ЯҢАЛЫКЛАР

Казанның «Весна-2» торак комплексында «Демография» илкүләм проекты буенча төзелгән яңа балалар бакчасы Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды. Бу хакта ТР Дәүләт төзелеш күзәтчелеге инспекциясе башлыгы вазыйфаларын башкаручы Илфарт Сафиуллин хәбәр итте.

«Веснушка» заманча балалар бакчасы Казанның Совет районында урнашкан. Бинаның гомуми мәйданы 1211 кв. метр тәшкил итә. Ул 120 балага исәпләнгән. 

Заманча бинада уен, йокы, киенү-чишенү, буфет һәм бәдрәф, музыка һәм физкультура заллары, психолог һәм логопед кабинетлары, азык-төлек блогы һ.б. каралган. Территориядә кече архитектура формалары белән уен һәм спорт мәйданчыклары корылган. Төзекләндерү кысаларында агачлар һәм куаклар утыртылган, газон җәелгән.

Татарстан Республикасы – илдә яңа балалар бакчалары төзү нәтиҗәсендә мәктәпкәчә белем бирү учреждениеләрендә урыннар җитмәү проблемасын хәл иткән беренче төбәкләрнең берсе. 10 ел эчендә Президент программаларын гамәлгә ашыру кысаларында 37,5 мең урынга исәпләнгән 239 балалар бакчасы төзелгән.

Татарстанның Дәүләт төзелеш күзәтчелеге инспекциясе алдында сыйфатлы материаллар һәм конструкцияләр куллануны тәэмин итү, социаль инфраструктура объектларын төзегәндә һәм тапшырганда законнарны бозмау һәм расланган проект документларыннан тайпылышларга юл куймау бурычы тора.

15 сентябрьдә Татарстан Республикасы Дәүләт төзелеш күзәтчелеге инспекциясендә Казан шәһәре буенча территориаль орган бүлекләре башлыклары – Айткулова Халидә Илдус кызы белән Фалова Марина Николаевнаны лаеклы ялга озаттылар.  Инспекция башлыгы В.А. Кудряшов коллектив исеменнән хезмәткәрләрне хезмәт эшчәнлеге тәмамлану белән котлады һәм күпьеллык намуслы хезмәтләре өчен рәхмәт белдерде.

«Сезнең осталык һәм эшкә булган сәләтегез аркасында без Татарстан башкаласында төзелешнең куркынычсызлыгын һәм ышанычлылыгын бергәләп тәэмин итә алдык, – диде Василий Кудряшов. – Сезнең Казан үсешенә ярдәм иткән казанышларыгызны билгеләп үтәсе килә».

Халидә Илдус кызы белән Марина Николаевна – дәүләт төзелеш күзәтчелеге системасында 18 ел эшләгән тәҗрибәле хезмәткәрләр һәм югары квалификацияле белгечләр. Аларның һәркайсы төзелеш өлкәсенә 30 елдан артык гомерен багышлаган. Ике хезмәткәр дә Инспекция оешкан чорда ук эшли башлаган, Казан үсешен күзәтеп торган, алар дистәләгән объектка җан җылысын өләшкән.  

Марина Николаевна Казанның 1000 еллыгы уңаеннан үз өлешен кертә – ул Муса Җәлил исемендәге Татар опера һәм балет театрын реконструкцияләүдә дәүләт төзелеш күзәтчелеген гамәлгә ашыра.

«Эш һәрчак бик кызыклы, җаваплы булды. Уникаль объектларның күбесе зур вакыйга – Казанның 1000 еллыгына багышлап төзелде. Миңа Татар опера һәм балет театры туры килде. Төнге 11гә кадәр төзелеш штаблары үткәрелде, аларда мин дә катнаштым. Театрны реконструкцияләү буенча глобаль эшләр белән беррәттән керү төркемен бизәп торучы архитектура элементларын: колонналарны, сыннарны, баскычларны, шулай ук сәхнә җиһазларын һәм инженерлык тәэминатын торгызу эшләре дә башкарылды. Декоратив бизәкләүдә ул вакытта иң заманча технологияләр һәм материаллар кулланылды. Барысы да, хәтта үзәк люстра да үзгәртелде, аны монтажлау өчен күп көч һәм чишелешләр таләп ителә иде», – дип уртаклашты Марина Фалова.

Очрашу барышында хезмәткәрләр үзләре эшкә урнашкан вакытта дәүләт төзелеш күзәтчелегенең ни рәвешле гамәлгә ашырылуы турында сөйләде.

«Сыйфат контроле һәрвакыт булды, хәзер исә тагын да камилрәк технологияләр кулланыла, бу исә җентеклерәк контроль үткәрергә мөмкинлек бирә.  Махсус үлчәү приборлары ярдәмендә төзелеш материалларына һәм конструкцияләренә техник тикшерү һәм сынаулар үткәрергә мөмкин. 20 ел элек тә, хәзерге кебек үк, без йортларның проектка туры килү-килмәвен тикшерә идек, ләкин алар серияле иде. Мәсәлән, 91 нче серия – панель, 95 нче серия – кирпеч. Төзелеш нормаларына һәм СНИПларга туры килү-килмәү тикшерелә иде. Ә хәзер һәр йортның шәхси проекты бар, шуңа күрә тикшерү эше катлаулырак», – дип сөйләде Халидә Айткулова.

Ахырда төзелеш тармагы ветераннары яшь буын белгечләргә нәсыйхәт сүзләрен җиткерде. Шулай ук алар күп еллар буе тырышып, тырыш хезмәт куйган Казанның алга таба да үсештә булуын теләделәр. 

«Хәзер күп кенә кызыклы торак комплекслар, балалар бакчалары һәм мәктәпләр төзелә, Казан халкына шундый матур шәһәрдә яшәве рәхәт. Дәүләт төзелеш күзәтчелеге инспекциясе һәм Татарстан башкаласы алга таба да үсештә булсын, дип ихлас күңелдән уңышлар телисе килә», – дип билгеләп үтте Марина Николаевна.

Бүген «Салават күпере» микрорайонында «Демография» илкүләм проекты буенча төзелгән «Керпе» («Ежик») яңа балалар бакчасы Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.

Заманча балалар бакчасы торак комплексының икенче кварталында урнашкан. Ул 260 балага исәпләнгән. Ике катлы мәктәпкәчә учреждениенең гомуми мәйданы 3975,9 кв. метр тәшкил итә. Бина мәгариф учреждениеләренең барлык яңа таләпләренә дә туры килә.

Заманча бинада уен, йокы, киенү-чишенү, буфет һәм бәдрәф, музыка һәм физкультура заллары, психолог һәм логопед кабинетлары, азык-төлек блогы һ.б. каралган. Территориядә кече архитектура формалары белән уен һәм спорт мәйданчыклары корылган. Төзекләндерү кысаларында агачлар һәм куаклар утыртылган, газон җәелгән.

ТАССРның 100 еллыгы кысаларында республиканың дәүләт төзелеш күзәтчелеге тарихы белән таныштыруны дәвам итәбез. «ТАССР Дәүләт архитектура-төзелеш контроле инспекциясе тарихы» рубрикасында 1944 ел өчен Татарстан АССР Дәүләт архитектура-төзелеш контроле инспекциясе нигезләмәсен өйрәнәбез. Архив документында дәүләт төзелеш күзәтчелеген оештыру тәртибе, аның предметы һәм бурычлары билгеләнгән. 

Инспекция нигезләмәсе буенча шәһәрдәге төзелешләрнең сыйфатын контрольдә тоту, иң мөһим биналар һәм корылмалар, хосусый торак төзелеше, сәнәгать объектларының фасадларының архитектур бизәкләнешенә күзәтчелек итү, шулай ук шәһәр магистральләрен һәм юлларны тикшерү хокукы бирелә.

Моннан тыш, ТАССР Дәүләт архитектура-төзелеш контроле инспекциясе төзелешкә рөхсәт бирә башлый, төзүче оешмада расланган техник документлар булуын контрольдә тота, эшләрнең расланган төзелеш проекты белән туры килүен тикшерә, төзелеш кагыйдәләре һәм нормалары үтәлешен, төзелеш материалларының һәм эшләнмәләрнең сыйфатын күзәтеп тора.

Объектны төзеп бетергәннән соң, Инспекция төзелеп беткән һәм файдалануга тапшырыла торган торак һәм граждан биналарын кабул итү комиссиясен билгели һәм әлеге комиссияләр эшенә җитәкчелек итә.

Авария куркынычы янаган очракта, Инспекция төзелешне кичекмәстән туктатып торырга, төзелеш эшләрен башкарырга хокукы булмаган затларны эштән читләштерергә, тиешле органнар каршында законнарны бозуда гаепле затларны җәлеп итү турындагы мәсьәләне күтәрергә, кирәк булганда төзелеш материалларына экспертиза үткәрүне таләп итәргә хокуклы була.

14 сентябрьдә Татарстан Республикасы Дәүләт төзелеш күзәтчелеге инспекциясе җитәкчесе Василий Кудряшов рәислегендә аппарат киңәшмәсе узды. Утырышта территориаль органнарның җитәкчеләре һәм аппарат бүлекләре башлыклары катнашты.

Киңәшмә барышында киләсе атнаның эш мәсьәләләре каралды. Дәүләт төзелеш күзәтчелеге инспекциясе җитәкчесе җаваплы затларга эшчәнлекнең төп юнәлешләре буенча эшне активлаштырырга кушты.

Утырышта объектларга техник тикшерү үткәрү тәртибе, кисәтүләрне бетерү буенча документар тикшерүләр үткәрү, тикшерүләр үткәргәндә санитария-эпидемиология нормалары үтәлеше (битлекләр, перчаткалар, социаль аралык) турындагы мәсьәлә каралды.

Моннан тыш, Василий Кудряшов Инспекциядә кадрлар үзгәреше турында да хәбәр итте. Өлешле төзелешне контрольдә тоту бүлеге башлыгы итеп Данил Сергеев билгеләнде. Элегрәк ул ведомствоның дәүләт төзелеш күзәтчелеген гамәлгә ашыру тәртибен үтәүне контрольдә тоту бүлегенең әйдәп баручы киңәшчесе булып эшләгән. 

Бүлекнең элеккеге җитәкчесе Фәнзил Ризванов Мәскәүгә чакыру буенча Өлешле төзүдә катнашучы гражданнарның хокукларын яклау буенча федераль фондка күчкән. Хәзер ул төбәк үсешенә кураторлык итәчәк.

Республиканың Арча муниципаль районында педагогика көллиятенең тулай торагы реконструкцияләп бетерелгән. Татарстан Республикасының Дәүләт төзелеш күзәтчелеге инспекциясе студентларны яшәтер өчен билгеләнгән объектка проект документларының туры килүе турында уңай бәяләмә бирде. Бина заманча таләпләргә туры килә.

Проект нигезендә, «Арча педагогика көллияте» автоном һөнәри белем бирү учреждениесенең 2 нче номерлы тулай торагында булган ике катлы бинага чарлак каты өстәп куйганнар, шулай ук өч катлы янкорма да төзелгән. Бинаның гомуми мәйданы 3482,6 кв. метр тәшкил итә.

Яңа бина ачылганнан соң, педагогика көллияте чит шәһәрләрдән килгән 158 студентка яшәү урыннары бирә алачак. Элегрәк биредә 96 кеше урнашкан булган.

Уңайлы торак бүлмәләре 14-18 яшьлек 2-3 студент яшәү өчен исәпләнгән. Катта яңа бәдрәфләр һәм душ бүлмәләре җиһазландырылган. Шулай ук тәрбияче бүлмәсе, шәфкать туташы кабинеты, процедура бүлмәсе, авыруны хастаханәгә озатканчы вакытлыча изоляцияләү өчен билгеләнгән бер ятаклы палата каралган.   

Г. Тукай исемендәге Арча педагогика көллияте республиканың барлык районнарыннан һәм шәһәрләреннән укырга килүче, киләчәктә башлангыч сыйныф укытучылары булырга теләгән студентларга белем бирә. Элегрәк студентлар акча түләп, фатирда яшәргә мәҗбүр булган. Шуңа күрә тулай торакта яшәү өчен өстәмә 62 урын булдыру – мәгариф учреждениесе өчен мөһим һәм әһәмиятле вакыйга. Хәзер студентлар торак белән тәэмин ителәчәк. 

Бүген Татарстан Республикасы Президенты Рөстәм Миңнеханов республика территориясендә берьюлы берничә спорт объектын ачу тантанасында катнашты.

Казанның Чуйков урамында «Искәндәр» футбол-регби манежы тантаналы төстә ачылды. Видеоконференция режимында тагын Танк урамында (Казан ш.) «Максат» футбол манежы, «Импульс» спорт комплексы (Буа ш.), «Тулпар» бассейнлы универсаль спорт комплексы (Нурлат муниципаль районының Урта Камышлы авылы), «Тамчы» (Мөслим авылы) ябык түбәле йөзү бассейны ачылды.

Чара башланганчы Татарстан Республикасы Президенты Рөстәм Миңнеханов, Татарстан Республикасы спорт министры Владимир Леонов, Казан мэры Илсур Метшин, шулай ук мәртәбәле кунаклар – Россия футбол берлеге президенты Александр Дюков һәм Россия Спорт министры Олег Матыцин «Искәндәр» футбол-регби манежын карап чыктылар. Бу спорт корылмасының футбол өчен зонасы һәм регби уйнау өчен зонасы, тренажер залы, медицина блогы һәм башкалар бар. Төзелеш 2020 елның гыйнварында башланган булган.

Россия Спорт министры Олег Матыцин барлык татарстанлыларны ТАССРның 100 еллыгы белән котлады.

Россия футбол берлеге президенты Александр Дюков, бу вакыйгаларның республиканың массакүләм спорт үсешенә системалы мөнәсәбәтен күрсәтә, диде.  

Татарстан Республикасы Президенты Рөстәм Миңнеханов: «Безнең Татарстанда ябык түбәле футбол манежлары төзү һәм анда балаларның ел әйләнәсендә уйный алулары турында хыялыбыз бар иде. Төзүчеләргә бик зур рәхмәт, кыска вакытларда объектларны төзеп тапшырдылар».

бүген ачылучы барлык спорт объектлары - Казан шәһәрендәге «Максат» футбол манежы, «Импульс» спорт комплексы (Буа ш.), «Тулпар» бассейнлы универсаль спорт комплексы (Нурлат муниципаль районының Урта Камышлы авылы), «Тамчы» (Мөслим авылы) ябык түбәле йөзү бассейны Рөстәм Миңнеханов белән видеоконференция режимында элемтәгә чыктылар.

Рөстәм Миңнеханов барлык объектларны да тантаналы төстә ачык дип белдерде.

Яңа «Искәндәр» футбол манежында Рөстәм Миңнеханов яшь футболчылар тупларында автограф калдырды.  

ТР Президенты Матбугат хезмәте, Елена Бритвина.

Республиканың Нурлат муниципаль районының Урта Камышлы авылында социаль ипотека республика программасы һәм «Торак һәм шәһәр мохите» илкүләм проекты буенча төзелгән 27 фатирлы яңа торак йорт Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителү таләпләренә туры килүе турында бәяләмә алды. Тиздән 27 гаилә көтеп алынган фатирлардан ачкычлар алачак.

3 катлы торак йортның гомуми мәйданы 2219,5 кв. метр тәшкил итә. Территориядә балалар мәйданчыгы бар, төзекләндерү кысаларында газон урнаштырылган.  Объектны төзүче – «Татарстан Республикасы Президенты каршындагы Дәүләт торак фонды» коммерциясез оешмасы.

Торак алу мөмкинлеген тәэмин итү, шул исәптән һәркем алырлык ипотека, социаль программалар һәм эконом-класслы йортлар төзү хисабына да — Татарстан Республикасы Президенты куйган стратегик бурыч.

Татарстанның Дәүләт төзелеш күзәтчелеге инспекциясе алдында сыйфатлы материаллар һәм конструкцияләр куллануны тәэмин итү, социаль ипотека программасы буенча төзелә торган объектларны төзегәндә һәм тапшырганда законнарны бозмау һәм расланган проект документларыннан тайпылышларга юл куймау бурычы тора.

Казанның «Салават күпере» торак комплексының 3 нче кварталында урнашкан 260 урынлы «Тиктормас» («Непоседа») балалар бакчасы төзелеп беткән. Татарстан Республикасы Дәүләт төзелеш күзәтчелеге инспекциясе мәктәпкәчә учреждениегә төзелгән, үзгәртеп корылган капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланылган энергетика ресурсларын исәпкә алу җайланмалары белән тәэмин ителү таләпләренә җавап бирүе турында ярашлылык бәяләмәсе тапшырды.

Объект төзелеше «Демография» илкүләм проектын гамәлгә ашыру кысаларында алып барылган. Балалар бакчасы расланган проект документациясе нигезендә төзелгән. Мәктәпкәчә учреждение Илһам Шакиров урамында урнашкан. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.  

Заманча бинада уен, йокы, киенү-чишенү, буфет һәм бәдрәф, музыка һәм физкультура заллары, психолог һәм логопед кабинетлары, азык-төлек блогы һ.б. каралган. Территориядә кече архитектура формалары белән уен һәм спорт мәйданчыклары корылган. Төзекләндерү кысаларында агачлар һәм куаклар утыртылган, газон җәелгән.

Президент программаларын гамәлгә ашыру кысаларында Татарстанда 10 ел эчендә 239 яңа балалар бакчасы төзелгән – 37,6 мең бала урын белән тәэмин ителгән.

2020-2021 елларда «Демография» илкүләм проекты кысаларында 49 балалар бакчасы төзү планлаштырылган – шуның нәтиҗәсендә ясле төркемендәге сабыйлар өчен урыннар җитмәү проблемасын республика 2022 елда ук хәл итәргә планлаштыра.

Татарстанның Дәүләт төзелеш күзәтчелеге инспекциясе алдында сыйфатлы материаллар һәм конструкцияләр куллануны тәэмин итү, социаль инфраструктура объектларын төзегәндә һәм тапшырганда законнарны бозмау һәм расланган проект документларыннан тайпылышларга юл куймау бурычы тора.

Республиканың Буа муниципаль районында универсаль спорт залы төзелеп беткән.  Бүген, 9 сентябрьдә, спорт объекты Татарстан Республикасы Дәүләт төзелеш күзәтчелеге инспекциясеннән проект документларының туры килүе турында бәяләмә алды.

Проект нигезендә бинаның беренче катында волейбол, баскетбол һәм мини-футбол дәресләре залы каралган. Икенче катта көрәш һәм бокс залы, тренажер залы җиһазландырылган. Бина укыту-күнекмәләр бирү дәресләре һәм республика дәрәҗәсендәге ярышлар уздыру өчен билгеләнгән.

ТР Президенты Р.Н.Миңнеханов карары нигезендә республикада 6 универсаль спорт залы (Буа, Мамадыш, Сарман, Зеленодольск (Осиново авылы), Тукай һәм Кукмара муниципаль районнарында) төзү программасы гамәлгә ашырыла.

Татарстанның Дәүләт төзелеш күзәтчелеге инспекциясенең бурычы – сыйфатлы материаллар һәм конструкцияләр куллануны тәэмин итү, спорт инфраструктурасы объектларын төзегәндә һәм тапшырганда законнарны бозмау һәм расланган проект документларыннан тайпылышларга юл куймау.