ЯҢАЛЫКЛАР

Россия Федерациясе Президенты Владимир Путин «Күпфатирлы йортларны һәм күчемсез мөлкәтнең башка объектларын өлешле төзүдә катнашу һәм Россия Федерациясенең кайбер закон актларына үзгәрешләр кертү турында»гы федераль законга үзгәрешләр кертү хакында» 2020 елның 13 июлендәге 202-ФЗ номерлы федераль законга (төзелештә катнашучыларның хокукларын яклауны көчәйтү өлешендә) кул куйган.

Аерым алганда, федераль законда түбәндәгеләр карала:

- төзелгән йортны файдалануга тапшыру этабында банклар тарафыннан эскроу счетларын ачу. Элек эскроу счетларын ачу төзелгән йортны файдалануга тапшыргач һәм беренче фатирны милеккә тапшырганнан соң гына гамәлгә ашырыла иде;

- алданган өлешчеләргә югалткан акчаларын түләгәндә тиешле түләү бәясе өч айдан узмаган бәяләүгә карап билгеләнәчәк;

- административ каршылыкларны киметү максатларында билгеләнгәнчә, төзүче оешма проект декларациясен ай саен актуальләштерергә тиеш, бу исә, конкрет мәгълүматларның яисә шартларның үзгәрүенә карамастан, төзүче оешма тарафыннан проект декларациясенә үзгәрешләр кертүнең бердәм вакытын билгеләргә мөмкинлек бирәчәк;

- объектны Проблемалы объектларның бердәм реестрыннан төшереп калдыру нигезләре төгәл язылган, атап әйткәндә: объектны файдалануга тапшыру, яисә объект буенча компенсацияләр түләү;

- бер үк вакытта йортны кадастр исәбенә куеп, күпфатирлы йорт төзелгән җир участогының залогын гамәлдән чыгару. Элек, залогны гамәлдән чыгару өчен, кадастр исәбенә куярга, шуннан соң документларны күрсәтергә кирәк иде;

- объектны файдалануга тапшыру срогының өч һәм аннан күбрәк айга бозылуын төзүче оешманың һәм проект декларациясенең 214-ФЗ номерлы федераль закон таләпләренә туры килүе турында бәяләмә бирүдән баш тарту нигезләреннән төшереп калдыру;

- объектның техник планда күрсәтелгән мәйданы проект документларында күрсәтелгән мәйданнан 5% артмаган күләмдә тайпылган очракта, төзүче оешма тарафыннан объектны файдалануга тапшыруга рөхсәт алу мөмкинлеге;

- төзүче оешма тарафыннан башлангыч җир кишәрлеген бүлү нәтиҗәсендә барлыкка килгән җир кишәрлегенә карата шәһәр төзелеше планын алу зарурлыгын бетерү;

- прокуратура органнары үзләренә прокурор күзәтчелеген гамәлгә ашыру өчен кирәкле, торак төзелешенең бердәм мәгълүмат системасында булган мәгълүматтан файдалана алу хокукына ия булачак;

- кредит килешүендәге шартлар нигезендә йөкләмәләрне тулы күләмендә үтәү вакыты турында, шулай ук 214-ФЗ номерлы федераль законның 6 статьясы нигезендә төзүче оешма тарафыннан өлешле төзелештә катнашучыга объектны тапшыру срогы турындагы мәгълүматны төзелеш проекты турындагы мәгълүматта күрсәтергә кирәк.

Федераль закон, аерым нигезләмәләрдән тыш, рәсми басылып чыккан көненнән үз көченә керде.

Сораштыру республика китапханәләре эше турында халык фикерен ачыклау өчен үткәрелә. Тикшеренү нәтиҗәләре гамәлдәге социаль запрос нигезендә китапханә хезмәте күрсәтүне камилләштерергә ярдәм итәчәк. Анкета түбәндәге сылтама буенча урнаштырылган: https://kitaphane.tatarstan.ru/libr_opros2020.htm

2020 елның беренче яртыеллыгында ТР Дәүләт төзелеш күзәтчелеге инспекциясе белгечләре Татарстан Республикасы территориясендә төзелә торган капиталь төзелеш (үзгәртеп кору) объектларында 1456 мәртәбә күчмә тикшерү үткәргән. Карантин чаралары һәм төзелешне вакытлыча туктатып тору сәбәпле, тикшерүләр саны, 2019 елның шул ук чоры белән чагыштырганда, якынча 16%ка кимегән.

Тикшерү барышында объектларда эшләр башкарганда сыйфат, хезмәтне саклау таләпләрен һәм куркынычсызлык техникасын үтәмәү, оештыру-хокук тәртибен бозу, шулай ук техник заказчылар тарафыннан төзелеш контролен тиешенчә алып бармау очраклары ачыкланган.

ТР Дәүләт төзелеш күзәтчелеге инспекциясе хезмәткәрләре төзелеш өлкәсендә административ хокук бозулар турында 621 беркетмә төзегән. Бирелгән беркетмәләрнең саны, 2019 елның шул ук чоры белән чагыштырганда, 30%ка кимегән. Күпчелек хокук бозулар күрсәтмәләр бирелгәннән соң оператив рәвештә бетерелгән, бу хәл кабат уздырылган тикшерүләр нәтиҗәсендә расланган. Калганнары күрсәтмәләрдә билгеләнгән срокларга туры китереп, контрольдә тотыла.

Хәзерге вакытта 978 капиталь төзелеш объекты ТР Дәүләт төзелеш күзәтчелеге инспекциясе контролендә тора. Алты ай эчендә инспекциядән 88 объектка проект документларының туры килүе турында бәяләмә бирелгән.

ТР Дәүләт төзелеш күзәтчелеге инспекциясе хезмәткәрләре Казанның Авиатөзелеш районы, Дементьев урамы буенча төзелә торган торак йорт белән танышты. Бина коммерция нигезендә төзелә. ТР Дәүләт төзелеш күзәтчелеге инспекциясе төзелә торган торак йортларның куркынычсызлыгына аерым игътибар бирә. Бүген объектта кирпеч өеменең, стеналар һәм бүлгеләр сыйфаты тикшерелде.

14 катлы торак йортның гомуми мәйданы 8039,9 квадрат метр тәшкил итә. Яңа корылмада 104 фатир булачак: бер бүлмәледән алып өч бүлмәлегә кадәр. Беренче катлар торак өчен билгеләнмәгән, киләчәктә биредә инфраструктура объектлары ачылырга мөмкин. Комплекста җир асты паркингы проектланган.

Якын-тирә территорияне төзекләндерәчәкләр һәм яшелләндерәчәкләр, җәяүлеләр өчен юллар, балалар өчен уен мәйданчыклары булдырылачак.

Төзүче оешма мәгълүматларына караганда, объектны файдалануга тапшыру 2020 елның дүртенче кварталына билгеләнгән.

Кабатлана торган һәм актуаль булмаган нормалар гамәлдән чыгарылырга тиеш.

1 нче августтан башлап биналарның куркынычсызлыгына кагылышлы зарури таләпләр саны 30% кимиячәк. Хөкүмәт тарафыннан расланган илкүләм стандартлар һәм кагыйдәләр җыелмаларының яңа исемлегенә артык һәм кабатлана торган нормалар кертелмәгән.

Хәзерге вакытта корылмаларга проектлау һәм төзелеш стадиясендә 10 меңнән артык мәҗбүри таләп куела. Яңа кагыйдәләр үз көченә кергәннән соң, алар саны якынча 3 меңгә кимиячәк. Бу – 2014 ел ахырында кабул ителгән илкүләм стандартлар һәм кагыйдәләр җыелмасы исемлеген яңадан карау нәтиҗәсе. Аны актуальләштерү профессиональ һәм экспертлар бергәлеге вәкилләре катнашында алып барылган.

Кыскартылган исемлек биналарның һәм корылмаларның иминлеге турындагы 2009 елда расланган төп техник регламент нигезләмәләрен тулысынча үтәргә мөмкинлек бирәчәк. Шул ук вакытта яңа документ аны гамәлгә керткәнче башланган проектларга кагылмый. Бу төзүче һәм проектлаучы оешмаларны кабат дәүләт экспертизасы узу зарурлыгыннан азат итәчәк.

ТР Дәүләт төзелеш күзәтчелеге инспекциясе башлыгы Василий Кудряшов эш визиты белән Әлмәт муниципаль районында булды. Сәфәр барышында ул социаль әһәмиятле объектларның төзелеш мәйданнарын карады. Аны Әлмәт районы башкарма комитеты җитәкчесенең төзелеш буенча урынбасары Денис Косарев озата йөрде.

Василий Кудряшов «Западные ворота» микрорайонындагы Бигәш урамы, 137 адресында урнашкан «858 укучыга исәпләнгән инженерлык мәктәбе төзелеше» объектын карады. Хәзерге вакытта бинада тышкы һәм эчке төзекләндерү эшләре, эчке инженерлык челтәрләрен монтажлау эшләре бара, фасад эшләре тәмамланып килә, участокны планлаштыру һәм территорияне төзекләндерү эшләре бара. Объектның гомуми әзерлек дәрәҗәсе – 64%.

Проект буенча мәктәптә уку сыйныфлары, 320 урынлы төшке аш залы, медицина кабинеты, ике спорт залы һәм 25*11 метрлы бассейн каралган. Шул ук вакытта йөзү бассейны бинасында кессонлы япмалар технологиясе кулланылган. Моннан тыш, мәктәптә көрәш залы, иҗтимагый һәм административ зона проектланган. Шулай ук берничә функцияне үти торган амфитеатрлы холл бар: актлар залы, мәктәп форумы, медиатека һ. б. 4 катлы бинаның гомуми мәйданы 18170 кв. метр тәшкил итә.

Соңыннан Василий Кудряшов Бигәш урамында социаль ипотека республика программасы буенча төзелә торган күпфатирлы торак йорт белән дә танышты. Проект буенча 15 катлы бина 154 фатирга исәпләнгән. Объектның әзерлеге югары дәрәҗәдә, төзүче оешма аны тиздән файдалануга тапшырырга планлаштыра.

Ахырда ведомство башлыгы ТР ДТК инспекциясенең Капиталь төзелеш объектларын күзәтү һәм үзгәртеп кору буенча көньяк-көнчыгыш территориаль органы хезмәткәрләре белән киңәшмә үткәрде һәм алдагы эш планын билгеләде. Эш сәфәренең төп максаты төзелә торган объектларның әзерлек торышына һәм срокларын билгеләүгә бәйле иде.

ТР Дәүләт төзелеш күзәтчелеге инспекциясе Әлмәт шәһәрендә төзелеш тармагында катнашучылар һәм район башкарма комитетлары вәкилләре белән зональ киңәшмә үткәрде. Чара ТР Дәүләт төзелеш күзәтчелеге инспекциясе башлыгы Василий Кудряшов рәислегендә узды.

 Чарада катнашучыларга контроль-күзәтчелек органының эш тәртибен билгеләүче федераль законнардагы үзгәрешләр турында искәртелде. Спикерлар төзелеш стандартлары, шәһәр төзелеше законнарындагы үзгәрешләр, шул исәптән коронавирус пандемиясе шартларында да дәүләт төзелеш күзәтчелеген гамәлгә ашыру нечкәлекләре турында сөйләде. Исегезгә төшерик, Россия Федерациясе Хөкүмәтенең 2020 елның 22 нче апрелендәге 557 номерлы карары нигезендә тикшерүләрне ел ахырына кадәр кыскарту күздә тотыла. ТР Дәүләт төзелеш күзәтчелеге инспекциясенең хокук идарәсе башлыгы Шамил Рәимов төзүчеләрдән РФ Хөкүмәте билгеләгән «йомшаклык»лардан явызларча файдаланмаулары турында сорады, дөрес булмаган мәгълүматлар ачыкланса, хокук бозулар исәпкә алыначак.   

Киңәшмә барышында анда катнашучылар административ басымнарны киметү, республикада төзелеш сыйфатын яхшырту мәсьәләләре буенча фикер алышты.

«Киңәшмәләр без уртак тел тапсын өчен үткәрелә һәм күзәтчелек процессында бернинди  дә аңлашылмаучанлыклар тумасын иде», – дип билгеләп үтте Василий Кудряшов.

Моннан тыш, өлешле төзүне контрольдә тоту бүлеге башлыгы Фәнзил Ризванов өлешле төзүдә катнашу турындагы законнарда, шул исәптән яңа коронавирус инфекциясе таралу шартларында да, булган үзгәрешләр турында сөйләде, шулай ук Татарстан Республикасында торак төзелешен финанслауның яңа схемасын куллану мәсьәләсе каралды.  

ТР Дәүләт төзелеш күзәтчелеге инспекциясе башлыгы Василий Кудряшов республикадагы территориаль органнарның җитәкчеләре белән аппарат киңәшмәсе үткәрде, анда контроль-күзәтчелек органының эш тәртибен билгели торган федераль законнардагы үзгәрешләр турында искәртелде.

Россия Федерациясе Хөкүмәтенең 2020 елның 22 нче апрелендәге 557 номерлы карары нигезендә яңа коронавирус йогышы таралган шартларда төзелеш мәйданнарында тикшерүләрне кыскарту күздә тотыла.

Киңәшмә барышында хокук идарәсе башлыгы Шамил Рәимов, әлеге карар кабул итүгә һәм Инспекциянең 49 номерлы боерыгы белән расланган Административ регламенты үзгәртелүгә бәйле рәвештә, инспекторларның гамәлләр алгоритмы турында аңлатты. 

Шулай итеп, 2020 елның 31 нче декабренә кадәр тикшерүләрне бары тик тикшерүләрнең расланган программасы һәм төзелеш тәмамлануы турында хәбәр нигезендә генә үткәрергә мөмкин. Василий Кудряшов билгеләп үткәнчә, әлеге дәүләт чаралары Covid-19 белән бәйле хәл аркасында бизнеска ярдәм итү максатларында күрелгән.  

Татарстанда социаль әһәмиятле объектлар төзелеше тулы куәтенә бара. Кичә ТР Дәүләт төзелеш күзәтчелеге инспекциясе инспекторлары тикшерүләр программасы кысаларында «Салават күпере» микрорайонында төзелә торган яңа балалар бакчасын карады.

Хәзерге вакытта объектта төзелеш эшләре төгәлләнеп килә, эчке бизәкләү, вентиляцияләнә торган фасад урнаштыру, эчке инженерлык челтәрләрен монтажлау эшләре бара, якындагы территорияне төзекләндерү эшләре (грунт кайтару, планировка) башланган. Объектның гомуми әзерлек дәрәҗәсе – 95%.

Ике катлы балалар бакчасы 260 балага исәпләнгән. Балалар бакчасы торак комплексның 3 нче кварталында урнашкан. Мәктәпкәчә учреждение типик проект буенча торгызыла. Бинада уен һәм физкультура мәйданчыклары, музыка залы, йокы бүлмәләре, азык-төлек блогы каралган. Объектны тапшыру вакыты 2020 елның августында билгеләнгән. Быел Татарстанда 22 балалар бакчасы һәм 9 мәктәпне файдалануга тапшыру планлаштырыла.

ТР Дәүләт төзелеш күзәтчелеге инспекциясе инспекторлары билгеләнгән график буенча йортта барган төзелеш эшләре белән танышты, объектның проект документларына туры килү-килмәвен тикшерде. Хәзерге вакытта объектта эчке бизәкләү, инженерлык челтәрләрен монтажлау, вентиляцияләнә торган фасад урнаштыру, территорияне төзекләндерү эшләре бара.

«9нчы этапның икенче чиратындагы 12 нче торак йорт» объекты төзелеше республика башкаласының Совет районы, Н.Ершов урамы буенча алып барыла. Проект буенча гомуми мәйданы 9500 кв. метрдан артык булган йорт 151 фатирга исәпләнгән. Торак бина коммерция нигезендә төзелгән.

Быел Татарстан Республикасында «Торак һәм шәһәр мохите» илкүләм проектын гамәлгә ашыру кысаларында 2 млн. 979 мең кв. метр торакны файдалануга тапшыру планлаштырыла. Исегезгә төшерәбез, 2019 елда 2 млн. 675,5 мең кв. метр торак файдалануга тапшырылган.

ТР Дәүләт төзелеш күзәтчелеге инспекциясе дәүләт төзелеш күзәтчелеген гамәлгә ашыра, аның нәтиҗәсе булып төзелгән, үзгәртеп корылган капиталь төзелеш объектының проект документациясе таләпләренә туры килүе турында бәяләмә бирү буенча дәүләт хезмәте күрсәтелә.