ЯҢАЛЫКЛАР

30 октябрьдә Татарстан Республикасы Дәүләт төзелеш күзәтчелеге инспекциясенең Көнчыгыш территориаль органы инспекторлары Түбән Кама шәһәренең 49нчы микрорайонында социаль ипотека буенча 12 номерлы йортны тикшерүгә кереште. 

Күзәтчелек ведомствосы хезмәткәрләре төзелеш эшләре үтәлешенең проект документларына туры килү-килмәвен тикшерә, инженерлык системаларын, янгын куркынычсызлыгы буенча автомат системасын сыный, санитар-эпидемиологик нормалардагы таләпләр үтәлешен һәм башкаларны тикшерә. 

10 катлы бинаның гомуми мәйданы 8028,7 квадрат метр. Күпкатлы йорт 120 фатирга исәпләнгән. Йорт социаль ипотека республика программасын һәм «Торак һәм шәһәр мохите» илкүләм проектын гамәлгә ашыру кысаларында төзелә. Объектны төзүче – «Татарстан Республикасы Президенты каршындагы Дәүләт торак фонды» коммерциясез оешмасы. Сынауларны уңышлы үткән очракта ТР Дәүләт төзелеш күзәтчелеге инспекциясе тарафыннан объектка проект документларының ярашлылыгы турында бәяләмә биреләчәк.

Түбән Камада социаль ипотека программасы буенча актив рәвештә йортлар төзелә. 2020 елда биредә 360 гаиләгә исәпләнгән өч йорт төзелгән.

2020 елның 9 аенда дәүләт төзелеш күзәтчелеге буенча республика хезмәте проект документларына туры килү-килмәүгә карата 2 685 тикшерү үткәрде. Хәзерге вакытта 1 108 объект ведомство күзәтүендә тора. Чыгарылган күрсәтмәләр саны – 1075, төзелгән беркетмәләр – 1111.

Узган чорда күзәтчелек органы проект документларының туры килүе турында 250 бәяләмә бирде. Алар арасында – 24 мәгариф, 3 сәламәтлек саклау объекты, 16 спорт комплексы, 82 күпфатирлы йорт, 19 юл һәм күпер кичүе, башка төрле 103 объект.

Болар белән берлектә ведомство инспекциясе социаль ипотека республика программасын гамәлгә ашыру кысаларында төзелгән 10 йортка ярашлылык турында 10 бәяләмә бирде.

Казанның «Салават Күпере» торак комплексындагы өч йорт, Түбән Камадагы 10 катлы өч йорт, Алабугадагы 81 фатирлы йорт, Нурлаттагы 27 фатирлы йорт, Арчадагы 18 фатирлы йорт, Әлмәттәге ике йорт турында сүз бара.

Хәзерге вакытта ТР Дәүләт төзелеш күзәтчелеге инспекциясе Казан, Яр Чаллы һәм Түбән Камада әзерлекнең югары дәрәҗәсендә булган тагын дүрт соципотека йортын тикшерә башлады.

«Тикшерүнең максаты – Россия Шәһәр төзелеше кодексы таләпләре үтәлешен билгеләү, шулай ук төзү процессында башкарыла торган төзелеш-монтаж эшләренең, төзелеш барышында объектта кулланыла торган материалларның һәм мондый эшләрнең нәтиҗәләренең проект документларына туры килүен билгеләү, – дип билгеләп үтте ТР Дәүләт төзелеш күзәтчелеге инспекциясе җитәкчесе Василий Кудряшов.

ТР Дәүләт төзелеш күзәтчелеге инспекциясе 2020 елның октябре өчен коррупциягә каршы бюллетень чыгарды. Тулырак мәгълүматны https://gsn.tatarstan.ru/rus/file/pub/pub_2544963.pdf сылтамасы буенча «Коррупциягә каршы көрәш» бүлегендә таба аласыз

Татарстан Республикасы Дәүләт төзелеш күзәтчелеге инспекциясенә Татарстанның Балык Бистәсе муниципаль районы Биектау авылында балалар бакчасы төзелешенең тәмамлануы турында хәбәр килде. Объект төзелеше республика бюджеты хисабына алып барылган.

Объектта ТР Дәүләт төзелеш күзәтчелеге инспекциясенең ахыргы тикшерүе үткәреләчәк, аның барышында күзәтчелек ведомствосы хезмәткәрләре башкарылган төзелеш-монтаж эшләренең проект документларына туры килүен тикшерәчәк. Тикшерү барышында автоматик янгын куркынычсызлыгы системасы сыналачак һәм санитар нормалардагы таләпләр үтәлешенә аерым игътибар биреләчәк.

Балалар бакчасы 50 урынга исәпләнгән. Бинада уен һәм йокы бүлмәләре булган төркем ячейкалары, буфет, шулай ук физкультура һәм музыка залы, азык-төлек блогы бар. Урамда уен мәйданчыгы каралган.

Татарстанда балалар бакчаларында яңа урыннар булдыруга зур игътибар бирелә. 2020 елда 22 яңа мәктәпкәчә учреждение төзелгән. Биектау авылында балалар бакчасын агымдагы ел ахырына кадәр файдалануга тапшыру планлаштырыла. Республика һәм федераль программалар ярдәмендә балалар бакчаларында урыннар җитмәү проблемасын 2022 елга кадәр тулысынча хәл итү планлаштырыла.

ТР Дәүләт төзелеш күзәтчелеге инспекциясе инспекторлары Казанның «Салават Күпере» торак комплексында 1-6 номерлы йортта ахыргы тикшерү эшләренә кереште. Объект социаль ипотека республика программасы һәм «Торак һәм шәһәр мохите» илкүләм проекты ярдәмендә төзелгән. Күзәтчелек ведомствосы хезмәткәрләре төзелеш эшләре үтәлешенең проект документларына туры килү-килмәвен тикшерә, инженерлык системаларын, янгын куркынычсызлыгы буенча автомат системасын сыный, санитар нормалардагы таләпләр үтәлешен һәм башкаларны тикшерә. 

Бинаның гомуми мәйданы 25663,9 кв. метр, 19 катлы торак йорт 302 фатирга исәпләнгән. Объектны төзүче – «Татарстан Республикасы Президенты каршындагы Дәүләт торак фонды» коммерциясез оешмасы.

Тикшерү уңышлы үткәндә, барлык кисәтүләр бетерелсә, ТР Дәүләт төзелеш күзәтчелеге инспекциясе объектка проект документларының ярашлылыгы турында бәяләмә бирәчәк, бу киләчәктә төзүче оешмага йортны файдалануга тапшырырга мөмкинлек бирәчәк.

2020 елда «Салават Күпере» торак комплексында республика һәм федераль программаларны гамәлгә ашыру кысаларында 850 фатирлы өч торак йорт файдалануга тапшырылган. 

2020 елның агымдагы датасына Татарстан Республикасы Дәүләт төзелеш күзәтчелеге инспекциясе Казанда төзелгән күпфатирлы йортларның проект документлары таләпләренә туры килүе турында 25 ярашлылык бәяләмәсе бирде. Өч яңа йорт «Салават күпере» торак комплексында социаль ипотека республика программасы буенча төзелгән. Тапшырылган йортларның гомуми мәйданы – 76470,9 кв. метр, алар 850 фатирга исәпләнгән. Калган биналар – коммерцияле торак. 

Татарстан буенча барлыгы ТР Дәүләт төзелеш күзәтчелеге инспекциясе проект документлары таләпләренә туры килүе турында 245 ярашлылык бәяләмәсе бирде. Алар арасында Казанда – 73, Төньяк-көнчыгыш территориаль органда (Яр Чаллы) – 45, Көнчыгыш территориаль органда (Түбән Кама) – 23, Көньяк-Көнчыгыш территориаль органда (Әлмәт) – 14, Төньяк-Көнбатыш территориаль органда (Лаеш) – 45, Көнбатыш территориаль органда (Зеленодольск) – 18, Кама аръягы территориаль органында (Чистай) – 12. Автомобиль юллары һәм транспорт корылмалары төзелешен күзәтү буенча территориаль органда – 15. 

Узган чорда республикада 80 күпфатирлы йорт тапшырылган, шуларның 10сы – соципотека йортлары. Шулай ук 3 сәламәтлек саклау объекты, 24 мәгариф объекты, 16 спорт комплексы, 19 юл һәм күпер кичүе, берничә җитештерү объекты, 103 башка төрле объект файдалануга тапшырылган

Бүген, 27 октябрьдә, республиканың Дәүләт төзелеш күзәтчелеге инспекциясе инспекторлары Түбән Камада булдылар һәм Красный Ключ дамбасын реконструкцияләү буенча башкарыла торган эшләр барышын тикшерделәр. Алар башкарыла торган төзелеш эшләренең проект документларына туры килү-килмәвен тикшерде. Проект буенча 2,1 км озынлыктагы яр буен ныгыту каралган. Хәзер дамбада шпунтны су астына төшерү, янтыкларын формалаштыру, ярның авыш өслегенә вак таш салу, башлангыч өлешендәге борысны бетон белән каплау эшләре бара.

Ведомство хезмәткәрләре участоктагы эшләрнең сыйфатын уңай бәяләде. «Дәүләт төзелеш күзәтчелеге инспекциясе дамбаны реконструкцияләүнең барлык этапларын җентекле күзәтә. Вакыты аз булу һәм кысынкы шартлар булуына карамастан, башкарылган һәм башкарыла торган эшләрнең, кулланыла торган төзелеш материалларының сыйфаты проект документлары таләпләренә туры килә. Дамбада уздырылган тикшерү барышында төзелеш нормаларыннан тайпылу очраклары ачыкланмады. Барысы да сыйфатлы һәм таләпләргә туры китереп башкарыла. Объект декабрьдә кабул ителәчәк. Төзүче оешма объектны тапшырганнан соң 5 ел эчендә гарантия өчен җаваплы булачак», – дип хәбәр итте Татарстан Республикасы Дәүләт төзелеш күзәтчелеге инспекциясенең Көнчыгыш территориаль органы җитәкчесе Сергей Цыганцов.

Проект «2012-2020 елларда Россия Федерациясенең су хуҗалыгы комплексын үстерү» федераль программасы кысаларында тормышка ашырыла. Объектны финанслауга республика һәм федераль бюджетлардан тигез өлешләрдә диярлек 888 млн. сумга якын акча бүлеп бирелгән.

Исегезгә төшерәбез, Красный Ключ дамбасы узган гасырның 80нче елларында Түбән Камада торак пунктларны су басудан саклау өчен төзелгән булган. Егерме ел дәвамында язгы ташу вакытында Кама елгасыннан агып чыккан су дамбаның ком нигезен юдыра торган булган, бу исә экологик һәлакәткә китереп, 40 меңнән артык дача участогын, берничә торак пунктны һәм балаларны савыктыру лагерьларын су белән бастыру хәтәрен китереп чыгарган. Гидротехника корылмасын үзгәртеп кору эшенә подрядчы төзелеш оешмасы быел җәй аенда керешкән. Көн саен дамбаны реконструкцияләү эшләренә 30га якын махсус техника һәм 70 төзүче җәлеп ителгән.

Хәзерге вакытта Кама елгасы белән аның ярлары арасында субай тулысынча монтажланып беткән, дамба стенасын көчәйтү 75% дәрәҗәсендә башкарылган, яр буе авышлыгы 50%ка ныгытылган, 10% дәрәҗәсендә тимер-бетон плитәләр җәелгән. Ныклы зур корылма күп күләмдәге судан ярны яклап торачак.

Быелгы ел азагына дамбаны тулысынча реконструкцияләп бетерү планлаштырыла.

Фото Түбән Кама шәһәре Башкарма комитетыннан бирелде.

Дәүләт төзелеш күзәтчелеге инспекторлары расланган программа кысаларында «Алабуга» махсус икътисади зонасы резиденты – углерод җепселләре өчен чимал җитештерү буенча ПАН-прекурсор заводында барган төзелеш эшләрен тикшерде.

Инспекторлар төзелеш-монтаж эшләренең сыйфатын, проект документлары һәм шәһәр төзелеше законнары таләпләренә туры килү-килмәвен тикшерде.

Бинаның гомуми мәйданы 20858,3 кв. метр тәшкил итәчәк. План буенча эшләр 2020 елның декабрендә бетерелер дип көтелә. Объектның төп функциональ билгеләнеше – углерод җепселләре өчен чимал җитештерү.

ПАН-прекурсор заводы – Татарстан Республикасы һәм «Росатом» атом энергиясе буенча дәүләт корпорациясенең уртак проекты. Предприятиедә 200гә якын яңа эш урыны булдырылачак.

Татарстан Республикасы Дәүләт төзелеш күзәтчелеге инспекциясе тарафыннан РФ Шәһәр төзелеше кодексы нигезендә капиталь төзелеш объектларында күзәтчелек гамәлгә ашырыла, шул исәптән гамәлдәге норматив актларда регламентлана торган хезмәте сагы таләпләренә һәм нормаларына карата да.

Ел башыннан бирле ТР Дәүләт төзелеш күзәтчелеге инспекциясе тарафыннан 1 мең 28 тикшерү үткәрелгән. Төзелештә катнашучыларга карата хезмәтне саклау кагыйдәләрен һәм нормаларын бозган өчен 5 млн. 308 мең сумлык 125 карар чыгарылган.  

Шунысын да билгеләп үтәргә кирәк, тикшерүләр барышында 48 кисәтү чыгарылган.

Тикшерү вакытында еш очрый торган төп бозу очраклары – төзелеш эшләре башкарганда эшчеләрдә төзелеш каскалары һәм иминият тросларының булмавы, вакытлыча электр челтәрләрен аерганда тәртип бозулар, янгын куркынычсызлыгы таләпләрен үтәмәү, эш урыннары саклагыч һәм иминият коймалары белән тәэмин ителмәгән һ.б.

Бүген, 26 октябрь көнне Казанның «Салават купере» торак комплексында социаль ипотека республика программасы һәм «Торак һәм шәһәр мохите» илкүләм проекты буенча төзелгән яңа 340 фатирлы торак йорт Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителү таләпләренә туры килүе турында бәяләмә алды.

Ярашлылык бәяләмәсе объектны файдалануга тапшыруга рөхсәт алу мөмкинлеге бирә, шуннан соң 340 гаилә үз фатирларыннан көтеп алынган ачкычларын алачак һәм өй туен билгеләп үтәчәк.

3-1 номерлы торак йорт «Салават күпере»нең өченче кварталында урнашкан. 18 катлы бинаның гомуми мәйданы 21891,7 кв. метр тәшкил итә. Йорт янындагы территория төзекләндерелгән – балалар мәйданчыгы урнаштырылган, яшелләндерелгән. Объектны төзүче оешма – «Татарстан Республикасы Президенты каршындагы Дәүләт торак фонды» коммерциясез оешмасы.