ЯҢАЛЫКЛАР

Бүген Татарстан Республикасы Президенты Рөстәм Миңнеханов Чистай һәм Әлки муниципаль районнарында эш сәфәрендә булды. Аны ТР Премьер-министры урынбасары - авыл хуҗалыгы һәм азык-төлек министры Марат Әхмәтов озата йөрде. Район үзәге Базарлы Матак авылында Рөстәм Миңнеханов яңа төзелгән "Ләйсән" ябык бассейнын ачу тантанасында катнашты. 

Район башлыгы Александр Никошин ТР Президентына әлеге проектка ярдәм итүе өчен рәхмәт белдерде. "Яңа комплекс ачылганнан соң, йөзүчеләребезнең су спорт төрләре чемпионатларында алдынгы урыннарны яулый башларлар дип ышанабыз", - диде ул. 

Рөстәм Миңнеханов чыгышында билгеләгәнчә, Казандагы 2015 елгы Су спорт төрләре буенча дөнья чемпионатына әзерләнү кысаларында өч зур бассейн арендаланган иде. Әлеге чемпионат тәмамлангач, бу төзелмәләр язмышы мәсьәләсе килеп басты. Шунда республика җитәкчелеге әлеге бассейннарны Татарстанда калдырырга һәм аларны Казан, Чаллы һәм Әлки районына бирергә булды. 

Рөстәм Миңнеханов яңа объектны югары бәяләде, һәм мондый шартларда Россия дәрәҗәсендәге чемпионнарны гына түгел, ә халыкара дәрәҗәдәге чемпионнар әзерләп булуын ассызыклады. "Әлки районында максатчан кешеләр, сәләтле яшьләр яши. Шик юк, биредә алдагы Олимпия уеннарының җиңүчеләре үсә", - диде ул. 

Шуннан Татарстан Президенты Әлки районы башлыгы Александр Никошин һәм ТР яшьләр эшләре һәм спорт министры Владимир Леонов белән "Ләйсән" бассейнын карады. 

Өч катлы спорт комплексын бер ел дәвамында төзеделәр. Көненә биредә 320 кеше кабул итә алалар. 

Бассейнда спорт чараларын үткәрү өчен шартлар бар, объект мөмкинлекләре чикле кешеләр өчен җайлаштырылган. 

Аннан Рөстәм Миңнеханов "Каенкай" балалар бакчасында булды, анда ул капиталь ремонт нәтиҗәләрен бәяләде. 

ТР Президенты Матбугат хезмәте, Булат Низамиев. 

Татарстанда ел башланганнан бирле 1 млн. 355,8 кв.м. торак файдалануга тапшырылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры Илдар Халиков та катнашты. 

Тулаем төзелеш предприятиеләрендә җитештерү имгәнүләре кимү буенча уңай динамика күзәтелә, диде министр.

Төзелеш һәм капиталь ремонт объектларында эшләр алга бара, - диде министр. «Чаллы шәһәре, Яңа Чишмә, Буа, Баулы, Аксубай һәм Зеленодольск районнары җитәкчеләре игътибарына: сез торак тапшыру буенча графиктан артта барасыз».

2016 елда Татарстан Республикасында социаль ипотека буенча 155 мең кв. метрга 71 йорт тапшырылган. Тагын 122 объект төзелеп ята. Күбесе тәмамлану стадиясендә. Программаны гамәлгә ашырмау куркынычы юк. Аренда йортлары төзү программасы тулысынча үтәлде, - диде Ирек Фәйзуллин .

«Ветераннарга торак» программасы буенча 175 ветеран гаиләсе өчен 38 торак йорт төзелә. 24 йорт Дәүләт торак фонды аша,14е –Главинвестстрой аша», диде министр.

Ятим балаларның һәм ата-ана каравыннан мәхрүм калган балаларның, шуларга тиңләштерелгән затларның торак хокукларын гамәлгә ашыру программасы һәм күп балалы гаиләне торак белән тәэмин итү программасы уңышлы гамәлгә ашырыла. Яшь гаиләләргә торак программасы буенча барысы да торак сайлап алды.   

Инвестиция программасы кысаларында 99 күп фатирлы йорт төзү планлаштырылган иде, 44е – әзер. Калган 55 – 36сы әзер диярлек. Программа үтәлеп бара.

Татарстанда участок вәкаләтле полиция хезмәткәрләрен торак белән тәэмин итү программасы да гамәлгә ашырылуын дәвам итә. 33 яңа авыл клубы гамәлгә кертелде. Калган 12 сендә эшләр дәвам итә. Блоклы ветпунктлар төзү программасы эшли, 38 фундамент монтажланган,  37 объектка инженер челтәрләре китерелгән, 35 модуль төзелеш мәйданында һәм 31 модуль монтажланган инде, - дип белдерде министр. Сәламәтлек саклау объектларының барысында да планда каралган эшләр башкарыла. Төзелеш графигында Болгар шәһәрендә кунакханә һәм Ислам академиясе бар.

«Мәгариф учреждениеләренә капиталь ремонт эшләре 98,7 процентка үтәлгән. 60 объектта эшләр төгәлләнгән», - диде Ирек Фәйзуллин. Коррекцион мәктәпләр буенча эшләр бик әйбәт түгел: 12 объектта гына эшләр тәмамланган. Артта калучылар – Чистай  мәктәбе һәм Әлмәттәге мәктәп. Эшләр 1 нче сентябрьгә кадәр төгәлләнергә тиеш», - дип мөрәҗәгать итте министр районнар башлыкларына.

"Татар-информ" МА

Түбән Кама шәһәрендә 12 катлы  торак йорт ТР Дәүләт төзелешен күзәтү Инспекциясеннән төзелгән, үзгәртеп корылган капиталь төзелеш объектының техник регламентларның (нормаларның һәм кагыйдәләрнең), башка норматив-хокукый актларның һәм проект документларының таләпләренә, шул исәптән энергетика нәтиҗәлелегенә карата таләпләргә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителешенә карата таләпләргә туры килүе турында ярашлылык бәяләмәсе алды.  Торак йортны төзүче – “Татарстан Президенты каршындагы дәүләт торак фонды”,  объектның гомуми мәйданы – 15361,5 кв.м.

Төзелеш комплексы бүген - республика икътисадый үсешенең нигезе. Бу хакта бүген Татарстан Республикасы Президенты Рөстәм Миңнеханов "Пирамида" комплексында үткән Төзелеш көненә багышланган бәйрәм чарасында белдерде.

Тантанада шулай ук ТР Дәүләт Киңәшчесе Минтимер Шәймиев, ТР Премьер-министры Илдар Халиков, Россия Федерациясе төзелеш һәм ТКХ министры вазыйфаларын башкаручы Леонид Ставицкий,ТР төзелеш, архитектура һәм ТКХ министры Ирек Фәйзуллин, Казан мэры Илсур Метшин, ТР министрлыклары һәм ведомстволары, шулай ук төзелеш компанияләре җитәкчеләре, ТР Дәүләт Советы депутатлары һәм башкалар катнашты. 

Төзелеш тармагы безнең республика өчен дә, республикадан читтә дә, гомумән илебездә гаять мөһим урын били, дип ассызыклады Рөстәм Миңнеханов. Аның сүзләренчә, теләсә нинди территория үсеше перспективалары аның инвестицияләр өчен уңай булуы белән билгеләнә. Татарстан бүген - Россиядә инвестицияләрuә бай регионнарның берсе, дип билгеләде ТР Президенты, былтыр төп капиталга инвестицияләр күләме 617 млрд. сум тәшкил итте. «Бездә гаять көчле төзелеш комплексы - төзүчеләр, монтажниклар, проект институтлары, төзелеш индустриясе - булмаса, бу бурычны хәл итү мөмкин булмас иде», - диде Рөстәм Миңнеханов. 

Татарстан Президент искәрткәнчә, бүген республикада 35 төрле программа гамәлгә ашырыла, аларның күбесе мәктәпләрне, балалар бакчаларын, ФАПларны, хастаханәләрне, юл инфраструктурасы объектларын төзүгә бәйле. Безнең төзүчеләрдә булган компетенцияләр бөтен бурычларны да хәл итүне мөмкин итә, дип белдерде Рөстәм Миңнеханов. 

Татарстан Президенты сүзләренчә республика төзелеш комплексы өчен Универсиада-2013 җитди имтихан булды. "Без кыска арада бик зур күләмле эшне башкардык. Футбол стадионын һәм башка спорт объектлары - һәрберсе үзенчәлекле объектлар", - дип билгеләде ул. 

«Без төзүчеләребез белән горурланабыз, төзелеш комплексына бөтен яктан ярдәм итәбез. Төзелеш комплексының белдекле эше - республика үсешенең тотрыклы нигезе ул", - дип йомгаклады ТР Президенты. 

Шуннан Рөстәм Миңнеханов берничә төзелеш предприятиеләре җитәкчеләренә Татарстан Республикасы дәүләт бүләкләрен һәм ТР Президенты Рәхмәтләрен тапшырды. 

Төзүчеләрне һөнәри бәйрәмнәре белән котлаганнан соң, Минтимер Шәймиев Татарстанда төзелеш комплексы белән горурланганнарын ассызыклады. Бик аз төбәкләрдә бүген мондый күрсәткечләр, диде ТР Дәүләт Киңәшчесе һәм үзгәртеп кору чоры белән чагыштырганда, Татарстан бер елда сафка кертелә торган торак күләменең икеләтә артуын билгеләде. Бу Казанга да карый. 

Минтимер Шәймиев сүзләренчә, төзүче һөнәре әһәмияте буенча игенчеләргә тигез. "Кеше тормышын җайлау өчен, беренче чиратта, өстәлендә икмәк һәм йорт түбәсе булуы кирәк. Моннан да катлаулырак һөнәр юктыр. Нинди генә шартларда эшләргә туры килми сезгә, ләкин сез булдырасыз. Фидакарь хезмәтегез өчен рәхмәт", - диде ТР Дәүләт Киңәшчесе.

Минтимер Шәймиев искәрткәнчә, быел Болгар ислам академиясен төзү һәм Казан Мәрьям Ана иконасы Соборын торгызу эшләре башланды. «Соңгы 10-15 елда без күп нәрсәгә өйрәндек. Бүген без безнең материаль мирасыбызны торгызуга алынабы. Без алдагы буыннарга күп гасырлар элек төзелгәнне саклап калабыз, - дип билгеләде ул. - Иң мөһиме - без республикабыз халкы бу эштә катнашканга үз-үзебезгә ышанабыз». 

Шуннан ТР Дәүләт Киңәшчесе төзелеш оешмалары җитәкчеләренә ТРның тарихи һәм мәдәни истәлекләрен торгызу республика фонды Рәхмәт хатларын тапшырды.

Ирек Фәйзуллин республика җитәкчелегенә ТР Төзелеш министрлыгы эшен югары бәяләгәннәре өчен рәхмәт сүзләрен җиткерде. Аның сүзләренчә, бүген төзелеш комплексында 105 мең кеше эшли, 33 меңе ТКХ тармагында һәм 14 меңнән артыгы архитектура проекталавында хезмәт итә. 

ТР Президенты Матбугат хезмәте, Булат Низамиев. 

Бүген Татарстан Республикасы Президенты Рөстәм Миңнеханов Казанда Галиәсгар Камал исемендәге Татар дәүләт академия театрында булды.

Рөстәм Миңнеханов театр бинасы янәшәсендәге мәйданны, шулай ук театр  фойесын һәм балконнарын карады.

Татарстан Президентына Галиәсгар Камал исемендәге Татар дәүләт академия театрын реконструкцияләү вариантларын тәкъдим иттеләр. Реконструкция беренче чиратта театрның өстәмә мәйданнарын булдыру өчен ясала, шулардан – репетицияләр залы, шулай ук җитештерү бүлмәләре.   

Проектлар буенча аңлатмаларны театрның баш режиссеры Фәрит Бикчәнтәев һәм проектлаучы компания вәкилләре биреп барды.

Театрның Кабан күле буенда урнашкан хәзерге бинасы – советлар чоры постмодернизмы үрнәге. Реконструкция проекты шуңа күрә биеклеге буенча   чикләнгән.   

Рөстәм Миңнеханов билгеләп үткәнчә, бүген республикага реконструкциянең   функциональ проекты кирәк, ул конкрет бурычларны хәл итәргә тиеш –репетицияләр һәм җитештерү базаларын киңәйтергә. Моннан тыш, диде Рөстәм Миңнеханов, бинаны тамашачылар һәм актерлар труппасы өчен уңайлы булсын өчен, чыннан да, тәртипкә китерергә кирәк.

Бинаның кыяфәтен, стилистикасын саклап калу да мөһим, диде Татарстан  Президенты. Аның фикеренчә, ландшафт һәм әйләнә-тирә мохит  үзенчәлекләрен дә исәпкә алырга – чөнки театр Кабан күле буенда урнашкан.

«Бүген булган нәрсәләребезнең кадерен белергә кирәк, – диде Рөстәм Миңнеханов, – Камал театры халыкка кирәк, тамашачылар аңа теләп йөри. Театр бинасы исә шәһәр архитектурасын бизи, хәзер Казанны һәм Кабан күле яр буен мондый үзенчәлекле түбәле бинадан башка күз алдына да китереп булмый».

Реконструкция проекты буенча фикер алышуларда Татарстан Республикасы Президенты ярдәмчесе Ләйлә Фазлыева һәм Наталия Фишман, Татарстан Республикасы җир һәм мөлкәт мөнәсәбәтләре министры Азат Хамаев, Татарстан Республикасы төзелеш, архитектура һәм ТКХ министры Ирек Фәйзуллин, Казан шәһәре мэры Илсур Метшин, Казанның баш архитекторы Татьяна Прокофьева, театр җитәкчелеге вәкилләре катнашты.

Азакта Рөстәм Миңнеханов һәм аны озата йөрүче затлар Камал театры  каршындагы мәйданнан алып Кабан күле яр буйларын карап чыктылар.   

ТР Президенты Матбугат хезмәте

Татарстанда 2016 елда социаль ипотека программасы буенча 193 торак йорт төзелеше планлаштырылган. Бу хакта бүген Татарстан Республикасы Министрлар Кабинетында узган брифингта ТР төзелеш, архитектура һәм ТКХ министры Ирек Фәйзуллин хәбәр итте.

Бүгенге көндә республиканың төзелеш комплексында 105 мең төзүче бар. Бу зур армия, ул тулай төбәк продуктының 10%ын тәэмин итә, дип ышана спикер.

ТР Президенты каршындагы Дәүләт торак фонды төрле юнәлешләр буенча программаларны гамәлгә ашыра. Социаль ипотека программасы буенча быелга 9554 фатирга 193 торак йорт төзелеше планлаштырылган. Бүген 59 торак йорт файдалануга тапшырылган. Барлыгы социаль ипотека программасы буенча 2005 – 2015елларда гомуми мәйданы 5 млн 897 мең кв. метр булган 90 мең 846 фатир төзелгән.

Шулай ук республикада күп фатирлы торак йортларны капиталь ремонтлау программасы тормышка ашырыла. Быел 4 млрд 725 млн сумга 830 йортны ремонтлау планлаштырылган.

Ирек Фәйзуллин салынганына 30 елдан арткан мәктәпләрне ремонтлау төгәлләнеп килә, дип өстәде. Узган елдан шундый ук балалар бакчаларын ремонтлау программасын гамәлгә ашыру башланды.

Мәгариф оешмаларына килгәндә, спикер билгеләгәнчә, республикада быел 95 мәктәп, 53 балалар бакчасы ремонтлана.

ТРның Тәтеш, Чистай, Кукмара, Спас, Әлки, Әлмәт, Мөслим, Алабуга, Яшел Үзән районнарында 9 балалар сәламәтләндерү лагерьларында ремонт уздырылган.

Мәдәни билгеләнештәге объектларны ремонтлау программасына 43 авыл клубы кертелгән, 34 объектта эшләр төгәлләнгән.

Узган ел ТР муниципаль берәмлекләрнең  авыл советлары биналарын ремонтлау башланды, дип өстәде министр. 43 районда 78 авыл советы бинасын ремонтлау төгәлләнеп килә.

ТР Авыл хуҗалыгы һәм азык-төлек министрлыгы объектларын ремонтлау буенча эшләр дәвам итә.

“Татар-информ” МА

Татарстан Республикасында 2016 елның 5 августына 1 млн. 271 мең кв. метр торак сафка ткертелгән. Бу хакта ТР Хөкүмәте Йортындагы республика киңәшмәсендә ТР Төзелеш, архитектура һәм ТКХ министры Ирек Фәйзуллин хәбәр итте. 

Киңәшмәне видеконференцэлемтә режимында бцтен муниөипаль районнар белән Татарстан Республикасы Президенты Рөстәм Миңнеханов үткәрде. Киңәмшә эшендә ТР Премьер-министры Илдар Халиков та катнашты. 

Ирек Фәйзуллин гадәттәгечә хезмәтне саклау өлкәсендәге күрсәткечләрне дә хәбәр итте. 2016 ел башыннан ТР Дәүләт төзелеш күзәтчелеге инспекциясе һәм ТР Дәүләт хезмәт инспекциясе тарафыннан 679 тикшерү үткәрелгән. Хезмәтне саклау кагыйдәлен бозу өчен 11 млн. 417 мең сумлык 360 карар чыгарылган. 

Социаль ипотека программасы буенча гомуми мәйданы 132 мең кв. м. булган 2 мең 368 фатирлык 68 йорт сафка кертелгән. 125 төзелүче объекттан югары әзерлек дәрәҗәсендә - 94, уртача әзерлек дәрәҗәсендә - 24, әзерлеге түбән дәрәҗәдә - 7 объект. 

2016 елда төзергә планлаштырылган арендалы торактан 22 торак сафка кертелгән, гомуми мәйданы - 14,4 мең кв. м. 

Республикада 177 Бөек Ватан сугышы ветеранына40 йорт төзү дәвам ителә. 

Ирек Фәйзуллин сүзләренчә, ятим балалар һәм ата-аналар карамагыннан башка калган балаларны торак белән тәэмин итү өчен ТР Җир һәм мөлкәт мөнәсәбәтләре министрыгы белән ТР Дәүләт торак фонды арасында 311 торакны сатып алуга контракт төзелгән. 

5 һәм аннан артык балалы гаиләләргә 42 торак сертификатыннан  22 июль көненә 8 сертификат файдаланылган. 

Ирек Фәйзуллин 2015-2020 елларга "Жилище" ФМПда каралаган гражданнар категорияләрен торак белән тәэмин итү барышы турында да хәбәр итте. 

2016 елда Татарстан Республикасында республика муниципаль берәмлекләре белән килешүләр кысаларында 81 яшь гаилә торак белән тәэмин ителәчәк. 

Күп фатирлы инвестиция тораклары программасы буенча бүгенгә 59 күп фатирлы йорттан югары әзерлек дәрәҗәсендә 37се, уртача әзерлек дәрәҗәсендә - 22 йорт. 

Аз катлы төзелеш өлкәсендә, шул исәптән шәхси торак төзелеше, республика буенча 9 мең торак йорттан 5650 объект сафка кертелгән, дип хәбәр итте министр. 

ТР Төзелеш, архитектура һәм ТКХ министры кайбер районнарда торакларны сафка кертү буенча артта калу күзәтелә - Чаллы, Чирмешән, Әлмәт районы һәм башкалар. 

Рөстәм Миңнеханов киңәшмәдә биржада сатып алынучы төзелеш материаллары бәясе турында, авария хәлендәге тораклардан гражданнарны күчерү программасының барышы турында сорашты. 

ТР Президенты Матбугат хезмәте, Елена Бритвина.

Яңа 200 һәм 2000 сумлык купюралар акчалар тышлыгы рәсеме өчен тавыш бирүнең икенче этабы 1-30 август көннәрендә узачак. Бу вакытта бөтен ил буенча оештырылачак сораштыруда 10 иң популяр вариант билгеле булырга тиеш. 3 сентябрьдән 5 октябрьгә кадәр дәвам итәчәк конкурсның өченче этабында твоя-россия.рф сайтында тавыш бирү барачак.

Бәйгедә Россиянең ике шәһәре һәм алардагы дүрт символ җиңүче дип табылачак. исә 2017 елда әйләнешкә керергә тиеш. Казан Кремле, Кол Шәриф мәчете, Казан федераль университеты – барысы да биш меңнән артык тавыш җыйган. 2016 елның 7 октябрендә конкурс нәтиҗәләре игълан ителәчәк.

Бүген Түбән Кама муниципаль районына эш сәфәре кысаларында Татарстан Республикасы Президенты Рөстәм Миңнеханов Түбән Кама шәһәр судының яңа бинасын төзү мәйданчыгы һәм проекты белән танышты. 

Татарстан Республикасы Югары Суды рәисе һәм башка рәсми затлар белән Рөстәм Миңнеханов төзелеш урынын карады һәм проект турында фикер алышуда катнашты. 

Бина төзеләчәк җир кишәрлегенең гомуми мәйданы 5 800 кв. м. тәшкил итә, Түбән Кама шәһәр судының яңа бинасы мәйданы 4 022,17 кв. м. тәшкил итәчәк, 65 машина кую урыны булачак. 

Бинаны агымдагы елның август аена планлаштырганнар, ахыры 2018 елның икенче кварталында көтелә. 

Чарада шулай ук Татарстан Республикасы буенча Суд департаменты идарәсе башлыгы Җәүдәт Салихов, Түбән Кама мэры Айдар Метшин, Түбән Кама шәһәр суды рәисе Газиз Гыйсметдинов, Түбән Кама ведомстволары җитәкчеләре һәм башкалар катнашты. 

ТР Президенты Матбугат хезмәте, Елена Бритвина.

Татарстан Республикасы Буа районы Бикмураз авылында 80 урынга исәпләнгән балалар бакчасы ТР Дәүләт төзелешен күзәтү Инспекциясеннән төзелгән, үзгәртеп корылган капиталь төзелеш объектының техник регламентларның (нормаларның һәм кагыйдәләрнең), башка норматив-хокукый актларның һәм проект документларының таләпләренә, шул исәптән энергетика нәтиҗәлелегенә карата таләпләргә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителешенә карата таләпләргә туры килүе турында ярашлылык бәяләмәсе алды. Мәктәпкәчә белем бирү учреждениясен төзүче “Буа муниципаль районы мәгариф Идарәсе” Муниципаль казна учреждениясе”,  балалар бакчасының гомуми мәйданы – 1128 квадрат метр.