ЯҢАЛЫКЛАР
ТР Дәүләт төзелеш күзәтчелеге инспекциясе коллективы кадрлар бүлеге башлыгы Наталья Алексеевна Габсәләмованы тантаналы рәвештә туган көне белән котлады. Тәбрикләүләргә Инспекция башлыгы Василий Кудряшов та кушылды.
Утырышта Чаллы шәһәре Прокуратурасының Төньяк-Көнчыгыш территориаль орган эшчәнлегендә коррупциягә каршы көрәш һәм дәүләт гражданнар хезмәте турындагы законнарны бозуга чик кую турындагы эше каралды.
Татарстан Республикасы Дәүләт төзелеше күзәтчелеге инспекциясе тарафыннан Казанда урнашкан ачык типтагы паркингка төзелгән капиталь төзелеш объектының проект документациясе таләпләренә ярашлылыгы турында бәяләмә бирелде.
Казанның Киров районы, Лазарев урамында урнашкан паркинг 230 урынга исәпләнгән. Төзүчесе - «Бриз» ФСК” ҖЧҖ. Аның мәйданы 7441,4 кв.метр тәшкил итә.
Комиссия Чаллы шәһәре Прокуратурасының Төньяк-Көнчыгыш территориаль орган эшчәнлегендә коррупциягә каршы көрәш һәм дәүләт гражданнар хезмәте турындагы законнарны бозуга чик кую турындагы эшен караячак.
ТР Дәүләт төзелеш күзәтчелеге инспекциясе башлыгы Василий Кудряшов “Татар-информ” мәгълүмат агентлыгына биргән интервьюда инспекциянең өлешләп төзүгә татарстанлыларның акчасын җәлеп итүгә юл куймый торган бүлеге, шулай ук ведомствоның коррупциягә каршы эшчәнлеге турында сөйләде.
Бүгенге көнгә Татарстан Республикасы Дәүләт төзелеш күзәтчелеге инспекциясе республикада төзелә торган объектларда 4157 тапкыр юридик һәм хосусый эшмәкәрләрне тикшергән.
Төзелеш фирмаларына кагыйдә бозуларны бетерү турында 1184 кисәтү ясалган. Инспекторлар административ закон бозулар турында 1158 беркетмә төзегән.
Бу датага 26,6 млн. сумлык штраф салынган.
Бөтен республика буенча төзелә һәм реконструкцияләнә торган 1135 объектта күзәтү башкарыла. Татарстан Республикасы Дәүләт төзелеш күзәтчелеге инспекциясе 355 объектка ярашлылык турында бәяләмә биргән.
115 торак төзелеш объекты, 35 торак йорт социаль ипотека программасы буенча төзелгән. 105 гражданнар объекты: медицина учреждениеләре, мәктәпләр һәм балалар бакчалары, административ биналар, сәүдә һәм башка объектлар.
Россия Президенты Владимир Путин төзүеләрнең өлешләп төзүчедә катнашучыларның акчаларын файдалануын контрольдә тотуны көчәйтүче законны имзалады. Документ хокукый мәгълүматның рәсми интернет-порталында урнаштырылган.
Өлешчеләр акчаларын җәлеп итүче төзүчеләр 2019 елның 1 июленнән мәҗбүри рәвештә эскроу-счетлардан файдаланырга тиеш. Ягъни гражданнарның акчалары төзелеш фирмасы счетына түгел, ә банктагы махсус счетка күчә. Ул акчалар төзүче объектны тапшыру буенча бурычын үтәгәнгә кадәр тотылырга тиеш түгел. Төзүчеләр проектларын банк кредитлары ярдәмендә финасларга тиеш булачак.
Яңа финанслау схемасы барлык өлешләп төзү проектлары, шул исәптән инде башланган проектлар өчен дә файдаланылырга тиеш. РФ Төзелеш министрлыгы раслаган критерийларга туры килүче проектлар өчен генә искәрмә ясалачак.
Российская газета
Татарстан Республикасы Дәүләт төзелеш күзәтчелеге инспекциясе тарафыннан Әгерҗе шәһәрендәге 5 катлы торак йортка төзелгән, үзгәртеп корылган капиталь төзелеш объектының проект документациясе таләпләренә, шул исәптән капиталь төзелеш объектының энергетика нәтиҗәлелегенә һәм кулланыла торган энергетика ресурсларын исәпкә алу буенча исәпкә алу җиһазлары белән тәэмин ителү таләпләренә җавап бирүе буенча ярашлылык турында бәяләмә бирелде.
Яңа төзелгән йорт Татарстан Республикасы Әгерҗе шәһәрендә Октябрь урамы, 7 йорт адресы буенча урнашкан. Аны "Төзелеш-монтаж предприятиесе-184" төзегән. 5 катлы, ике подъездлы йортның мәйданы 2224,4 кв.метр тәшкил иткән. 50 фатир файдалануга әзер.
Бүген Татарстан Республикасы Дәүләт төзелеш күзәтчелеге инспекциясе фойесында Лев Николаевич Толстойның тууына 190 ел тулуга багышланган фотокүргәзмә ачылды. Аерым алганда, тематик стендта бөек язучы һәм фикер иясенең Казандагы тормышы (1841-1847) сурәтләнгән.
Вакыйгалар, цитаталар, фикерләр – алга таба аның әсәрләрендә чагылыш тапкан һәр нәрсә. Толстой Казан тарихында зур эз калдырган шәхесләрнең берсе.
Шулай ук инспекциядә әдәби викторина да үткәрелде, аның кысаларында хезмәткәрләр язучының биографиясенә кагылышлы сорауларга җавап бирде.
2018 елның 25 декабрендә Татарстан Республикасы Дәүләт төзелеш күзәтчелеге инспекциясе тарафыннан Казан шәһәренең “Салават күпере” микрорайонында торак булмаган биналары булган 8-5нчы номерлы торак йортка төзелгән, үзгәртеп корылган капиталь төзелеш объектының проект документациясе таләпләренә, шул исәптән капиталь төзелеш объектының энергетика нәтиҗәлелегенә һәм кулланыла торган энергетика ресурсларын исәпкә алу буенча исәпкә алу җиһазлары белән тәэмин ителү таләпләренә җавап бирүе буенча ярашлылык турында бәяләмә бирелде.
Объектны төзүче – “Татарстан Республикасы Президенты карамагындагы Дәүләт торак фонды” коммерцияле булмаган оешма. 19 катлы йортның гомум мәйданы - 8609,1 кв.метр. Фатирларның гомум мәйданы 6243,4 кв.метр тәшкил итә. 102 фатир файдалануга әзер.