ЯҢАЛЫКЛАР

Бүген республикада Арча муниципаль районының Яңа Чүриле авылында урнашкан психоневрология интернатының яңа корпусын ачу тантанасы булды. Халык өчен генә түгел, учреждение хезмәткәрләре өчен дә бәйрәм булган чарада ТР Премьер-министрының беренче урынбасары Рөстәм Нигъмәтуллин, ТР хезмәт, халыкны эш белән тәэмин итү һәм социаль яклау министры Эльмира Зарипова һәм башка мәртәбәле кунаклар катнашты.

«Коронавирус пандемиясенә карамастан, бер генә милли проект та, республика президенты Рөстәм Миңнеханов инициативасы белән әзерләнгән 50 программаның берсе дә кыскартылмады, барлык объектлар да яхшы сыйфатлы итеп һәм вакытында гамәлгә кертелә», – дип билгеләп үтте республика министрлар кабинеты вәкиле. Рөстәм Нигъмәтуллин барлык төзүчеләргә сыйфатлы эшләре өчен рәхмәт белдерде, ә интернат коллективын һәм анда яшәүчеләрне яңа бина белән котлады.

Яңа корпусны ачу хөрмәтенә бүген Яңа Чүриле ПНИ тернәкләндерү җиһазлары алу өчен сертификат тапшырдылар.

Исегезгә төшерәбез, психоневрология интернатның торак корпусын төзү 2019-2020 елларда «Демография» милли проектының «Өлкән буын» федераль проектын тормышка ашыру кысаларында, психик авырулардан интегүче социаль хезмәт алучыларның уңайлы һәм имин тормыш шартларын булдыру максатыннан башкарылды.

Яңа корпусның торак зоналарында өстәмә ял бүлмәләре, ризык әзерләү һәм кабул итү бүлмәләре оештырылачак, бу исә социаль-педагогик тернәкләндерү, психологик бушату буенча дәресләр үткәрергә, шулай ук социаль хезмәтләр алучыларны мөстәкыйль яшәүнең беренчел күнекмәләренә өйрәтү мөмкинлеге бирәчәк.

Шунысын да билгеләп үтәргә кирәк, психоневрология интернатлар эшчәнлегендәге технологияләр социаль хезмәт һәм медицина ярдәме күрсәтүнең үзара өзлексезлеген, дәвамлылыгын һәм бәйләнешен тәэмин итүгә юнәлдерелгән. Актив коммуникацияне үстерү өчен социаль-педагогик һәм социаль-психологик тернәкләндерү төрле арт-технологияләр кулланып үткәрелә: ком терапиясе, курчак терапиясе, пластилинография, китап терапиясе, хобби-техникалар.

Проектта катнашучылар белән махсус җиһазландырылган тренировка бүлмәләрендә үз-үзеңә хезмәт күрсәтү һәм шәхси гигиена күнекмәләрен формалаштыру, көнкүреш техникасыннан файдалану, азык әзерләү буенча дәресләр үткәрелә. Яшь инвалидлар кер юарга, үтүкләргә, катлаулы булмаган аш-су әзерләргә өйрәнәләр, кибетләргә, даруханәләргә баралар. Шулай ук татарстанлыларны социаль-мохит хезмәттәшлегенә һәм коммуникациягә өйрәтәләр.

Моннан тыш, социаль хезмәт алучыларның санын арттыру өстәмә 42 эш урыны булдырырга мөмкинлек бирәчәк.

ТР Дәүләт төзелеш күзәтчелеге инспекциясе 2020 елның август өчен коррупциягә каршы бюллетень чыгарды. Тулырак мәгълүматны https://gsn.tatarstan.ru/rus/file/pub/pub_2484587.pdf сылтамасы буенча «Коррупциягә каршы көрәш» бүлегендә таба аласыз.

Бүген, 7 сентябрьдә, Алабугада социаль ипотека республика программасы һәм «Торак һәм шәһәр мохите» илкүләм проекты буенча төзелгән 81 фатирлы яңа торак йорт Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителешенә туры килүе турында бәяләмә алды. Тиздән 81 гаилә үз фатирларыннан ачкыч алачак.

10 катлы торак йортның гомуми мәйданы 5418,9 кв. метр тәшкил итә. Бина Автомобильчеләр урамында урнашкан. Объектны төзүче – «Татарстан Республикасы Президенты каршындагы Дәүләт торак фонды» коммерциясез оешмасы.

Торак алу мөмкинлеген тәэмин итү, шул исәптән һәркем алырлык ипотека, социаль программалар һәм эконом-класслы йортлар төзү хисабына да — Татарстан Республикасы Президенты куйган стратегик бурыч.

Татарстан Дәүләт төзелеш күзәтчелеге инспекциясе алдында сыйфатлы материаллар һәм конструкцияләр куллануны тәэмин итү, социаль ипотека программасы буенча төзелә торган объектларны төзегәндә һәм тапшырганда законнарны бозмау һәм расланган проект документларыннан тайпылышларга юл куймау бурычы тора.

ГЭС бистәсендә төзелгән яңа спорт-савыктыру комплексы Татарстан Республикасы Дәүләт төзелеш күзәтчелеге инспекциясеннән проект документларының ярашлылыгы турында бәяләмә алды.

Аны төзү дәүләт-шәхси партнерлык кысаларында башкарылган, биредә эшләр узган елның көзендә башланган. 4593 кв. метр мәйданлы ике катлы комплекс ике бинадан тора – фитнес-үзәк һәм термаль комплекс. Тренажер залында 145 урын булдырылган. Термаль комплексны 2021 елда ачу планлаштырыла.

Татарстанның Дәүләт төзелеш күзәтчелеге инспекциясенең бурычы – сыйфатлы материаллар һәм конструкцияләр куллануны тәэмин итү, спорт инфраструктурасы объектларын төзегәндә һәм тапшырганда законнарны бозмау һәм расланган проект документларыннан тайпылышларга юл куймау.

2020 елның 4 сентябрендә Инспекциядә ТР ДТК инспекциясе җитәкчесе каршындагы Коррупциягә каршы көрәш комиссиясе утырышы булды.

Утырышта каралган мәсьәләләр:

1. Административ хокук бозулар турындагы эшләрне карап тикшерү һәм түләүләрне администрацияләү буенча Инспекция эше турында. Хокук идарәсенең административ практика бүлеге тарафыннан Инспекциянең территориаль органнарына уздырылган күчмә тикшерүләрнең нәтиҗәләре турында.

2. Җирле үзидарә органнары тарафыннан күпфатирлы йортларны һәм башка күчемсез милек объектларын өлешле төзү өлкәсендә контроль (күзәтчелек) вәкаләтләрен гамәлгә ашыруны контрольдә тоту нәтиҗәләрен карау турында.

3. Коррупциягә каршы көрәш турында законнардагы үзгәрешләр турында.

4. Инспекциянең дәүләт граждан хезмәткәрләре тарафыннан керемнәре, чыгымнары, мөлкәте һәм мөлкәти характердагы йөкләмәләре турында, вазыйфа биләү коррупция куркынычына бәйле булган вазыйфалар исемлеге нигезендә белешмәләр тапшыру нәтиҗәләре турында.

5. Гамәлдәге законнар нигезендә Инспекциянең рәсми сайтында үзләренең һәм гаилә әгъзаларының (иренең) һәм балигъ булмаган балаларының керемнәре, чыгымнары, мөлкәте һәм мөлкәти характердагы йөкләмәләре турында мәгълүматлар бастырып чыгару турында.

6. Инспекциянең дәүләт граждан хезмәткәрләре тарафыннан РФ Федераль салым хезмәтенең «Юридик затларның бердәм дәүләт реестры» һәм «Шәхси эшкуарларның бердәм дәүләт реестры» мәгълүмат базаларыннан файдаланып, эшкуарлык эшчәнлегендә катнашу предметы буенча хезмәт тәртибенә карата таләпләр үтәлешен тикшерү турында.

7. Россия Федерациясе Президентының «2018-2020 елларга коррупциягә каршы көрәшүнең илкүләм планы турында» 2018 елның 29 июнендәге 378 номерлы указы белән расланган 2018 - 2020 елларга Коррупциягә каршы көрәшүнең илкүләм планы чараларын үтәү турында.

8. Россия Федерациясе Хезмәт һәм социаль яклау министрлыгы тарафыннан эшләнгән Сатып алуларда шәхси мәнфәгать булуын ачыклау буенча методик күрсәтмәләрне карау турында.

9. Татарстан Республикасы Президентының Коррупциягә каршы сәясәт мәсьәләләре идарәсе тарафыннан әзерләнгән «2020 елның 1 яртыеллыгында мәнфәгатьләр каршылыгы фактларын ачыклау буенча дәүләт хакимияте органнары, җирле үзидарә органнары һәм Татарстан Республикасы прокуратурасы эше турында»гы мәгълүматны карау хакында.

10. Россия Федерациясе субъектларының дәүләт хакимияте органнарында дәүләт граждан хезмәте вазыйфаларына карамаган вазыйфаларны били торган затлар тарафыннан югары коррупция куркынычларына бәйле хакимият-боеру, идарә итү һәм башка вәкаләтләрне гамәлгә ашыруның хокуклы булу-булмавы турындагы мәсьәләне карау хакында.

Нурлат районында бассейнлы яңа универсаль спорт комплексы Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының энергия ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды. Бу хакта ТР Дәүләт төзелеш күзәтчелеге инспекциясе башлыгы Василий Кудряшов хәбәр итте.

Спорт комплексында проект белән 25 метрлы зурлар бассейны һәм 10 метрлы балалар бассейны каралган. Корылмада шулай ук волейбол, баскетбол, мини-футбол, тренажер залы, бер келәмгә көрәш залы, 70 урынга исәпләнгән трибуналар, гомуми кулланылыштагы бүлмәләр төркеме бар. 

Спорт объекты Татарстан Президенты Рөстәм Миңнеханов ярдәме белән төзелгән. 2020 елда Президент программасы буенча республиканың Нурлат, Мөслим һәм Биектау муниципаль районнарында ябык йөзү бассейннары төзелде. 

Татарстан Республикасының Дәүләт төзелеш күзәтчелеге инспекциясе башлыгы Василий Кудряшов эш визиты белән Әлмәттә булды. Визит барышында ул Гафиятуллин урамы буенча 68 йортта урнашкан инженер мәктәбендә барган төзелеш эшләре белән танышты.

Мәктәпнең өч катлы бинасында 33 уку сыйныфы, арт-остаханәләр, 320 урынга исәпләнгән төшке аш залы, медицина пункты, киенү-чишенү бүлмәләре, бассейн, актлар залы, күпфункцияле зал, китапханә һәм башка бүлмәләр каралган. Уку йорты 858 укучыга исәпләнгән. 

 Тикшерү барышында Василий Кудряшов бинаның югары әзерлек дәрәҗәсендә булуын билгеләп үтте. 

«Быел Татарстанда бик күп белем бирү объектлары файдалануга тапшырыла, алар барысы да заманча технологияләр буенча төзелгән. Балалар иминлеге – бик мөһим, без алар күпләп була торган биналарны тикшерүгә аерым игътибар бирәбез. Балаларга да, укытучыларга да шундый заманча биналарда булуы бик күңелле булачак» - дип билгеләп үтте ТР Дәүләт төзелеш күзәтчелеге инспекциясе башлыгы Василий Кудряшов.

Бүген, 4 сентябрьдә, Лаеш районының «Южный парк» торак комплексында 260 урынга исәпләнгән мәктәпкәчә белем бирү учреждениесе Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды.

Объектны төзү «Демография» илкүләм проекты кысаларында алып барылган.

3 яшьтән алып 6 яшькә кадәрге балалар өчен балалар бакчаларында урыннар булдыру мәсьәләсен хәл итү – Татарстан Президентының мәгариф өлкәсендәге программаларының төп казанышларыннан берсе.

Татарстанда республика Президенты Рөстәм Миңнеханов ярдәме белән 2010 елдан 2019 елга кадәр 37 585 урынга исәпләнгән 239 яңа балалар бакчасы барлыкка килде.

Яр Чаллы шәһәренең ЗЯБ поселогында, 19 микрорайонда урнашкан, 220 урынга исәпләнгән балалар бакчасы бүген Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды.

Объектны төзү «Демография» илкүләм проекты кысаларында алып барылган.

Татарстанда республика Президенты Рөстәм Миңнеханов ярдәме белән 2010 елдан 2019 елга кадәр 37 585 урынга исәпләнгән 239 яңа балалар бакчасы барлыкка килде. 

2020-2021 елларда «Демография» илкүләм проекты кысаларында 49 балалар бакчасы төзү планлаштырылган – шуның нәтиҗәсендә ясле төркемендәге сабыйлар өчен урыннар җитмәү проблемасын республика 2022 елда ук хәл итәргә планлаштыра.

Бүген, 3 сентябрьдә, Татарстан Республикасы Дәүләт төзелеш күзәтчелеге инспекциясе Питрәч районындагы балалар бакчасына төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланылган энергетика ресурсларын исәпкә алу җайланмалары белән тәэмин ителү таләпләренә җавап бирүе турында ярашлылык бәяләмәсе бирде.

Исегезгә төшерәбез, бу атнада «Росток» балалар бакчасында Татарстан Президенты Рөстәм Миңнеханов булды. Ул соңгы стадиядә булган төзелеш эшләренең барышын тикшерде. Рөстәм Миңнеханов балалар бакчасында сәламәтлек ягыннан төрле дәрәҗәдә булган балалар өчен тигез мөмкинлекләр оештыру өчен махсус шартлар тудырылуына игътибар итте. Объект, мөмкинлекләре чикләнгән кешеләрнең ихтыяҗларын исәпкә алып, лифт белән җиһазландырылган.

«Росток» («Үсенте») балалар бакчасы 220 балага исәпләнгән. Ике катлы бинада уен, йокы бүлмәләре, уен бүлмәләре, буфетлар һәм бәдрәф бүлмәләре булган 12 төркем урнашкан. Шулай ук музыка һәм физкультура дәресләре өчен заллар, медпункт, психолог һәм логопед кабинетлары, азык-төлек блогы бар.

Объект «Демография» илкүләм проекты ярдәмендә төзелгән. Ул белем бирү учреждениеләренең яңа таләпләренә туры килә һәм расланган проект документациясе нигезендә торгызылган. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.

Татарстанда республика Президенты Рөстәм Миңнеханов ярдәме белән 2010 елдан 2019 елга кадәр 37 585 урынга исәпләнгән 239 яңа балалар бакчасы барлыкка килде. 

2020-2021 елларда «Демография» илкүләм проекты кысаларында 49 балалар бакчасы төзү планлаштырылган – шуның нәтиҗәсендә ясле төркемендәге сабыйлар өчен урыннар җитмәү проблемасын республика 2022 елда ук хәл итәргә планлаштыра.

Якын арада Татарстанда тагын 10 балалар бакчасын тапшырырга планлаштыралар.

Элегрәк Рөстәм Миңнеханов «Усадьба Царево» шәһәр яны торак комплексында 1224 урынга исәпләнгән заманча мәктәп ачты.