ЯҢАЛЫКЛАР
ТР Дәүләт төзелеш күзәтчелеге инспекциясе салкын тиюләр чорында профилактика чараларының мөһимлеге турында искәртә. Вирус инфекцияләре таралуга бәйле рәвештә, ведомство грипп, ОРВИ һәм коронавирус Covid-19 йогышын индивидуаль профилактикалау буенча Татарстан Республикасы Сәламәтлек саклау министрлыгы тарафыннан әзерләнгән белешмәлек бастыра.
Министрлык белешмәсендә алты төп кагыйдә бар: кулларны сабын белән юарга, эш урынында һәм гомуми гигиенаны үтәргә, сулыш органнарын медицина битлеге ярдәмендә якларга, авыруның беренче билгеләре барлыкка килү белән табибка мөрәҗәгать итәргә һәм коронавирус инфекциясе таралу куркынычы зонасында булган илләргә барудан тыелып торырга.
Бөтендөнья сәламәтлек саклау оешмасы дөньяда коронавирус таралуга бәйле рәвештә пандемия игълан итте. Ведомствода Covid-19 белән зарарлану, нәтиҗәдә якты дөнья белән хушлашучылар саны һәм әлеге авыруны йоктырган илләрнең күбәю очраклары арта бара дип саныйлар. Россия Федерациясендә бүгенге көндә коронавирус йоктыруның 28 очрагы теркәлгән.
Татарстан Республикасының Дәүләт төзелеш күзәтчелеге инспекциясе хәбәр итә: 2020 елның 11 гыйнварында Россия Төзелеш министрлыгының 2019 елның 1 ноябрендәге 668/пр номерлы боерыгы үз көченә керде, аның нигезендә Россия Төзелеш министрлыгының «Күпфатирлы йортлар һәм (яки) күчемсез мөлкәтнең башка объектларын төзү (булдыру) өчен өлешле төзелештә катнашучылар акчасын җәлеп итүгә бәйле эшчәнлекне гамәлгә ашыру турында, шул исәптән төзелеш проектларын үтәү буенча якынча графикларны һәм килешүләр буенча үз йөкләмәләрен, төзелеш проектының җыелма тупланма исемлеген үтәү турында хисаплылык формасын һәм төзүче оешмалар тарафыннан аны контрольдә тотучы органга тапшыру тәртибен раслау турында» 2018 елның 12 октябрендәге 656/пр номерлы боерыгына үзгәрешләр кертелгән.
Әлеге боерык белән:
1) төзүче оешманың күпфатирлы йортларны һәм күчемсез мөлкәтнең башка объектларын төзү (булдыру) өчен өлешле төзүдә катнашучылар акчасын җәлеп итүгә бәйле эшчәнлекне гамәлгә ашыру турында, шул исәптән төзелеш проектларын һәм килешүләр буенча үз йөкләмәләрен гамәлгә ашыруның якынча графикларын үтәү турында хисаплылык формасына;
2) күпфатирлы йортларны һәм күчемсез мөлкәтнең башка объектларын төзү (булдыру) өчен өлешле төзүдә катнашучылар акчасын җәлеп итүгә бәйле эшчәнлекне гамәлгә ашыру турында, шул исәптән төзелеш проектларын һәм килешүләр буенча үз йөкләмәләрен гамәлгә ашыруның якынча графикларын үтәү турында төзүче оешма тарафыннан күпфатирлы йортларны һәм (яисә) күчемсез мөлкәтнең башка объектларын өлешле төзү өлкәсендә дәүләт контролен (күзәтчелеген) гамәлгә ашыручы Россия Федерациясе субъектының башкарма хакимияте органына тапшыру тәртибенә үзгәрешләр кертелгән.
Шул ук вакытта төп яңалык: төзүче оешма хисаплылыкны контрольдә тотучы органга фәкать электрон документ рәвешендә генә, Торак төзелешенең бердәм мәгълүмат системасында үзенең шәхси кабинеты ярдәмендә җибәрергә бурычлы.
Хисаплылык һәм аның кушымталары шәхси башкарма орган функцияләрен гамәлгә ашыручы затның көчәйтелгән квалификацияле электрон имзасы белән имзалана.
Хисаплылыкны тапшыру датасы булып, төзүче оешманың шәхси кабинетында хисапларны Торак төзелешенең бердәм мәгълүмат системасында урнаштыру датасы тора.
Хисаплылыкны, Торак төзелешенең бердәм мәгълүмат системасында урнаштырмыйча, кәгазьдәге документ рәвешендә тапшырган очракта төзүче оешмага Административ хокук бозулар турында РФ кодексының 14.28 ст. 3 өлешендә каралган административ җаваплылык яный.
Өстәмә рәвештә исегезгә төшерәбез, төзүче оешма өчен 2020 елда хисаплык тапшыру сроклары:
- 2019 елның 4 нче кварталы өчен – 2020 елның 30 мартыннан соңга калмыйча;
- 2020 елның 1 нче кварталы өчен – 2020 елның 30 апреленнән соңга калмыйча;
- 2020 елның 2 нче кварталы өчен – 2020 елның 30 июленнән соңга калмыйча;
- 2020 елның 3 нче кварталы өчен – 2020 елның 30 октябреннән соңга калмыйча.
Исегезгә төшерәбез, «Россия Федерациясе дәүләт граждан хезмәте турында» 2004 елның 27 июлендәге 79-ФЗ номерлы федераль законның 20.2 статьясындагы нигезләмәләр нигезендә, барлык дәүләт граждан хезмәткәрләре ел саен, 1 нче апрельгә кадәр, «Интернет» мәгълүмат-телекоммуникация челтәрендә һәркем файдалана алырлык мәгълүматлар урнаштырылган сайтлар һәм (яки) сайтларның адреслары турында мәгълүмат тапшыра.
Әлеге белешмәләрне тапшыру Татарстан Республикасының электрон документлар әйләнеше буенча бердәм ведомствоара системасындагы махсус сервис – dohod.tatar.ru.ярдәмендә гамәлгә ашырыла.
ТР Дәүләт төзелеш күзәтчелеге инспекциясенә 340 урынга исәпләнгән мәктәпкәчә белем бирү оешмасын төзи башлау турында хәбәр килеп иреште. Балалар бакчасы «Демография» илкүләм проекты кысаларында төзелә. Бүген инспекторлар объектны беренче мәртәбә тикшерүгә чыкты.
Балалар бакчасы Татарстан Республикасы Биектау муниципаль районының Биектау авылында төзелә.
Ике катлы бинаның гомуми мәйданы 5168,6 квадрат метр тәшкил итә. Анда уен һәм йокы бүлмәләре, музыка һәм физкультура заллары, азык-төлек блогы һәм башка бүлмәләр урнашачак. Якындагы территориядә күләгәле әвеслекләр, балалар өчен уен һәм спорт мәйданчыклары булачак. Төзелешне 2020 елның 3 кварталында тәмамлау планлаштырыла.
«Хәзерге вакытта объектта бинаның җир асты өлешендәге тимер-бетон конструкцияләре буенча эшләр тәмамланган, колонналарны ныгыту, беренче кат тышлыгын монтажлау эшләре бара», – дип сөйләде ТР Дәүләт төзелеш күзәтчелеге инспекциясе башлыгы Василий Кудряшов.
«Демография» илкүләм проекты буенча Татарстанда, ТР Төзелеш министрлыгы белешмәләренә караганда, 2020 елда 22 яңа балалар бакчасы һәм башка объектлар ачылачак.
ТР Дәүләт төзелеш күзәтчелеге инспекциясе ТАССРның 100 еллыгын бәйрәм итү уңаеннан Татарстанда дәүләт төзелеш күзәтчелеге органы барлыкка килү тарихы турында сөйли.
Татар Автономияле Совет Социалистик Республикасы 1920 елның 27 маенда оеша.
Дәүләт корылмаларының татар комитеты 1920 елда Казан губернасы дәүләт корылмалары комитеты базасында оештырыла. Ике елдан соң әлеге Комитет ТАССР Халык Комиссарлары Советы каршындагы Архитекторның төзелеш идарәсе итеп үзгәртелә.
Монументаль төзелешне һәм иҗтимагый билгеләнештәге төзелешләрне, шулай ук төзелеш кагыйдәләре үтәлешен контрольдә тоту бурычы ведомство белгечләренә йөкләнә. Төзелеш уставы кагыйдәләрен бозган оешмаларны һәм затларны, эшләрне туктатып тору хокукы белән, җаваплылыкка тарту хокукы бирелә.
Яңа идарә эшчәнлеге яңа торак төзелеше үсеш алган шартларда гамәлгә ашырыла. Тораклар, яңа фабрикалар һәм заводлар – Казмашстрой, ТЭЦ-1 һәм башкалар төзелә башлый. Элеккеге буш урыннарда таштан төзекләндерелгән күпкатлы йортлар калкып чыга. Казан үзәгендәге К.Маркс, Киров, Бауман урамнарында 1 катлы тузган йортларны сүтү хисабына яңалары төзелә. 1920 ел ахырында, Совет чорында Казанда Мергас йортын торгызу шундый торак төзелешенең мисалы булып тора.
Татарстан Республикасының Дәүләт төзелеш күзәтчелеге инспекциясе февраль аенда коррупциягә каршы бюллетень чыгарды. Россия Президенты Владимир Путин Федераль куркынычсызлык хезмәтенә илкүләм проектларны коррупциягә каршы яклауга аерым игътибар бирергә кушкан. Бу хакта ул ведомство коллегиясе барышында белдергән.
Россия Президенты Владимир Путинның «май указлары» нигезендә эшләнгән илкүләм проектлар Россиядә 2019 елдан бирле гамәлгә ашырыла. Әлеге проектлар 2024 елга кадәр Россия үсешенең стратегик бурычларын үтәргә һәм максатларны хәл итәргә тиеш. Бу хакта тулырак мәгълүмат «Коррупциягә каршы көрәш» бүлегендә әлеге сылтама буенча: http://gsn.tatarstan.ru/rus/file/pub/pub_2251682.pdf
Эшләнгән һәм расланган тикшерүләр программасы нигезендә ТР Дәүләт төзелеш күзәтчелеге инспекциясенең инспекторлар составы 1224 урынга исәпләнгән гомуми белем бирү мәктәбе төзелешен тикшерде.
Яңа уку йорты Алабуга муниципаль районының Алабуга шәһәрендәге 4 нче микрорайонда төзелә. Дүрт катлы мәктәпнең гомуми мәйданы – 24625,2 кв.метр.
Проект кысаларында кече һәм өлкән сыйныфлар өчен блоклардан, гомуми белем бирү өчен билгеләнгән бүлмәләрдән 4 катлы мәктәп төзелеше алып барыла.
"Бинада төшке аш залы, бассейн, медпункт, спорт залы, уку залы булган китапханә, административ-көнкүреш бүлмәләре һәм башка ярдәмче һәм техник бүлмәләр каралган", – дип сөйләде ТР Дәүләт төзелеш күзәтчелеге инспекциясе башлыгы Василий Кудряшов.
Мәктәп территориясендә спорт һәм уен мәйданчыклары, чаралар үткәрү өчен иҗтимагый зона проектланган.
Төзелешне тәмамлауның күздә тотылган вакыты – 2020 елның 2-3 кварталы.
Тикшерү нәтиҗәләре буенча хокук бозулар ачыкланмады.
26 нчы февраль көнне Яр Чаллы шәһәрендә куст семинар-киңәшмәсе булып узды, анда катнашучылар диалог режимында вентиляцияләнә торган асылмалы фасадны проектлау нормалары буенча аңлатмалар алды. Әлеге төзелеш конструкциясе төзүчеләр арасында популяр, чөнки Татарстан шәһәрләрендә күпкатлы йортлар керамогранит фасадларыннан төзелә.
Семинарда ТР Дәүләт төзелеш күзәтчелеге инспекциясе башлыгы урынбасары Линар Фатыйхов, ведомствоның тикшерү һәм сынаулар буенча территориаль органы җитәкчесе Роман Бәширов, Кама аръягы проект оешмалары вәкилләре катнашты.
Киңәшмә кысаларында проект документларын эшләгәндә проектчы оешмалар тарафыннан, вентиляцияләнә торган фасад конструкцияләренең куркынычсызлыгын тәэмин итү максатларында, техник регламентларның таләпләрен үтәү зарурлыгы турында доклад тыңланды.
Татарстан Республикасы Президенты Рөстәм Нургали улы Миңнеханов 2020 нче елда Татарстанда "Торак һәм шәһәр мохите" илкүләм проекты кысаларында 2 млн. 979 мең квадрат метр күләмендә торак тапшыруны тәэмин итү бурычын куйды. Шуңа бәйле рәвештә, Татарстанның Дәүләт төзелеш күзәтчелеге инспекциясе өчен билгеләнгән бурыч – шәһәр төзелеше өлкәсендә гамәлдәге законнар бозылуга, расланган проект документларыннан тайпылышларга юл куймаска, сыйфатлы материаллардан һәм конструкцияләрдән файдалануны тәэмин итәргә. Инспекция башлыгы Василий Кудряшов аппарат киңәшмәләрендә һәм төзүчеләр һәм техник заказчылар белән очрашулардагы чыгышларында күп тапкыр ассызыклап үткәнчә, төзелеш темплары төзелә торган торакның иминлегенә йогынты ясарга тиеш түгел.
Фасад терәк система булып тора һәм, бинаның каркасы кебек үк, барлык проектлау стадиясен узарга тиеш. Өстәвенә, инде проект эшләрен башлап җибәргәнче үк, заказчы фасад системасын сайларга тиеш, проектчылар шуның буенча исәпләмәләр эшләп, аны беркетү төеннәрен карап куячак. Алга таба системаның механик куркынычсызлыгын экспертиза расларга тиеш. Әлеге фикерне РФ Төзелеш министрлыгы да хуплый, бу хакта ул 2020 елның 23 гыйнварындагы 1741-ОД/08 номерлы хатында тиешле аңлатмаларны бирде.
Проект оешмалары вәкилләре үзләрен кызыксындырган барлык сорауларга да квалификацияле җавап алды.
Киңәшмәдә катнашучылар билгеләп үткәнчә, мондый семинарларның нәтиҗәлелеге зур, хәзер алар проект документларының фасадка кагылышлы бүлеген җентекләп өйрәнәчәк һәм кулланачак.
Татарстанның Дәүләт төзелеш күзәтчелеге инспекциясенең тикшерү һәм сынаулар буенча территориаль органы җитәкчесе Роман Бәширов "Республика Татарстан" газетасына биргән әңгәмәсендә вентиляцияләнә торган фасадларның сыйфатлы материалларга һәм дөрес монтажлауга һәм эксплуатацияләүгә бәйле тотрыклылыгы турында сөйләде. Бу хакта тулырак итеп http://rt-online.ru/chto-skryvaet-fasad/ сылтамасы буенча "Что скрывает фасад?" дигән мәкаләдән укыгыз.
2020 елның 26 нчы февралендә Яр Чаллы шәһәрендә "Вентиляцияләнә торган асылмалы фасад конструкцияләре буенча дәүләт төзелеш күзәтчелеген гамәлгә ашыру үзенчәлекләре" темасы буенча семинар-киңәшмә узачак. Чара ТР Дәүләт төзелеш күзәтчелеге инспекциясенең тикшеренүләр һәм сынаулар уздыруга күзәтчелек буенча территориаль органы җитәкчесе Роман Бәширов катнашында булачак.
Киңәшмә кысаларында биек биналарда фасад системаларын куркынычсыз төзү һәм аларның куркынычсызлык таләпләренә туры килүе, проектчыларның роле һәм җаваплылыгы турындагы төп мәсьәләләр каралачак.
Әлеге теманың актуальлеге төзүчеләр арасында заманча фасад конструкцияләренең киң күләмдә файдаланыла башлавы белән аңлатыла. ТР Дәүләт төзелеш күзәтчелеге инспекциясе башлыгы Василий Кудряшов фикеренчә, төзүче оешмалар еш кына әлеге конструкцияләр белән эшләгәндә җитешсезлекләр җибәрә.
"Төзүче оешмалар, техник заказчылар һәм проект оешмалары еш кына фасад системаларын декорга кертә, тотып тора алу сәләтен исәпкә алмый, проект документларын эшләми һәм аны экспертизага юлламый. Нәтиҗәдә подрядчы проектны үзлектән генә ясый, ә кайчакта аның проектлауга үзйкөйләнешле оешмадан тиешле рөхсәте дә булмаска мөмкин, – дип билгеләп үтте Василий Кудряшов. – Ахыр чиктә, вентиляцияләнә торган асылмалы фасад, дөрес урнаштырылмаган булуы аркасында, потенциаль рәвештә куркыныч тудыра. Вентфасад конструкциясенең тотып тора алу сәләте шикле булып чыга, бу исә, үз чиратында, кешеләр гомеренә куркыныч белән яный".
Республикада "Торак һәм шәһәр тирәлеге" дигән илкүләм проект актив рәвештә гамәлгә ашырыла, Татарстанда 2.9 млн.квадрат метр торак кертү планлаштырыла, ТР Дәүләт төзелеш күзәтчелеге инспекциясенең бурычы – әлеге торак сыйфатлы һәм ышанычлы булырга тиеш.
Теләге булган һәркем әлеге тематикага кагылышлы сорауларын алдан ук Tatyana.Shmeleva@tatar.ru электрон адресына юллый яки (8552)52-74-52 телефоны буенча шалтыратып әйтә ала.