Казан шәһәренең «Мәхәббәт» торак комплексында 191 фатирлы йорт төзелде
Бу көннәрдә ТР Дәүләт төзелеш күзәтчелеге инспекциясе Казан шәһәренең «Салават күпере» торак районында «Мәхәббәт» торак комплексында 1-4-3 номерлы яңа йорт төзелешен тикшерә.
Проект документациясе нигезендә торак йорт – ике секцияле, подваллы, техник чормалы, тышкы инженерлык челтәрләре бар һәм алмаш катлы – 13-15. Бинаның мәйданы 14578,50 кв. метр тәшкил итә.
Беренче кат 7 берәмлек бер бүлмәле һәм 2 берәмлек ике бүлмәле лоджияле фатирлардан тора, алар хәрәкәте чикле халык төркемнәре өчен җиһазландырылган (МГН), аларны, киләчәктә яшәүчеләрнең башка категорияләре ихтыяҗларын исәпкә алу кирәк булганда, яңадан җиһазландыру мөмкинлеге бар.
Булачак яшәүчеләр өчен гомуми мәйданы 9450,20 кв. метр булган 191 фатир төзелгән. Шулардан 111 – бер бүлмәле, 54 – ике бүлмәле, 26 – өч бүлмәле.
Объектны төзүче – Татарстан Республикасы Рәисе каршындагы Дәүләт торак фонды.
Техник заказчы – «Татарстан Республикасының Баш инвестиция-төзелеш идарәсе» дәүләт казна оешмасы. Генераль подрядчы – «АК Барс Строй» ҖТК ҖЧҖ. Генераль проектлаучы – «АБ 1 архитектура бюросы» ҖЧҖ.
Гражданнарыбызның торак белән тәэмин ителешен арттыру – «Тормыш өчен инфраструктура» илкүләм проектының төп бурычларының берсе.
#gosstroinadzor_rt #Татарстан #Строительство #нацпроекты
