ЯҢАЛЫКЛАР

ТР Дәүләт төзелеш күзәтчелеге инспекциясе белгечләре Инспекция башлыгы Василий Кудряшов җитәкчелегендә Санкт-Петербургта Россия Федерациясе субъектлары дәүләт төзелеш күзәтчелеге органнарының VI Төбәкара конференциясендә катнашты.

Быел конференциягә Россиянең дәүләт төзелеш күзәтчелеге органнарыннан 176 артык вәкил килде. Ике көн дәвамында дәүләт төзелеш күзәтчелеген гамәлгә ашыру тәртибенә һәм процедурасына кагыла торган иң актуаль мәсьәләләр каралды, шулай ук РФ уздырыла торган күзәтчелек эшчәнлеге реформасы турында сүз барды.  Шул исәптән, РФ Шәһәр төзелеше кодексына кертелгән соңгы үзгәрешләрне исәпкә алып, ә атап әйткәндә дәүләт төзелеш күзәтчелеге органнары вәкаләтләре, проект документациясенә кабат экспертиза уздыру таләпләре, ярашлылык турында бәяләмәләр бирү өлешендә.

Асылда, хәбәр ителгәнчә, дәүләт төзелеш күзәтчелеге органнарына дәүләтнеке булмаган экспертиза бәяләмәсенә шикаять белдерү вәкаләтләре бирелергә мөмкин. Россия Төзелеш министрлыгында закон проекты әзерләнгән, аның нигезендә дәүләт төзелеш күзәтчелеге органнарына һәм төзелешкә рөхсәтләр бирүгә вәкаләтле органнарга мондый бәяләмәнең нигезле булуында шикләр барлыкка килгәндә Россия Төзелеш министрлыгының эксперт комиссиясендә дәүләтнеке булмаган экспертизаның уңай бәяләмәсенә шикаять белдерү хокукы бирелергә мөмкин.

Россия Төзелеш министрлыгының рөхсәт бирү эшчәнлеге һәм контроль департаменты директоры России Владимир Калинкин сөйләгәнчә, хәзерге вакытта төзелеш процессында башкарыла торган эшләрнең һәм кулланыла торган төзелеш материалларының техник регламентларның таләпләренә туры килүенә контроль дәүләт күзәтчелеге функцияләрендә юк. Шуңа бәйле рәвештә проект документациясенә һәм инженерлык эзләнүләре нәтиҗәләренә экспертиза уздыруның сыйфаты һәм аларның техник регламентларның таләпләренә туры килүен бәяләү төгәллеге өчен эксперт оешмаларының җаваплылыгы арта бара. Ә дәүләт төзелеш күзәтчелеге органнарына үз эшен яңа шартларга яраклаштырырга кирәк.

Аның сүзләреннән аңлашылганча, законнарны, зарури таләпләр һәм контроль чараларын уздырганда бизнес хокукларын яклау өлешендә хокук бозуларны профилактикалауга басым ясап, камилләштерергә, күзәтчелек эшчәнлегенең ачык булуын һәм контрольдә торучы субъектларның хокуклары гарантиясен тәэмин итү зарур.

"Дәүләт төзелеш күзәтчелеген уздыру тәртибен регламентлау буенча алда күп эшлисе бар, шул исәптән күзәтчелектәге яңа объектлар буенча, тикшерүләрне гамәлгә ашыруның яңа технологияләренә күчү өлешендә. Безгә төзелә торган объектларның сыйфатын һәм куркынычсызлыгын тәэмин итүнең нәтиҗәле механизмын оештырырга кирәк", - дип билгеләде Төзелеш министрлыгы вәкиле.

Татарстан Республикасы Дәүләт төзелеш күзәтчелеге инспекциясе коррупциягә каршы бюллетень чыгарды. Россия Генпрокуратурасы уртача статистик ришвәт бирүченең портретын тудырган. 2018 елның 10 аенда Татарстанда коррупциячел җинаятьләр саны 729 кимегән. Тулаем алганда, Россия буенча ришвәт алуга бәйле җинаятьләр саны 12.5%ка арткан.

Тулырак итеп ТР ДТК инспекциясенең рәсми сайтындагы "Коррупциягә каршы көрәш. Коррупциягә каршы бюллетень" бүлегендәге Коррупциягә каршы бюллетеньнең http://gsn.tatarstan.ru/rus/file/pub/pub_1661393.pdf  яңа чыгарылышыннан укыгыз.

2018 елның 27 ноябрендә Яр Чаллы шәһәренең Яшьлек проспекты буенча 64 нче торак комплексында урнашкан, тышкы инженерлык челтәрләре белән 3 номерлы торак йорт төзелгән, үзгәртеп корылган капиталь төзелеш объектының проект документациясе таләпләренә, шул исәптән капиталь төзелеш объектының энергетика нәтиҗәлелегенә һәм кулланыла торган энергетика ресурсларын исәпкә алу буенча исәпкә алу җиһазлары белән тәэмин ителү таләпләренә җавап бирүе буенча  Татарстан Республикасы Дәүләт төзелеш күзәтчелеге инспекциясеннән ярашлылык турында бәяләмә алды.

10 катлы яңа йортның мәйданы 43 325 кв. метр тәшкил итә. 147 фатир хуҗаларын каршы алырга әзер.

2018 елның 29-30 ноябрендә Санкт-Петербургта РФ субъектлары дәүләт төзелеш күзәтчелеге органнарының VI Төбәкара конференциясе уза.

Конференциядә РФ Төзелеш һәм ТКХ министрлыгы, РФ Икътисадый үсеш министрлыгы вәкилләре, шулай ук 73 РФ субъектыннан дәүләт төзелеш күзәтчелеге органнарыннан 176 вәкил катнаша.  Чарада шулай ук Татарстан Республикасы Дәүләт төзелеш күзәтчелеге инспекциясе башлыгы Василий Кудряшов та катнаша.

Конференция кысаларында Россиядә дәүләт төзелеш күзәтчелеген гамәлгә ашыруның нәтиҗәлелеген арттыру мәсьәләләре турында сүз барачак.

Татарстан Республикасы Дәүләт төзелеш күзәтчелеге инспекциясе тарафыннан РФ Шәһәр төзелеше кодексы нигезендә капиталь төзелеш объектларында күзәтчелек гамәлгә ашырыла, шул исәптән гамәлдәге норматив актларда регламентлана торган хезмәт сагы таләпләренә һәм нормаларына карата да.

2018 ел башыннан бирле Татарстан Республикасы Дәүләт төзелеш күзәтчелеге инспекциясе тарафыннан төзелештә катнашучыларга карата хезмәт сагы нормаларын һәм кагыйдәләрен бозган өчен гомуми 10,844 мең сумлык 307 карар чыгарылды. Бүгенге көндә республикада 139 карар буенча гомуми 7,084 мең сумлык штраф түләттерелде.

Тикшерү барышында еш очрый торган төп бозулар булып махсус кием, төзелеш каскалары һәм хосусый яклаучы башка чаралар булмавы, газ баллоннарын саклаганда куркынычсызлык таләпләрен үтәмәү, биек урында эшләгәндә, шулай ук төзелеш корылмаларын урнаштырганда таләпләрне бозу һ.б. тора.

2018 елның 28 ноябрендә Әлмәт шәһәренең К/1.3-2 участогында "Алсу" микрорайонында котельные терәп төзелгән торак йорт төзелгән, үзгәртеп корылган капиталь төзелеш объектының проект документациясе таләпләренә, шул исәптән капиталь төзелеш объектының энергетика нәтиҗәлелегенә һәм кулланыла торган энергетика ресурсларын исәпкә алу буенча исәпкә алу җиһазлары белән тәэмин ителү таләпләренә җавап бирүе буенча Татарстан Республикасы Дәүләт төзелеш күзәтчелеге инспекциясеннән ярашлылык турында бәяләмә алды.

Яңа төзелгән йортның мәйданы – 11550,4 кв.м. 153 фатир хуҗаларын каршы алырга әзер.

Татарстан Республикасы Министрлар Кабинетының 2018 елның 31 октябрендәге 974 номерлы карары белән Күпфатирлы йортларны һәм күчемсез мөлкәтнең бүтән объектларын өлешле төзү өлкәсендә, шулай ук торак-төзелеш кооперативларының Татарстан Республикасы территориясендә күпфатирлы йортлар төзүгә бәйле эшчәнлегенә төбәк дәүләт контролен (күзәтчелеген) оештыру һәм гамәлгә ашыру тәртибе расланды.

Әлеге документта Татарстан Республикасы территориясендә өлешле төзелеш өлкәсендә дәүләт контролен оештыруга һәм уздыруга карата таләпләр раслана.

Исегезгә төшерәбез, 2007 елның 27 декабрендәге 66-ТРЗ номерлы Татарстан Республикасы Законы нигезендә җирле үзидарә органнарына күпфатирлы йортларны һәм (яки) күчемсез мөлкәтнең бүтән объектларын өлешле төзү өлкәсендә дәүләт контролен (күзәтчелеген) гамәлгә ашыру буенча Татарстан Республикасы дәүләт вәкаләтләре бүлеп бирелде. ТР ДТК инспекциясе җирле үзидарә органнарының тапшырылган дәүләт вәкаләтләрен үтәвен тикшерүдә тота, шулай ук үзләренә карата 2007 елның 27 декабрендәге 66-ТРЗ номерлы Татарстан Республикасы Законының көче туктатылган 33 муниципаль берәмлектә күпфатирлы йортларны һәм (яки) күчемсез мөлкәтнең бүтән объектларын өлешле төзү өлкәсендә дәүләт контролен (күзәтчелеген) гамәлгә ашыра.

Киңәшмә барышында төбәк һәм территориаль органнарның җитәкчеләре республика буенча 2018 елның азагында гамәлгә кертү өчен әзерләнүче социаль һәм коммерция торагы объектлары буенча мәгълүмат җиткерде.

Инспекция башлыгының беренче урынбасары Ильфарт Сафиуллин агымдагы ел йомгаклары буенча административ тәҗрибә нәтиҗәләре хакында әйтте.  

Киңәшмәдә шулай ук ТР Дәүләт төзелеш күзәтчелеге инспекциясенең структурасын үзгәртү турында фикер алыштылар, ул 2019 елның 1 гыйнварыннан планлаштырыла. Шулай ук башка актуаль мәсьәләләр каралды.  

Киңәшмә азагында Инспекция башлыгы контроль-күзәтчелек эшчәнлегендә нәтиҗәлелекне арттырырга, объектларны кабул иткәндә административ регламент процедурасын катгый үтәргә, кешеләрнең гомеренә һәм сәламәтлегенә куркыныч күздә тотучы Административ хокук бозулар турында РФ кодексының 9.4 статьясының 2 өлеше буенча административ җаваплылыкка тарту чараларын көчәйтергә кушты.

2018 елның 12 декабрендә 12.00 сәгатьтән башлап 20.00 сәгатькә кадәр, Россия Федерациясе Президенты йөкләмәсе нигезендә, дәүләт хакимияте һәм җирле үзидарә органнарында Россиякүләм гражданнарны кабул итү көне узачак.

Татарстан Республикасы Дәүләт төзелеш күзәтчелеге инспекциясендә кабул итү Казан ш., Зур Кызыл ур., 15/9 адресы буенча гамәлгә ашырылачак.

Татарстан Республикасы Дәүләт төзелеш күзәтчелеге инспекциясе компетенциясенә, гамәлдәге законнар нигезендә, проект документациясе экспертизага тиешле капиталь төзелеш объектларын төзегәндә, үзгәртеп корганда дәүләт төзелеш күзәтчелеген гамәлгә ашыруга бәйле мәсьәләләрне хәл итү керә.

Кабул итү алдан язылмыйча гамәлгә ашырыла.

2018 елның 22 ноябрендә Яр Чаллыда Халыклар дуслыгы проспекты һәм Раскольников урамы киселешендә урнашкан, торак булмаган биналары кертеп төзелгән 19 катлы торак йортның "А" блогына төзелгән, үзгәртеп корылган капиталь төзелеш объектының проект документациясе таләпләренә, шул исәптән капиталь төзелеш объектының энергетика нәтиҗәлелегенә һәм кулланыла торган энергетика ресурсларын исәпкә алу буенча исәпкә алу җиһазлары белән тәэмин ителү таләпләренә җавап бирүе буенча Татарстан Республикасы Дәүләт төзелеш күзәтчелеге инспекциясеннән ярашлылык турында бәяләмә бирелде.

Объектны төзүче һәм аның инвесторы - "ВЕРТИКАЛЬ" ТК ҖЧҖ. Яңа төзелгән йортның мәйданы – 14637,4 кв.м. 160 фатир хуҗаларын каршы алырга әзер.