ЯҢАЛЫКЛАР

Бүген, 25 гыйнварда, Татарстан Республикасының Дәүләт төзелеш күзәтчелеге инспекциясенең Төньяк-Көнчыгыш территориаль органы хезмәткәрләре Яр Чаллы шәһәренең «Мәләкәс аръягы» торак районының 21нче микрорайонында урнашкан 21-16 номерлы торак йортка күчмә тикшерү үткәрде.

Ахыргы тикшерү барышында белгеч газ белән тәэмин итү системасын проект документларына туры килү-килмәүгә карады. Аерым алганда, газүткәргечнең эретеп ябыштыру җөйләренең дөрес ясалышы һәм анда коррозиягә каршы өслек булуы, газүткәргечтән электр розеткаларына кадәр норматив араны үтәү, кухня бүлмәсендә вентиляция, газ счетчикларын һәм келә арматурасын урнаштыру-урнаштырмау тикшерелде.

Барлык норматив таләпләрне үтәүнең максаты – газүткәргечен һәм газ кулланучы җайланмаларны эксплуатацияләгәндә фатир милекчеләренең алга таба куркынычсызлыгы.

Дәүләт төзелеш күзәтчелеге инспекциясендә исле газ белән агулану индивидуаль җылылык – газ казаннары урнаштырылган бүлмәләрдә булырга мөмкин, дип кисәттеләр. Шуңа күрә заманча йортларда исле газга һәм метанга газ сигнализаторларын урнаштыру мәҗбүри таләп булып тора. Белгечләр аңлатканча, исле газның чик концентрациясе арткан вакытта электромагнит клапан – газүткәргечтәге чикләгеч җайланма эшли, бу исә агуланудан котылырга һәм гадәттән тыш хәлләрне булдырмый калырга ярдәм итә.  

Шулай ук Дәүләт төзелеш күзәтчелеге инспекциясе белгечләре торак йортның газүткәргеченә газ җибәрү эшләренең инспекторлар тикшереп, төзүче оешма тарафыннан файдалануга тапшыруга рөхсәт алынганнан соң гына гамәлгә ашырылуы турында да билгеләп үттеләр.

ТР Төзелеш, архитектура һәм ТКХ министрлыгы коллегиясендә Татарстан Республикасы Президенты Рөстәм Миңнеханов Капиталь төзелеш объектлары төзелешен һәм үзгәртеп корылышын күзәтү буенча көньяк-көнчыгыш территориаль орган җитәкчесе Наил Якуповка «Фидакарь хезмәт өчен» Татарстан Республикасы медален тапшырды. Республиканың югары бүләге Наил Назыйм улына төзелеш тармагын үстерүгә керткән зур өлеше һәм күпьеллык намуслы хезмәте өчен бирелде.

Наил Назыйм улы җитәкче вазыйфасында 2010 елдан бирле эшли, ТР Дәүләт төзелеш күзәтчелеге инспекциясендә – 10 ел. Наил Якупов үзен җаваплы һәм башкаручан хезмәткәр итеп танытып, төзелеш объектларына кураторлык итте. Наил Назыйм улы җитәкчелегендә 500ләп яңа социаль объектка, шул исәптән спорт объектларына карата да – Әлмәт шәһәрендә «Мирас» йөзү бассейнын һәм «Нефтьче» боз стадионын, шулай ук республика социаль ипотека программасы буенча төзелә торган торак йортларны күзәтү эшчәнлеге алып барылган һәм ярашлылык бәяләмәсе белән расланган.

Наил Назыйм улын чын күңелдән лаеклы бүләк алуы белән котлыйбыз! Сезгә чын күңелдән ныклы сәламәтлек, бәхет һәм иминлек телибез! Сезнең янәшәдә һәрвакыт ышанычлы дуслар булсын, ә якыннарыгызның мәхәббәте һәм ярдәме сезгә эшчәнлегегезнең барлык юнәлешләрендә яңа үрләр яуларга көч бирсен!

20 гыйнварда ТР Дәүләт төзелеш күзәтчелеге инспекциясе хезмәткәрләре ZOOM-конференция режимында Татарстан Республикасында Россия Федерациясе субъектларында контроль-күзәтчелек эшчәнлеген гамәлгә ашыру буенча максатчан программаны гамәлгә кертүдә «юл картасы»н гамәлгә ашыру буенча «түгәрәк өстәл»дә катнашты. ТР Икътисад министрлыгы оештырган утырышта шулай ук министрлыклар, ведомстволар һәм контроль-күзәтчелек органнары вәкилләре дә катнашты.    

Россиядә инде берничә ел дәвамында контроль-күзәтчелек эшчәнлеге реформасы уза, аның максаты – гомуми бизнес-климатка һәм җайга салу мохитенә тискәре йогынты ясаучы норматив хокукый актларны яңадан карау һәм юкка чыгару. «Җайга салу гильотинасы» дигән рәсми булмаган исем алган таләпләрне актуальләштерү РФ Президенты йөкләмәсе нигезендә 2021 елның 1 гыйнварыннан үз көченә кергән.

Киңәшмәнең модераторы – Россия Икътисадый үсеш министрлыгының Лицензияләү, контроль-күзәтчелек эшчәнлеге, аккредитацияләү һәм үзкөйләнеш өлкәсендә дәүләт сәясәте департаменты директоры А.В. Вдовин.

Ул Россиядә контроль-күзәтчелек эшчәнлеге реформасын гамәлгә ашыру чаралары, шул исәптән «җайга салу гильотинасы» программасын гамәлгә кертү, контроль-күзәтчелек эшчәнлеге өлкәсендә законнар белән җайга салуның үзгәрешләре турында сөйләде. Киңәшмә нәтиҗәләре буенча киңәшмәдә катнашучылар үзләрен кызыксындырган сорауларга җаваплар алды.

Татарстан Республикасында агымдагы 2021 елда 2 млн. 670 мең кв. метр торак төзү планлаштырыла. 2021 елның 16 гыйнварына 105 мең кв.м (планның 3,9%ы) файдалануга тапшырылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте. Ул шулай ук искә төшергәнчә, иң мөһим юнәлеш, бигрәк тә республикага ун еллык перспективага куелган бурычлар буенча – торак төзелеше.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин та катнашты.

Татарстан Республикасы Төзелеш министрлыгы башлыгы хәбәр иткәнчә, социаль ипотека программасы буенча Татарстан Республикасы Президенты каршындагы Дәүләт торак фонды тарафыннан 280,5 мең кв. метрга инвестиция программасы алдан формалаштырылган.

Бүгенге көндә 49 мең кв. метр мәйданда 6 йорт файдалануга тапшырылган.

Коммерция төзүчеләре быел күп фатирлы 164 йорт тапшырырга тиеш, аларның гомуми мәйданы 1 миллион 265,3 мең кв. м. тәшкил итә.

157 объектның төзелеш стадиясе түбәндәгечә: 40 йорт әзер диярлек (70% -100%), уртача әзерлектә - 49 йорт (30% -70%), 68 йортта (0% -30%) эшләр күп әле.

Шәхси торак төзелеше программасы буенча 2021 елда 1 миллион 124 мең кв. метр мәйданда 8 мең 330 йорт төзү һәм файдалануга тапшыру планлаштырыла.

Марат Айзатуллин аерым категория гражданнарны торак белән тәэмин итү программаларын гамәлгә ашыру турында сөйләде. Әлеге программалар кысаларында 738 гаилә торак алачак. Бу шул исәптән 636 ятим бала, 45 күп балалы гаилә, 48 яшь гаилә, шулай ук мәҗбүри күченүчеләр, Ерак Төньяктан күчеп килүчеләр һәм чернобыльчеләр арасыннан 9 граждан.

ТР Президенты Матбугат хезмәте, Елена Бритвина

Бүген, 18 гыйнварда, ТР Дәүләт төзелеш күзәтчелеге инспекциясе җитәкчесе вазыйфаларын башкаручы Илфарт Сафиуллин, территориаль орган инспекторлары белән берлектә, Татарстан башкаласының Идел буе районындагы Магистраль урамында урнашкан канализациянең биологик чистарту корылмалары территориясендә урнашкан ләм утырмасын термомеханик эшкәртү буенча яңа цехта барган төзелеш эшләрен карады. Эшлекле сәфәрдә шулай ук «Водоканал» МУП директорының капиталь төзелеш буенча урынбасары Дмитрий Кутенков катнашты.

Предприятие көн саен 340 тонна ләм утырмасын эшкәртәчәк, термомеханик эшкәртүдән соң 100 тоннага кадәр авырлыктагы гранулалы матдә алыначак. Бу максатлар өчен цехның өч катлы бинасында термик киптерү өчен технологик җиһазлар проектланган. Объект алман технологиясе буенча төзелгән, мондый корылма Россия шәһәрләре арасында беренче булып тора.

Инспекторлар объектны проект документларының туры килү-килмәве һәм шәһәр төзелеше законнары таләпләренең үтәлеше буенча тикшерде, кисәтүләрне бетергәннән соң объектка ярашлылык турында бәяләмә биреләчәк.

Казанның Магистраль урамында юынты суларны чистарту буенча «Водоканал» МУПның җитештерү егәрлекләре урнашкан. Көн саен станциягә бөтен шәһәрдән 400 мең кубометрга якын агынты су килә.

Бүгенге көндә Казан янында узган гасырның 70 нче елларыннан бирле тупланган ләм басуларының мәйданы Идел яры буенча 110 га җитә, аларның биеклеге – дүрт-биш метр. Хәзер алар халык өчен дә, елганың үзе өчен дә экологик куркыныч тудыра.

Корылманы төзү ләм утырмаларын ләм кырларына чыгаруны туктатырга мөмкинлек бирәчәк, димәк, әйләнә-тирә мохиткә тискәре йогынтыны киметү мөмкин булачак. Проект буенча киптергәннән соң алынган гранулянтны (коры утырма) икенчел чимал сыйфатында файдаланырга мөмкин булачак.

Төзелеш тәмамлануы турындагы хәбәр нигезендә ТР Дәүләт төзелеш күзәтчелеге инспекциясенең Көньяк-Көнчыгыш территориаль органы хезмәткәрләре Әлмәт шәһәрендә «Перинаталь үзәкле Әлмәт балалар шәһәр хастаханәсе» дәүләт автоном сәламәтлек саклау учреждениесе бинасына хирургия корпусы төзү» төзелеш объектында ахыргы тикшерү үткәрә.

Тикшерү шәһәр төзелеше законнары таләпләрен үтәү, шулай ук башкарылган төзелеш-монтаж эшләренең, капиталь төзелеш объектын төзегәндә кулланыла торган төзелеш материалларының туры килү-килмәвен билгеләү, мондый эшләрнең нәтиҗәләренең проект документларына туры килү-килмәвен билгеләү максатында үткәрелә.

Өч катлы бинаның гомуми мәйданы 2857 кв. метр тәшкил итә. Проект буенча бинаның беренче катында процедура, азык-төлек блогы, ашханә, хуҗалык бүлмәләре, икенче катта – палаталар, өченче катта ике операция бүлмәсе урнашкан.

Яңа хирургия корпусын ачу балаларга, хәтта кечкенә хирургия тыкшынулары буенча да Лениногорскка илтмичә, Әлмәттә операцияләр үткәрергә мөмкинлек бирәчәк. 

Бүген, 15 гыйнварда, Зеленодольск шәһәрендәге сәүдә һәм административ биналары булган иҗтимагый бина Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының энергия ресурсларын исәпкә алу җайланмалары белән тәэмин ителеше таләпләренә туры килүе турында уңай бәяләмә алды.

Ике катлы бинаның гомуми мәйданы 2403,8 квадрат метр тәшкил итә. Проект буенча комплекста сәүдә һәм офис бүлмәләре урнашкан. Үзәк Столичная урамында урнашкан.

Татарстан Республикасында күп фатирлы 198 йорт төзелә, бу – 2 млн кв. метр инвестицион торак. Шул ук вакытта, әлеге күләмнең төп өлеше (59%) эскроу-счетлар кулланып сафка бастырыла.

Бу хакта ТР Хөкүмәте йортында узган республика киңәшмәсендә ТР төзелеш, архитектура һәм ТКХ министры Марат Айзатуллин хәбәр итте.

Киңәшмәне барлык муниципаль берәмлекләр белән видеоконференцэлемтә режимында ТР Премьер-министры Алексей Песошин уздырды.

Министр хәбәр иткәнчә, 44 йорт – югары (70-100%), 68 йорт – уртача (30-70%), 86 йорт (0-30%) түбән әзерлек дәрәҗәсендә.

ТР Президенты каршындагы Дәүләт торак фонды тарафыннан социаль ипотека программасы буенча 265 мең кв. метрга исәпләнгән инвестиция программасы формалаштырылган, ягъни 4 мең 966 фатирлы 139 йорт.

2021 елда  гражданнарның аерым категорияләрен торак белән тәэмин итү буенча гамәлдәге дүрт программа нигезендә 636 ятим бала; 5 һәм аннан күбрәк бала тәрбияләүче 45 күп балалы гаилә; 48 яшь гаилә, шулай ук күчеп китәргә мәҗбүр булучылар, Ерак Төньяктан күченүчеләр һәм чернобыльчеләр арасыннан 9 кешегә (барлыгы 738 гаилә) фатир бирелергә тиеш.

2021 елда күп фатирлы торак йортларны капиталь ремонтлау программасында (Әлки, Әтнә, Чүпрәле һәм Кайбыч районнарыннан тыш) 41 муниципаль берәмлек катнаша. Программага гомуми мәйданы 5 млн 223 мең кв. метр булган 927 күп фатирлы йорт кертелгән.

2020 елда контроль-күзәтү органнары тарафыннан даими рәвештә төзелеш объектлары тикшерелә. Бер ел эчендә алар 1,5 меңнән артык була. Тикшерү нәтиҗәләре буенча гомуми суммасы 6 млн сумнан артык 141 карар чыгарылган.

ТР Президенты матбугат хезмәте, Елена Бритвина.

ТР Дәүләт төзелеш күзәтчелеге инспекциясендә Инспекциянең Көньяк-Көнчыгыш территориаль органының икенче разрядлы өлкән белгече Светлана Михайлованы лаеклы ялга озаттылар. Светлана Владимировна ведомствода 18 ел эшләгән. Инспекциягә нигез салынганнан бирле ул төзелеш объектларына кураторлык итә, үзен белемле белгеч итеп күрсәтә.

Коллектив исеменнән Светлана Владимировнаны инспекция җитәкчесе вазыйфаларын башкаручы И.Ф. Сафиуллин котлады һәм күпьеллык намуслы хезмәте өчен рәхмәт белдерде.

Светлана Михайлова төзелеш эшенә 20 елга якын хезмәт итә. Бүген дә ул ялга зур горурлык белән китә, тик Инспекциядәге тату коллективны юксынырга туры киләчәк. Ләкин аның өчен яңа тормыш сәхифәсе башлана, сәламәтлекне ныгытып, оныкларны тәрбияләү өчен җитәрлек вакыт мөмкинлеге барлыкка киләчәк.

Татарстан башкаласында 340 урынга исәпләнгән ике балалар бакчасы төзелеп беткән. Мәктәпкәчә яңа учреждениеләр Серов-Баруди урамында һәм Константиновка авылында («Светлая долина» ТК) урнашкан. 

Казан шәһәре буенча территориаль орган инспекторлары белем бирү объектларында тикшерү чаралары комплексын төгәлләде. Мәктәпкәчә учреждениеләргә янгын куркынычсызлыгы таләпләрен, санитар-эпидемиологик нормаларны үтәү, төзелеш-монтаж эшләрен башкару, инженерлык челтәрләрен монтажлау һәм янәшәдәге территорияне төзекләндерү буенча күзәтчелек органы белгечләре тарафыннан мониторинг үткәрелде. 

Ахыргы тикшерү нәтиҗәләре буенча мәктәпкәчә учреждениеләр Татарстан Республикасы Дәүләт төзелеш күзәтчелеге инспекциясеннән проект документлары таләпләренә туры килү-килмәү турында уңай бәяләмә алды. 

«Биналарда уен һәм йокы бүлмәләре, музыка һәм физкультура заллары, методик һәм медицина кабинетлары, шулай ук өстәмә һәм техник бүлмәләр җиһазландырылган», – дип хәбәр итте ТР Дәүләт төзелеш күзәтчелеге инспекциясе җитәкчесе вазыйфаларын башкаручы Илфарт Сафиуллин. 

Территориядә уен мәйданчыклары, күләгәле әвеслекләр урнашкан, төзекләндерү эшләре башкарылган.

Төзелеш «Демография» илкүләм проекты кысаларында башкарылган. 

Татарстанның Дәүләт төзелеш күзәтчелеге инспекциясе алдында сыйфатлы материаллар һәм конструкцияләр куллануны тәэмин итү, социаль инфраструктура объектларын төзегәндә һәм тапшырганда законнарны бозмау һәм расланган проект документларыннан тайпылышларга юл куймау бурычы тора.