ЯҢАЛЫКЛАР

ТР Дәүләт төзелеш күзәтчелеге инспекциясенең Кама аръягы территориаль органы Чистай шәһәренең Циолковский урамы буенча 13 нче йортта урнашкан яңа офиска күченде.

Соңгы елларда Татарстан Республикасы Хөкүмәте тарафыннан төзелештә сыйфат һәм куркынычсызлык проблемаларына аерым игътибар бирелә. Республика җитәкчелеге тарафыннан ТР Дәүләт төзелеш күзәтчелеге инспекциясенең матди-техник базасы даими камилләштерелә бара.

2019 нчы елда Татарстан бюджеты хисабына Түбән Кама шәһәрендә Көнчыгыш территориаль орган офисы төзекләндерелде. Быел Кама Аръягы территориаль органы Чистай шәһәрендәге яңа офисына күченде, шулай ук 5 автомобиль сатып алынды, төзелеш контролен гамәлгә ашыру өчен заманча җиһазлар сатып алына. 

Яңа бинага күченү Дәүләт төзелеш күзәтчелеге инспекциясе хезмәткәрләре өчен генә түгел, консультация сорап яңа офиска килүче халык өчен дә уңайлырак булачак.

Инспекциягә әлеге телефон номерлары буенча шалтыратырга мөмкин: (84342) 4-74-69, (84342) 4-74-50.

2020 елның 12 мартында Татарстан Республикасы Дәүләт төзелеш күзәтчелеге инспекциясе башлыгы Василий Кудряшов Түбән Кама һәм Алабуга шәһәрләренә эшлекле сәфәр ясады, сәфәр барышында ул мөһим  социаль-әһәмиятле объектлар төзелешен карады.

Аерым алганда, ул «Синергия» индустрия-технологик паркының өченче һәм дүртенче корпусларын карады. «Алабуга» МИЗның әлеге заводында ПАН-прекурсор – углерод җепселләре өчен чимал җитештерү күздә тотыла.  Хәзерге вакытта объектлар төзелеш стадиясендә.

Шулай ук Василий Кудряшов Алабугада 1224 урынга исәпләнгән полилингваль мәктәпне карады, ул Алабуга муниципаль районы территориясендә төзелә торган төп социаль әһәмиятле объектларның берсе булып тора. Яңа уку йортын төзү «Мәгариф» илкүләм проектын гамәлгә ашыру максатларына ирешү мөмкинлеген бирәчәк.

Алга таба ТР Дәүләт төзелеш күзәтчелеге инспекциясе башлыгы Түбән Камадагы Тынычлык проспекты һәм Сөембикә урамы киселешендәге күпфункцияле сәүдә комплексында булды. 6 катлы объектның гомуми мәйданы 120 мең кв.метр тәшкил итәчәк.

Эш сәфәренең төп максаты – төзелә торган объектларның әзерлек торышын һәм аларны файдалануга тапшыру вакытларын билгеләү.

Соңыннан Василий Кудряшов ТР Дәүләт төзелеш күзәтчелеге инспекциясенең Капиталь төзелеш объектларының төзелешен һәм үзгәртеп корылышын күзәтү буенча Көнчыгыш территориаль органы хезмәткәрләре белән киңәшмә үткәрде һәм алга таба эш планнарын билгеләде.   

2020 елның 12 мартында ТР Төзелеш, архитектура һәм ТКХ министрлыгында «ТР Төзелеш һәм архитектура буенча дәүләт экспертизасы һәм бәя кую идарәсе» ДАУ оештырган, төзелеш объектларын мәгълүмати модельләштерү һәм әлеге технологияләрне Татарстан төзелешендә кертү этаплары буенча семинар-уку булды. ТР Дәүләт төзелеш күзәтчелеге инспекциясеннән киңәшмәдә территориаль органнар җитәкчеләре, бүлекләрнең башлыклары һәм хезмәткәрләре катнашты. Чарада шулай ук ТР Төзелеш министрлыгы вәкилләре, Татарстанның проект институтлары җитәкчеләре дә катнашты. 

Семинарда катнашучылар өчен төзелештә BIM-технологияләрне үстерү нигезләренә һәм тенденцияләренә, Татарстанның төзелеш тармагында цифрлы технологияләрне куллануга һәм республикада BIM-технологияләрне кертү планына багышланган темалар күтәрелде.  

Чараны оештыручылар билгеләп үткәнчә, семинар үткәрүнең төп бурычы – мәгълүмати модельләштерү технологияләрен кертү мәсьәләләре буенча төзелеш тармагын модернизацияләү һәм сыйфатын арттыру, шулай ук процесста катнашучылар арасында BIM-технологияләр турындагы мәгълүматны «уртак бүлгечкә» китерү зарурилыгы.

Очрашу нәтиҗәләре буенча ТР Дәүләт төзелеш күзәтчелеге инспекциясе хезмәткәрләре тарафыннан дәүләт төзелеш күзәтчелеген гамәлгә ашырганда цифрлы технологияләрне куллану өлешендә бирелгән сорауларга җаваплар алынды.

2020 елның 2 мартында Инспекциядә территориаль органнар белән электрон рәвештәге проект документларын гамәлгә кертүгә бәйле киңәйтелгән киңәшмә узды. ТР Дәүләт төзелеш күзәтчелеге инспекциясенең 2020 елның 27 февралендәге боерыгы нигезендә, төзелешне башлану турында хәбәр белән бергә килә торган проект документлары фәкать электрон формада гына кабул ителәчәк.

Чара ТР Дәүләт төзелеш күзәтчелеге инспекциясе башлыгы Василий Кудряшов рәислегендә узды. Утырышта шулай ук Инспекция башлыгының беренче урынбасары Илфарт Сафиуллин, территориаль органнар җитәкчеләре, бүлек башлыклары һәм хезмәткәрләр катнашты.

Үзенең кереш сүзендә Василий Кудряшов төзүчеләрдән, техник заказчылардан проект документларын электрон формада кабул итүгә күчүнең мөһим булуы турында сөйләде.

«Дәүләт төзелеш күзәтчелеге инспекциясе объектны проект документларының ярашлылыгы турындагы бәяләмә белән раслый һәм РФ Шәһәр төзелеше кодексы нигезендә җаваплы зат булып тора, чөнки капиталь төзелеш объекты ишелгән һәм җимерелгән очракта зыянны капларга тиеш була. Төзүче оешмадан ялган проект документациясе алу куркынычын булдырмас өчен, электрон формага күчү буенча эш алып барыла, – дип ассызыклады Василий Кудряшов. – Проектта ЕГРЗ системасында беркетелгән тәңгәллек номеры белән бергә уңай экспертиза бәяләмәсе булырга тиеш. Проект документлары төзүченең көчәйтелгән электрон цифрлы имзасы белән раслана».

Семинар барышында хезмәткәрләргә проект документларының электрон версиясен кабул иткәндә һәм «Стройнадзор» мәгълүмат базасына керткәндә этаплап эшләү тәртибе турында сөйләделәр.  

Әлеге эш тәртибе төрле инцидентлардан яклау өчен эшләнә. Бу хәл проект документларын бутау мөмкинлеген булдырмый торган система оештырырга ярдәм итәчәк. 

2020 елның 27 февраленнән башлап Инспекция проект документациясен бары тик электрон рәвештә генә җибәрергә тәкъдим итә. Электрон формада тәкъдим ителә торган проект документациясе форматына күрсәтмәләр «Инспектор аңлата» бүлекчәсендә, әлеге сылтама буенча урнаштырылган: http://gsn.tatarstan.ru/rus/inspektor-razyasnyaet.htm

ТР Дәүләт төзелеш күзәтчелеге инспекциясе Татарстан АССР төзелүнең 100 еллыгын бәйрәм итү кысаларында Татарстанда дәүләт төзелеш күзәтчелеге тарихы турында сөйләвен дәвам итә.

Бөтенроссия Үзәк башкарма комитеты һәм РСФСР Халык Комиссарлары Советының төзелеш контроле органнарын үзгәртеп кору турындагы карары нигезендә 1935 елда төзелеш буенча РСФСР Баш дәүләт контролеры вазыйфасы кертелә, аның бурычлары коммуналь хуҗалыкның Халык Комиссарына йөкләнә.

Төзелеш эшчәнлеге дәүләт контролеры карамагында булган шәһәрләр исемлеге төзелә һәм раслана. Әлеге шәһәрләрнең баш архитекторлары төзелеш эшләренең расланган планлаштыру һәм архитектура бизәлеше проекты белән төгәл яраштырып башкарылуын күзәтә, ә Баш дәүләт контролеры проектта каралган конструкцияләр һәм сметалар үтәлешен тикшерә.

1938 елда төзелеш оешмалары эшчәнлеген координацияләү өчен СССР Халык Комиссарлары Советы каршындагы Төзелеш эшләре комитеты төзелә.

1939 елда махсус Закон нигезендә Төзелеш буенча союзның халык комиссариаты булдырыла. Халык комиссариаты карамагында йөздән артык ведомство төзелеш тресты була.

Ведомство эше барышында район шәһәрләрендә һәм район үзәкләрендә Наркомпросс, Наркомздрав, Наркомхоз буенча төзелешнең сыйфаты ягыннан да, тизлеге ягыннан да канәгатьләндерерлек булмавы ачыклана.

Шул ук вакытта Казанның һәм башка район шәһәрләренең алга таба үсеше дәвам итә. Зур сәнәгать төзелеше белән бер үк вакытта торак йортлар, мәдәни-көнкүреш өчен билгеләнгән корылмалар төзелә. 1938-1939 елларда гына да 70 000 кв.метр торак төзелгән. Дәүләт төзелеш контроле органнары да төзелеш сыйфатын яхшыртуга һәм, димәк, республика халкының яшәеш дәрәҗәсен арттыруга зур өлеш кертә. 

Серго Орджоникидзе исемендәге бистәдә, соңрак Казанның Авиатөзелеш районында Соцгород микрорайоны дип үзгәртелгән йортлар төзелешен 30-50 нче елларда совет комплекслы төзелешенең ачык мисалы дип атарга була.

ТР Дәүләт төзелеш күзәтчелеге инспекциясе салкын тиюләр чорында профилактика чараларының мөһимлеге турында искәртә. Вирус инфекцияләре таралуга бәйле рәвештә, ведомство грипп, ОРВИ һәм коронавирус Covid-19 йогышын индивидуаль профилактикалау буенча Татарстан Республикасы Сәламәтлек саклау министрлыгы тарафыннан әзерләнгән белешмәлек бастыра.

Министрлык белешмәсендә алты төп кагыйдә бар: кулларны сабын белән юарга, эш урынында һәм гомуми гигиенаны үтәргә, сулыш органнарын медицина битлеге ярдәмендә якларга, авыруның беренче билгеләре барлыкка килү белән табибка мөрәҗәгать итәргә һәм коронавирус инфекциясе таралу куркынычы зонасында булган илләргә барудан тыелып торырга.

Бөтендөнья сәламәтлек саклау оешмасы дөньяда коронавирус таралуга бәйле рәвештә пандемия игълан итте. Ведомствода Covid-19 белән зарарлану, нәтиҗәдә якты дөнья белән хушлашучылар саны һәм әлеге авыруны йоктырган илләрнең күбәю очраклары арта бара дип саныйлар. Россия Федерациясендә бүгенге көндә коронавирус йоктыруның 28 очрагы теркәлгән.

Татарстан Республикасының Дәүләт төзелеш күзәтчелеге инспекциясе хәбәр итә: 2020 елның 11 гыйнварында Россия Төзелеш министрлыгының 2019 елның 1 ноябрендәге 668/пр номерлы боерыгы үз көченә керде, аның нигезендә Россия Төзелеш министрлыгының «Күпфатирлы йортлар һәм (яки) күчемсез мөлкәтнең башка объектларын төзү (булдыру) өчен өлешле төзелештә катнашучылар акчасын җәлеп итүгә бәйле эшчәнлекне гамәлгә ашыру турында, шул исәптән төзелеш проектларын үтәү буенча якынча графикларны һәм килешүләр буенча үз йөкләмәләрен, төзелеш проектының җыелма тупланма исемлеген үтәү турында хисаплылык формасын һәм төзүче оешмалар тарафыннан аны контрольдә тотучы органга тапшыру тәртибен раслау турында» 2018 елның 12 октябрендәге 656/пр номерлы боерыгына үзгәрешләр кертелгән.

Әлеге боерык белән:

1) төзүче оешманың күпфатирлы йортларны һәм күчемсез мөлкәтнең башка объектларын төзү (булдыру) өчен өлешле төзүдә катнашучылар акчасын җәлеп итүгә бәйле эшчәнлекне гамәлгә ашыру турында, шул исәптән төзелеш проектларын һәм килешүләр буенча үз йөкләмәләрен гамәлгә ашыруның якынча графикларын үтәү турында хисаплылык формасына;

2) күпфатирлы йортларны һәм күчемсез мөлкәтнең башка объектларын төзү (булдыру) өчен өлешле төзүдә катнашучылар акчасын җәлеп итүгә бәйле эшчәнлекне гамәлгә ашыру турында, шул исәптән төзелеш проектларын һәм килешүләр буенча үз йөкләмәләрен гамәлгә ашыруның якынча графикларын үтәү турында төзүче оешма тарафыннан күпфатирлы йортларны һәм (яисә) күчемсез мөлкәтнең башка объектларын өлешле төзү өлкәсендә дәүләт контролен (күзәтчелеген) гамәлгә ашыручы Россия Федерациясе субъектының башкарма хакимияте органына тапшыру тәртибенә үзгәрешләр кертелгән.

Шул ук вакытта төп яңалык: төзүче оешма хисаплылыкны контрольдә тотучы органга фәкать электрон документ рәвешендә генә, Торак төзелешенең бердәм мәгълүмат системасында үзенең шәхси кабинеты ярдәмендә җибәрергә бурычлы.

Хисаплылык һәм аның кушымталары шәхси башкарма орган функцияләрен гамәлгә ашыручы затның көчәйтелгән квалификацияле электрон имзасы белән имзалана.

Хисаплылыкны тапшыру датасы булып, төзүче оешманың шәхси кабинетында хисапларны Торак төзелешенең бердәм мәгълүмат системасында урнаштыру датасы тора.

Хисаплылыкны, Торак төзелешенең бердәм мәгълүмат системасында урнаштырмыйча, кәгазьдәге документ рәвешендә тапшырган очракта төзүче оешмага Административ хокук бозулар турында РФ кодексының 14.28 ст. 3 өлешендә каралган административ җаваплылык яный. 

Өстәмә рәвештә исегезгә төшерәбез, төзүче оешма өчен 2020 елда хисаплык тапшыру сроклары:

- 2019 елның 4 нче кварталы өчен – 2020 елның 30 мартыннан соңга калмыйча;

- 2020 елның 1 нче кварталы өчен – 2020 елның 30 апреленнән соңга калмыйча;

- 2020 елның 2 нче кварталы өчен – 2020 елның 30 июленнән соңга калмыйча;

- 2020 елның 3 нче кварталы өчен – 2020 елның 30 октябреннән соңга калмыйча.

Исегезгә төшерәбез, «Россия Федерациясе дәүләт граждан хезмәте турында» 2004 елның 27 июлендәге 79-ФЗ номерлы федераль законның 20.2 статьясындагы нигезләмәләр нигезендә, барлык дәүләт граждан хезмәткәрләре ел саен, 1 нче апрельгә кадәр, «Интернет» мәгълүмат-телекоммуникация челтәрендә һәркем файдалана алырлык мәгълүматлар урнаштырылган сайтлар һәм (яки) сайтларның адреслары турында мәгълүмат тапшыра.

Әлеге белешмәләрне тапшыру Татарстан Республикасының электрон документлар әйләнеше буенча бердәм ведомствоара системасындагы махсус сервис  – dohod.tatar.ru.ярдәмендә гамәлгә ашырыла.

ТР Дәүләт төзелеш күзәтчелеге инспекциясенә 340 урынга исәпләнгән мәктәпкәчә белем бирү оешмасын төзи башлау турында хәбәр килеп иреште. Балалар бакчасы «Демография» илкүләм проекты кысаларында төзелә. Бүген инспекторлар объектны беренче мәртәбә тикшерүгә чыкты.

Балалар бакчасы Татарстан Республикасы Биектау муниципаль районының Биектау авылында төзелә.

Ике катлы бинаның гомуми мәйданы 5168,6 квадрат метр тәшкил итә. Анда уен һәм йокы бүлмәләре, музыка һәм физкультура заллары, азык-төлек блогы һәм башка бүлмәләр урнашачак. Якындагы территориядә күләгәле әвеслекләр, балалар өчен уен һәм спорт мәйданчыклары булачак. Төзелешне 2020 елның 3 кварталында тәмамлау планлаштырыла.

«Хәзерге вакытта объектта бинаның җир асты өлешендәге тимер-бетон конструкцияләре буенча эшләр тәмамланган, колонналарны ныгыту, беренче кат тышлыгын монтажлау эшләре бара», – дип сөйләде ТР Дәүләт төзелеш күзәтчелеге инспекциясе башлыгы Василий Кудряшов.

«Демография» илкүләм проекты буенча Татарстанда, ТР Төзелеш министрлыгы белешмәләренә караганда, 2020 елда 22 яңа балалар бакчасы һәм башка объектлар ачылачак.

ТР Дәүләт төзелеш күзәтчелеге инспекциясе ТАССРның 100 еллыгын бәйрәм итү уңаеннан Татарстанда дәүләт төзелеш күзәтчелеге органы барлыкка килү тарихы турында сөйли. 

Татар Автономияле Совет Социалистик Республикасы 1920 елның 27 маенда оеша. 

Дәүләт корылмаларының татар комитеты 1920 елда Казан губернасы дәүләт корылмалары комитеты базасында оештырыла. Ике елдан соң әлеге Комитет ТАССР Халык Комиссарлары Советы каршындагы Архитекторның төзелеш идарәсе итеп үзгәртелә.

Монументаль төзелешне һәм иҗтимагый билгеләнештәге төзелешләрне, шулай ук төзелеш кагыйдәләре үтәлешен контрольдә тоту бурычы ведомство белгечләренә йөкләнә. Төзелеш уставы кагыйдәләрен бозган оешмаларны һәм затларны, эшләрне туктатып тору хокукы белән, җаваплылыкка тарту хокукы бирелә. 

Яңа идарә эшчәнлеге яңа торак төзелеше үсеш алган шартларда гамәлгә ашырыла. Тораклар, яңа фабрикалар һәм заводлар – Казмашстрой, ТЭЦ-1 һәм башкалар төзелә башлый. Элеккеге буш урыннарда таштан төзекләндерелгән күпкатлы йортлар калкып чыга. Казан үзәгендәге К.Маркс, Киров, Бауман урамнарында 1 катлы тузган йортларны сүтү хисабына яңалары төзелә. 1920 ел ахырында, Совет чорында Казанда Мергас йортын торгызу шундый торак төзелешенең мисалы булып тора.