2017 елның 2 аенда ТР Дәүләт төзелешен күзәтү инспекциясе 478 тикшерү үткәрде

2017 елның гыйнвар-февраль чорында Татарстан Республикасы Дәүләт төзелешен күзәтү инспекциясе белгечләре тарафыннан, төзелеп килүче 478 объектка карата үткәрелгән тикшерү нәтиҗәсендә, төзелеш оешмаларына ачыкланган бозуларны бетерү турында 180 күрсәтмә бирелде. Шулай ук административ хокук бозулар турында 164 беркетмә төзелде, гомуми 2,353 млн сумлык штрафлар салынды.

Бүгенге көндә Инспекция республиканың бөтен территориясе буенча төзелеп килүче һәм үзгәртеп корыла торган 894 объектта күзәтчелек эшен гамәлгә ашыра.

Белешмә өчен

• Төзелештә – җир кишәрлеген әзерләүне гамәлгә ашыру һәм җир эшләрен үтәү таләпләре, фундаментны монтажлау буенча эшләр, җир асты һәм җир өсте өлешеннән торган конструкцияләр, инженерлык-техника тәэминаты челтәрләренең (шул исәптән, эчке һәм тышкы челтәрләрнең), инженерия системалары һәм җиһазлары;
• үзгәртеп кору, шул исәптән җирле һәм төбәк әһәмиятендәге мәдәни мирас объектларын саклау буенча, шундый объектларның конструктив һәм башка ышаныч һәм иминлек сыйфатламаларына йогынты ясаучы эшләр үткәрелгәндә, – капиталь төзелеш объекты параметрларын, аның өлешләрен үзгәртү, шулай ук капиталь төзелеш объектының тотып торучы төзелеш конструкцияләрен алыштыру һәм (яки) яңадан торгызу очрагында (шундый конструкцияләрнең аерым элементларын шундый ук, яки әлеге конструкцияләрнең күрсәткечләрен яхшыртучы элементларын алыштыру һәм (яки) күрсәтелгән элементларны яңадан торгызу искәрмә булып тора)  капиталь төзелеш объектын үзгәртеп коруга әзерлек эшләрен үтәү таләпләре, шулай ук объектлар функцияләгән вакытта аның классын, категориясен һәм (яки) башта билгеләнгән күрсәткечләрен (егәрлеген, йөк күтәрү мөмкинлеген һ.б) үзгәртүгә китергән, яки шундый объектларда сак зоналары полосаларының чикләрен үзгәртүне таләп иткән линияле объектлар яки аларның өлешләренең параметрларын үзгәртү буенча эшләрнең үтәлүенә карата таләпләрнең үтәлеше тикшерелә.