ЯҢАЛЫКЛАР
Комиссия Чаллы шәһәре Прокуратурасының Төньяк-Көнчыгыш территориаль орган эшчәнлегендә коррупциягә каршы көрәш һәм дәүләт гражданнар хезмәте турындагы законнарны бозуга чик кую турындагы эшен караячак.
ТР Дәүләт төзелеш күзәтчелеге инспекциясе башлыгы Василий Кудряшов “Татар-информ” мәгълүмат агентлыгына биргән интервьюда инспекциянең өлешләп төзүгә татарстанлыларның акчасын җәлеп итүгә юл куймый торган бүлеге, шулай ук ведомствоның коррупциягә каршы эшчәнлеге турында сөйләде.
Бүгенге көнгә Татарстан Республикасы Дәүләт төзелеш күзәтчелеге инспекциясе республикада төзелә торган объектларда 4157 тапкыр юридик һәм хосусый эшмәкәрләрне тикшергән.
Төзелеш фирмаларына кагыйдә бозуларны бетерү турында 1184 кисәтү ясалган. Инспекторлар административ закон бозулар турында 1158 беркетмә төзегән.
Бу датага 26,6 млн. сумлык штраф салынган.
Бөтен республика буенча төзелә һәм реконструкцияләнә торган 1135 объектта күзәтү башкарыла. Татарстан Республикасы Дәүләт төзелеш күзәтчелеге инспекциясе 355 объектка ярашлылык турында бәяләмә биргән.
115 торак төзелеш объекты, 35 торак йорт социаль ипотека программасы буенча төзелгән. 105 гражданнар объекты: медицина учреждениеләре, мәктәпләр һәм балалар бакчалары, административ биналар, сәүдә һәм башка объектлар.
Россия Президенты Владимир Путин төзүеләрнең өлешләп төзүчедә катнашучыларның акчаларын файдалануын контрольдә тотуны көчәйтүче законны имзалады. Документ хокукый мәгълүматның рәсми интернет-порталында урнаштырылган.
Өлешчеләр акчаларын җәлеп итүче төзүчеләр 2019 елның 1 июленнән мәҗбүри рәвештә эскроу-счетлардан файдаланырга тиеш. Ягъни гражданнарның акчалары төзелеш фирмасы счетына түгел, ә банктагы махсус счетка күчә. Ул акчалар төзүче объектны тапшыру буенча бурычын үтәгәнгә кадәр тотылырга тиеш түгел. Төзүчеләр проектларын банк кредитлары ярдәмендә финасларга тиеш булачак.
Яңа финанслау схемасы барлык өлешләп төзү проектлары, шул исәптән инде башланган проектлар өчен дә файдаланылырга тиеш. РФ Төзелеш министрлыгы раслаган критерийларга туры килүче проектлар өчен генә искәрмә ясалачак.
Российская газета
Татарстан Республикасы Дәүләт төзелеш күзәтчелеге инспекциясе тарафыннан Әгерҗе шәһәрендәге 5 катлы торак йортка төзелгән, үзгәртеп корылган капиталь төзелеш объектының проект документациясе таләпләренә, шул исәптән капиталь төзелеш объектының энергетика нәтиҗәлелегенә һәм кулланыла торган энергетика ресурсларын исәпкә алу буенча исәпкә алу җиһазлары белән тәэмин ителү таләпләренә җавап бирүе буенча ярашлылык турында бәяләмә бирелде.
Яңа төзелгән йорт Татарстан Республикасы Әгерҗе шәһәрендә Октябрь урамы, 7 йорт адресы буенча урнашкан. Аны "Төзелеш-монтаж предприятиесе-184" төзегән. 5 катлы, ике подъездлы йортның мәйданы 2224,4 кв.метр тәшкил иткән. 50 фатир файдалануга әзер.
Бүген Татарстан Республикасы Дәүләт төзелеш күзәтчелеге инспекциясе фойесында Лев Николаевич Толстойның тууына 190 ел тулуга багышланган фотокүргәзмә ачылды. Аерым алганда, тематик стендта бөек язучы һәм фикер иясенең Казандагы тормышы (1841-1847) сурәтләнгән.
Вакыйгалар, цитаталар, фикерләр – алга таба аның әсәрләрендә чагылыш тапкан һәр нәрсә. Толстой Казан тарихында зур эз калдырган шәхесләрнең берсе.
Шулай ук инспекциядә әдәби викторина да үткәрелде, аның кысаларында хезмәткәрләр язучының биографиясенә кагылышлы сорауларга җавап бирде.
2018 елның 25 декабрендә Татарстан Республикасы Дәүләт төзелеш күзәтчелеге инспекциясе тарафыннан Казан шәһәренең “Салават күпере” микрорайонында торак булмаган биналары булган 8-5нчы номерлы торак йортка төзелгән, үзгәртеп корылган капиталь төзелеш объектының проект документациясе таләпләренә, шул исәптән капиталь төзелеш объектының энергетика нәтиҗәлелегенә һәм кулланыла торган энергетика ресурсларын исәпкә алу буенча исәпкә алу җиһазлары белән тәэмин ителү таләпләренә җавап бирүе буенча ярашлылык турында бәяләмә бирелде.
Объектны төзүче – “Татарстан Республикасы Президенты карамагындагы Дәүләт торак фонды” коммерцияле булмаган оешма. 19 катлы йортның гомум мәйданы - 8609,1 кв.метр. Фатирларның гомум мәйданы 6243,4 кв.метр тәшкил итә. 102 фатир файдалануга әзер.
ТР Дәүләт төзелеш күзәтчелеге инспекциясе гыйнвар өчен коррупциягә каршы бюллетень чыгарды. Аңардан коррупциягә каршы кертелгән яңа закон турында белергә була.
Коррупциягә каршы бюллетеньның яңа чыгарылышы турында ТР Дәүләт төзелеш күзәтчелеге инспекциясенең рәсми сайтында “Коррупциягә каршы көрәш. Коррупциягә каршы бюллетень” http://gsn.tatarstan.ru/rus/file/pub/pub_1722225.pdf бүлегендә белергә була.
Татарстан Президенты Рөстәм Миңнеханов төзелеш тармагында эскроу-счетларга күчү аркасында туган проблемаларны күтәрде һәм кайбер категория төзүчеләренә иске финанслау схемасын калдырырга тәкъдим итте. Бу тема РФ Президенты карамагындагы Стратегик үсеш һәм илкүләм проектлар буенча совет президиумы утырышында күтәрелде.
Рөстәм Миңнеханов сүзләренчә, төбәк җитәкчеләрен яңа төзелешләр өчен инфраструктура сафка бастыруга дәүләт ярдәме мәсьәләсе борчый. Шулай ук республика Президенты ипотека булмаган торакка ихтыяҗга карата борчылу белдерде һәм төзелеш тармагының гражданнарның акчаларын җәлеп итү буенча яңа системага күчү рисларын атады.
"Бездә 109 төзүченең төзелеш өчен рөхсәте бар, аларның 54е яңа таләпләргә туры килә. Төзелешкә рөхсәтне, төзелеп бетә торган проблемалы объектларны һәм әзерлек дәрәҗәсе югары булган объектларны күздә тотарга, иске финанслау системасын яки төбәкләрнең үзләренә андый төзүчеәрне билгеләү мөмкинлеген калдырырга кирәк. Һәм, әлбәтә инде, төзүчеләргә эскроу-счетларга этаплап күчү тәртибен расларга", - диде Рөстәм Миңнеханов.
Өлешләп төзү реформасы
Өлешләп төз реформасы 2018 елның 1 июлендә тиешле закон кабул ителгәннән соң башланды. Ул тармакка өлешчеләрнең акчаларын "казан" ысулы белән җыюны тыйды һәм төзүчеләргә аларны махсус банк счетларында "бер счет - бер йорт" принцибы белән урнаштыруны йөкләде. Шулай ук 2018 елның 1 сентябреннән банклар төзүчеләрнең әлеге счетлардагы гражданнар акчаларын ничек сарыф итүен контрольдә тота башлады.
Моннан тыш, 2019 елның 1 июленнән гражданнар акчаларын җәлеп итүче гражданнар эскроу-счетлар кулланып өлешләп торак төзү схемасына күчергә тиеш - мондый ирекле мөмкинлек 2018 елның 1 июленнән туды. Бу схема уенча, өлешчеләр акчаларын девелоперга түгел, ә төзүче объектны тапшыру буенча бурычын үтәгәнче акчаларны үзендә тоткан банкка тапшыра. Төзүчеләр проектларны банк кредитлары ярдәмендә финанслый.
ТАСС материаллары буенча
2018 елның 21 декабрендә Татарстан Республикасы Дәүләт төзелеш күзәтчелеге инспекциясе тарафыннан “Азнакайнефть” нефть-газ табу идарәсе Ат-спорт мәктәбенең ат-спорт манежына төзелгән, үзгәртеп корылган капиталь төзелеш объектының проект документациясе таләпләренә җавап бирүе буенча ярашлылык турында бәяләмә бирелде.
Ат-спорт мәктәбе Татарстан Республикасы Азнакай муниципаль районының Актүбә шәһәр тибындагы бистәсендә урнашкан. Бинаның гомум мәйданы – 1923,6 кв.метр. Объектка заказ бирүче һәм төзүче – В.Д.Шашин исемендәге “Татнефть” ГАҖ.
Манеж - 161 кешегә исәпләнгән трибуналары булган бер катлы бина рәвешендә.