ЯҢАЛЫКЛАР

Яр Чаллы шәһәренең ЗЯБ поселогында, 19 микрорайонда урнашкан, 220 урынга исәпләнгән балалар бакчасы бүген Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды.

Объектны төзү «Демография» илкүләм проекты кысаларында алып барылган.

Татарстанда республика Президенты Рөстәм Миңнеханов ярдәме белән 2010 елдан 2019 елга кадәр 37 585 урынга исәпләнгән 239 яңа балалар бакчасы барлыкка килде. 

2020-2021 елларда «Демография» илкүләм проекты кысаларында 49 балалар бакчасы төзү планлаштырылган – шуның нәтиҗәсендә ясле төркемендәге сабыйлар өчен урыннар җитмәү проблемасын республика 2022 елда ук хәл итәргә планлаштыра.

Бүген, 3 сентябрьдә, Татарстан Республикасы Дәүләт төзелеш күзәтчелеге инспекциясе Питрәч районындагы балалар бакчасына төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланылган энергетика ресурсларын исәпкә алу җайланмалары белән тәэмин ителү таләпләренә җавап бирүе турында ярашлылык бәяләмәсе бирде.

Исегезгә төшерәбез, бу атнада «Росток» балалар бакчасында Татарстан Президенты Рөстәм Миңнеханов булды. Ул соңгы стадиядә булган төзелеш эшләренең барышын тикшерде. Рөстәм Миңнеханов балалар бакчасында сәламәтлек ягыннан төрле дәрәҗәдә булган балалар өчен тигез мөмкинлекләр оештыру өчен махсус шартлар тудырылуына игътибар итте. Объект, мөмкинлекләре чикләнгән кешеләрнең ихтыяҗларын исәпкә алып, лифт белән җиһазландырылган.

«Росток» («Үсенте») балалар бакчасы 220 балага исәпләнгән. Ике катлы бинада уен, йокы бүлмәләре, уен бүлмәләре, буфетлар һәм бәдрәф бүлмәләре булган 12 төркем урнашкан. Шулай ук музыка һәм физкультура дәресләре өчен заллар, медпункт, психолог һәм логопед кабинетлары, азык-төлек блогы бар.

Объект «Демография» илкүләм проекты ярдәмендә төзелгән. Ул белем бирү учреждениеләренең яңа таләпләренә туры килә һәм расланган проект документациясе нигезендә торгызылган. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.

Татарстанда республика Президенты Рөстәм Миңнеханов ярдәме белән 2010 елдан 2019 елга кадәр 37 585 урынга исәпләнгән 239 яңа балалар бакчасы барлыкка килде. 

2020-2021 елларда «Демография» илкүләм проекты кысаларында 49 балалар бакчасы төзү планлаштырылган – шуның нәтиҗәсендә ясле төркемендәге сабыйлар өчен урыннар җитмәү проблемасын республика 2022 елда ук хәл итәргә планлаштыра.

Якын арада Татарстанда тагын 10 балалар бакчасын тапшырырга планлаштыралар.

Элегрәк Рөстәм Миңнеханов «Усадьба Царево» шәһәр яны торак комплексында 1224 урынга исәпләнгән заманча мәктәп ачты.

2 сентябрьдә Татарстан Республикасының Дәүләт төзелеш күзәтчелеге инспекциясе Биектау районындагы 340 урынга исәпләнгән балалар бакчасына төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә бирде. Объект «Демография» илкүләм проекты кысаларында төзелгән. 

Уңайлы төркемнәр, музыка һәм физкультура заллары булган заманча бина сәламәтлеге буенча мөмкинлекләре чикләнгән балаларның ихтыяҗларын исәпкә алып проектланган һәм лифт белән җиһазландырылган. Проект документларында махсус ихтыяҗлары булган балалар өчен 40 урын булдыру каралган – уңайлы мохит нәтиҗәсендә алар башка нәниләр белән беррәттән балалар бакчасына йөри алачак.

Бу – мәгариф учреждениеләренең яңа таләпләренә туры килә торган уникаль балалар бакчасы, дип хәбәр итте Татарстан Республикасы Дәүләт төзелеш күзәтчелеге инспекциясе башлыгы Василий Кудряшов.

2020-2021 елларда «Демография» илкүләм проекты кысаларында 49 балалар бакчасы төзү планлаштырылган – шуның нәтиҗәсендә ясле төркемендәге сабыйлар өчен урыннар җитмәү проблемасын республика 2022 елда ук хәл итәргә планлаштыра.

Республика көнен бәйрәм итү көнендә «100% Татарстан» интеллектуаль эш киңлеге эшләтеп җибәрелде. Онлайн-платформа икътисадның әйдәп баручы тармакларында партнерлар һәм экспертлар белән хезмәттәшлек итү мәйданчыгы булачак.

Интеллектуаль эш киңлеге йөзләгән спикерны берләштерәчәк, алар Татарстанны стратегик үстерүнең төп темалары буенча фикер алышачак. 10 сентябрьгә кадәр сайтта дискуссияләр, турыдан-туры эфирлар, интервьюлар һәм мастер-класслар уза, икътисадтагы стратегик инициативаларга алхәбәр бирелә.

Форум программасы 21 юнәлеш буенча 300 артык сессияне үз эченә ала: IT-индустрия, мәгариф, медицина, авыл хуҗалыгы, туризм, циркуляр икътисад, инвестицияләр һәм эшкуарлык, биотехнологияләр һ.б.

Бөтен дөньядан катнашучылар сайтта бушлай трансляцияне карый ала, Instagram социаль челтәрендә чараның рәсми аккаунтындагы яңалыкларына язылып, күзәтеп тора алачак. Эш программасының шулай ук инглиз һәм татар телләренә синхрон тәрҗемәсе дә булачак. Онлайн-студиянең өзлексез эшләве экспертларга сораулар бирергә һәм реаль вакыт режимында оператив рәвештә җавап алырга мөмкинлек бирәчәк.

Спикерлар һәм чарада катнашучылар арасында республиканың беренче затлары, федераль министрлыклар һәм ведомстволар, спорт, мәдәният, мәгариф, медицина, бизнес һәм сәнәгать өлкәләре вәкилләре бар, дип хәбәр итә ТР Инвестицияле үсеш агентлыгы.

Кичә, 1 сентябрьдә, Татарстан Республикасының Дәүләт төзелеш күзәтчелеге инспекциясе башлыгы республиканың эш визиты белән Нурлат районында булды. Визит барышында ул төзелеп бетү стадиясендә булган социаль һәм спорт объектларының төзелеш мәйданчыкларын карады. Сәфәрнең максаты – ярашлылык турында бәяләмә алу өчен объектларның әзерлек дәрәҗәсен билгеләү. 

Василий Кудряшовка «Тулпар» бассейны булган универсаль спорт комплексы төзелешенең тәмамлануын күрсәттеләр. Спорт объекты Татарстан Президенты Рөстәм Миңнеханов ярдәме белән төзелгән.

Гомуми мәйданы 5209 кв. метр булган бинада волейбол һәм баскетбол уеннары өчен спорт залы, көрәш белән шөгыльләнү өчен зал, тренажер залы, ике бассейн һәм 70 урынга исәпләнгән трибуналар урнашачак.

Бинада мөмкинлекләре чикләнгән кешеләр өчен уңайлыклар каралган. Моннан тыш, спорт комплексы территориясендә өстәмә спорт мәйданчыклары да планлаштырылган. Хәзерге вакытта объект төзелеп бетү стадиясендә. Комплекста сантехниканы монтажлау, керү төркемен урнаштыру эшләре тәмамлана, бассейндагы суның сыйфатын тикшерәләр.

Василий Кудряшов Мәктәп урамында урнашкан «Нурлат» балалар иҗат йортының әзерлек дәрәҗәсен бәяләде. Дүрт катлы объектның гомуми мәйданы 2942,6 кв. метр тәшкил итә. Объектта кабинетларда сәнгать-бизәү эшләре актив темплар белән бара.

«Уку елы башлану белән социаль һәм спорт объектларына республика Президентының зур игътибары юнәлтелде. Инспекторлар балалар күпләп була торган объектларны җентекләп тикшерә. Алар балалар үсешенә ярдәм итә торган барлык заманча таләпләргә туры килергә һәм расланган проект документациясенә катгый нигезләнеп төзелергә тиеш. Мондый искиткеч объектларның озак еллар дәвамында кешеләргә хезмәт итәчәге сөенечле», - дип билгеләп үтте Василий Кудряшов.

Моннан тыш, Инспекция башлыгына Иске Камышлы авылында социаль ипотека республика программасы һәм «Торак һәм шәһәр мохите» илкүләм проекты буенча төзелә торган өч катлы торак йортны күрсәттеләр. Торак йортта 27 фатир урнашкан. Хәзерге вакытта биредә газ тоташтыру һәм йортка китерә торган юл төзү эшләре алып барыла. Торак бинаны көзен тапшырырга планлаштыралар.

Түбән Кама шәһәренең 35а микрорайонында «Демография» илкүләм проекты буенча төзелгән балалар бакчасы Татарстан Республикасы Дәүләт төзелеш күзәтчелеге инспекциясеннән ярашлылык бәяләмәсе алды.

«Объект белем бирү учреждениеләренең яңа таләпләренә җавап бирә һәм проект документларына туры китереп төзелгән», – дип хәбәр итте ТР Дәүләт төзелеш күзәтчелеге инспекциясе башлыгы Василий Кудряшов. 

«Калейдоскоп» балалар бакчасы 260 балага исәпләнгән. Заманча бинада уен, йокы, киенү-чишенү, буфет һәм бәдрәф, музыка һәм физкультура заллары, психолог һәм логопед кабинетлары, азык-төлек блогы һ.б. каралган. Якын-тирә территориясе төзекләндерелгән.

3 яшьтән алып 6 яшькә кадәрге балалар өчен балалар бакчаларында урыннар мәсьәләсен хәл итү – Татарстан Президентының мәгариф өлкәсендәге программаларының төп казанышларыннан берсе. 2010 елдан 2019 елга кадәр Президент программаларын гамәлгә ашыру кысаларында 37,5 мең урынга исәпләнгән 239 балалар бакчасы төзелгән.

2020-2021 елларда «Демография» илкүләм проекты кысаларында 49 балалар бакчасы төзү планлаштырылган – шуның нәтиҗәсендә ясле төркемендәге сабыйлар өчен урыннар җитмәү проблемасын республика 2022 елда ук хәл итәргә планлаштыра.

Арчада «Балачак» («Детство») балалар бакчасы төзелеп беткән. «Демография» илкүләм проекты буенча төзелгән яңа мәктәпкәчә белем бирү учреждениесе 2020 елның 31 августында төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында Татарстан Республикасы Дәүләт төзелеш күзәтчелеге инспекциясе бәяләмәсен алды.

Балалар бакчасы 140 балага исәпләнгән. Бина проект документациясе таләпләренә туры китереп төзелгән һәм барлык төзелеш стандартларына туры килә.

Проект нигезендә ике катлы мәктәпкәчә учреждение 6 төркемгә исәпләнгән. Төркем ячейкасы составына киенү-чишенү, уен, йокы, бәдрәф һәм буфет керә. Шулай ук музыка һәм физкультура заллары, административ һәм уку кабинетлары, азык-төлек һәм медицина блогы җиһазландырылган.

Балалар бакчасы территориясе төзекләндерелгән. Биредә уен һәм спорт мәйданчыклары, күләгәле әвеслекләр, чана һәм коляска саклау өчен әвеслекләр бар, яшелләндерү эшләре башкарылган.

Татарстан Республикасы – илдә яңа балалар бакчалары төзү нәтиҗәсендә мәктәпкәчә белем бирү учреждениеләрендә урыннар җитмәү проблемасын хәл иткән беренче төбәкләрнең берсе. 2010 елдан 2019 елга кадәр Президент программаларын гамәлгә ашыру кысаларында 37,5 мең урынга исәпләнгән 239 балалар бакчасы төзелгән.

2020-2021 елларда «Демография» илкүләм проекты кысаларында 49 балалар бакчасы төзү планлаштырылган – шуның нәтиҗәсендә ясле төркемендәге сабыйлар өчен урыннар җитмәү проблемасын республика 2022 елда ук хәл итәргә планлаштыра.

Татарстанның Дәүләт төзелеш күзәтчелеге инспекциясе алдында сыйфатлы материаллар һәм конструкцияләр куллануны тәэмин итү, социаль инфраструктураның мөһим объектларын төзегәндә һәм тапшырганда законнарны бозмау һәм расланган проект документларыннан тайпылышларга юл куймау бурычы тора.

31 августта Татарстан Республикасының Дәүләт төзелеш күзәтчелеге инспекциясе Нурлат районында ат спорты манежына ярашлылык турында бәяләмә бирде. Объект проект документациясе таләпләренә туры китереп төзелгән. 

Бер катлы бинаның гомуми мәйданы 1800 кв. метр тәшкил итә. Ул хәзерге Нурлат ат заводы территориясендә урнашкан.

Проект белән 62-20 метрлы хәрби кыр манежы, 161 кешегә исәпләнгән трибуналар, судьялар өчен урыннар каралган.

Ел әйләнәсе кулланыла торган ат спорты манежы күнекмәләр алу һәм ярышлар уздыру, шулай ук балаларны савыктыру-тернәкләндерү ялын оештыру өчен билгеләнгән.

Яр Чаллы шәһәренең «Замелекесье» торак районының 22 нче микрорайонында «Демография» илкүләм проекты буенча төзелгән «Дуслар» («Друзья») яңа балалар бакчасы 2020 елның 27 августында Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды.

Заманча балалар бакчасы 220 балага исәпләнгән. Бина мәгариф учреждениеләренең барлык яңа таләпләренә дә туры килә.

Проект буенча бинада уен, йокы, киенү-чишенү бүлмәләре, буфет һәм бәдрәф, музыка һәм физкультура заллары, методик кабинет, шәфкать туташы кабинеты, психолог һәм логопед кабинетлары бар.

Якын-тирәдә күләгәле әвеслекләр белән урамда йөреп керү мәйданчыклары, физкультура мәйданчыгы булдырылган. Төзекләндерү эшләре башкарылган – газон куелган, агачлар һәм куаклар утыртылган.

Түбән Каманың 29 нчы микрорайонында «Демография» илкүләм проектын гамәлгә ашыру кысаларында төзелгән яңа балалар бакчасы төзелеп беткән. Татарстан Республикасының Дәүләт төзелеш күзәтчелеге инспекциясе мәктәпкәчә балалар учреждениесенә проект документларының туры килүе турында бәяләмә бирде. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.

«Күбәләк» балалар бакчасы 260 балага исәпләнгән. Заманча бинада уен, йокы, киенү-чишенү, буфет һәм бәдрәф, музыка һәм физкультура заллары, психолог һәм логопед кабинетлары, азык-төлек блогы һ.б. каралган. Якын-тирә территориясе төзекләндерелгән.

Татарстан Республикасы – илдә яңа балалар бакчалары төзү нәтиҗәсендә мәктәпкәчә белем бирү учреждениеләрендә урыннар җитмәү проблемасын хәл иткән беренче төбәкләрнең берсе. 2010 елдан 2019 елга кадәр Президент программаларын гамәлгә ашыру кысаларында 37,5 мең урынга исәпләнгән 239 балалар бакчасы төзелгән.