры килүен билгеләү максатында үткәрелә.
Зур Казан боҗрасы төзелешенең икенче этабы кысаларында проект документлары нигезендә коммуникацияләрне, яңгыр канализациясен һәм чистарту корылмаларын үзгәртеп кору, терәк диварлары, светофор, тышкы яктырту объектлары урнаштыру, трамвай юллары төзү каралган. Монастырь ермагы аша 70,78 метр озынлыктагы күпер төзеләчәк. Яңа юлның озынлыгы 1,222 км тәшкил итәчәк.