ЯҢАЛЫКЛАР
Татарстан Республикасы Президенты Рөстәм Миңнеханов һәм «Почта России» АҖ генераль директоры Максим Акимов Иннополиска ясалган визит кысаларында ArtSpace яңа мәдәни үзәгендә булдылар.
ArtSpace бинасында чаралар һәм кино күрсәтү өчен зур зал, авиамодельләштерү, робот техникасы һәм компьютерлар җыю белән шөгыльләнү өчен остаханә бар. Бинада шулай ук шәһәрнең мәнфәгать клубларында лекцияләр һәм семинарлар уздыру өчен коворкинг җиһазландырылган, театр студиясе, сынлы сәнгать студиясе, бию классы, тавыш яздыру студиясе һәм кафе бар.
ArtSpase халыкның мәдәни киңлек турындагы таләпләренә җавап итеп ярты елда төзелгән. Әлеге үзәк ял итү, белем бирү һәм иҗат итү урыны буларак эшли.
Рөстәм Миңнеханов мәдәни үзәк бүлмәләрен карады, иҗади дәресләр барышын күзәтте һәм килүчеләр белән аралашты. «Иннополиста шундый креатив киңлек барлыкка килүе бик мөһим, ул бүген бик кирәк. Сезне чын күңелдән котлыйм!» – диде ТР Президенты.
Казанда «Имин һәм сыйфатлы юллар» илкүләм проектын гамәлгә ашыру кысаларында гамәлгә ашырыла торган Зур Казан боҗрасының беренче этабы төзелеп беткән.
2020 елның 14 августында «Зур Казан боҗрасы. Мидхәт Булатов урамысннан Техническая урамына кадәрге участок (1 этап - Мидхәт Булатов урамыннан Борисовская урамына кадәр)» төзелеш объекты Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.
Соңгы тикшерү барышында закон бозу очраклары ачыкланмады, бу ярашлылык турында уңай бәяләмә бирү өчен нигез булды. Юл япмасының сыйфаты дәүләт стандартларына туры килә.
Төзелеш Татарстан Президентының шәхси контролендә алып барылган. Рөстәм Миңнеханов, эшләрнең барышын тикшерү өчен, берничә тапкыр төзелешкә чыккан.
Дүрт полосалы юлның беренче этап озынлыгы 800 метр тәшкил итә, шулай ук Ферма шоссесы өстендә 109 метр озынлыктагы юлүткәргеч һәм җир асты җәяүлеләр кичүе дә бар.
Ярашлылык турында бәяләмә алыну объектның расланган проект карарлары нигезендә башкарылуы турында аңлата.
Әлеге участок буенча хәрәкәтне Республика көненә – 2020 елның 30 августында башлап җибәрү планлаштырыла.
Апас муниципаль районында төзелгән яңа янгын сүндерү депосы бүген Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.
Проект нигезендә 106 нчы номерлы яңа янгын сүндерү-коткару бүлегенең өч машина чыгу урыны бар. Шәхси состав өчен газ-коткару күнекмәләре базасы, спорт мәйданчыгы һәм тулы куәтле хезмәт өчен СНИП кагыйдәләре буенча кирәкле башка атрибутлар каралган. Объектның гомуми мәйданы 1503 кв. метр тәшкил итә.
Тәүлек буе кизү торуда шәхси состав һәм ике янгын сүндерү автомобиле булачак. Тагын бер автомобиль – резервта.
Апас шәһәр тибындагы поселогында яңа янгын сүндерү-коткару частен төзү мәсьәләсе күптән калку торган. Янгын депосының иске бинасы 40 ел элек төзелгән һәм тузган хәлдә булган.
Татарстан Республикасы Президенты Рөстәм Миңнеханов ярдәме белән яңа янгын депосын төзү турында карар кабул ителгән.
Аны бер ел эчендә төзегәннәр.
Шоссейная урамы, 10 нчы йорт адресы буенча урнашкан яңа янгын сүндерү-коткару бүлеге, файдалануга тапшырылганнан соң, тулы куәтенә эшли башлаячак.
2020 елның 12 августында Тукай районында «Демография» илкүләм проекты буенча төзелгән яңа балалар бакчасы Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.
Заманча балалар бакчасы Тукай районының Әҗмәкәй авылында урнашкан. Ул 140 балага исәпләнгән. Ике катлы мәктәпкәчә учреждениенең гомуми мәйданы 2963,5 кв. метр тәшкил итә.
Яр Чаллы шәһәренең «Яшьлек» торак районының 65 нче комплексында төзелгән 65-06 номерлы, 17 катлы торак йорт Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының энергия ресурсларын исәпкә алу җайланмалары белән тәэмин ителеше таләпләренә туры килүе буенча ярашлылык бәяләмәсе алган. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.
17 катлы яңа торак йорт «Яшьлек» торак районының 65 нче комплексында урнашкан. Ул 83 фатирга исәпләнгән. Бина техник документларның барлык таләпләренә дә туры килә. Файдалануга тапшырылганнан соң фатир хуҗаларына ачкычлар тапшырылачак.
Торак йорт территориясе төзекләндерелгән, тротуарлар, балалар мәйданчыгы бар, яшелләндерү эшләре башкарылган.
Исегезгә төшерәбез, әлеге йорт өлешле төзелештә проблемалы объектлары исемлегенә карый һәм проблемалы йортларның тиешле реестрына кертелгән иде. Билгеләнгән вакытка акча түләгән кешеләр фатир ала алмаган. Йорт төзелеше 2014 елда туктатылган. Йортны бөлгенлеккә төшкән оешма урынына башка төзүче оешма төзеп бетергән.
Өлешчеләр проблемасын хәл итү өчен республикада Татарстан Президенты Рөстәм Миңнеханов җитәкчелегендә системалы эш алып барыла.
Татарстанның Дәүләт төзелеш күзәтчелеге инспекциясе алдында сыйфатлы материаллар һәм конструкцияләр куллануны тәэмин итү, өлешле төзелешнең проблемалы объектларын төзегәндә һәм тапшырганда законнарны бозмау һәм расланган проект документларыннан тайпылышларга юл куймау бурычы тора.
Бүген, 2020 елның 7 августында, «Төзүчеләр көне» һөнәри бәйрәме уңаеннан Татарстан Республикасы Дәүләт төзелеш күзәтчелеге инспекциясендә хезмәткәрләрне тантаналы котлау чарасы узды. ТР Дәүләт төзелеш күзәтчелеге инспекциясе җитәкчесе Василий Кудряшов тармакның иң яхшы вәкилләренә дипломнар, Рәхмәт хатлары һәм «ТАССР төзелүнең 100 еллыгы» истәлек медальләрен тапшырды.
Василий Кудряшов хезмәткәрләрне якынлашып килүче һөнәри бәйрәмнәре белән котлады, намуслы хезмәтләре һәм төзелеш тармагын үстерүгә керткән өлешләре өчен рәхмәт белдерде.
«Сез башкарган хезмәт, вазыйфагызны үтәгән вакытта Сездә булган бурыч һәм җаваплылык хисләре өчен рәхмәт белдерәм, төзелеш мәйданчыгында сыйфат һәм тәртип оештыруда үз урыныгыз барлыгын онытмагыз, – дип билгеләп үтте Василий Кудряшов. – Сез башкарган эшләр бәяләп бетергесез, зур рәхмәт Сезгә. Тагын бер кат бәйрәм белән, барлык эшләрегездә уңышлар телим».
Бүген Инспекция – дәүләт төзелеш күзәтчелеген оештыру һәм үткәрүгә вәкаләтле башкарма хакимият органы.
Инспекция составына республиканың бөтен территориясендә дәүләт төзелеш күзәтчелеген гамәлгә ашыручы 7 территориаль орган керә. Шулай ук Дәүләт төзелеш күзәтчелеге инспекциясе составына экспертизалар, тикшеренүләр һәм сынаулар үткәрүне күзәтү буенча территориаль орган да керә, анда төзелеш материалларына лаборатор сынаулар һәм конструкцияләрне тикшерү эшләре үткәрелә. Татарстанның транспорт инфраструктурасы төзелешенә күзәтчелек алып баруда автомобиль юллары һәм юл буе төзелешен күзәтү буенча территориаль орган шактый эш башкара.
Татарстан Республикасының Дәүләт төзелеш күзәтчелеге инспекциясе җитәкчесе Василий Кудряшов планлы эш кысаларында Яр Чаллыда булды, анда ул социаль әһәмиятле объектларда барган төзелеш эшләре белән танышты.
Василий Кудряшов «Гренада» паркында урнашкан күнекмәләр өчен футбол манежын карады. Хәзерге вакытта объектта гомумтөзелеш эшләре тәмамланган, эчке һәм тышкы инженерлык челтәрләрен монтажлау, эчке бизәкләү эшләре, вентиляцияләнә торган фасадны урнаштыру, якындагы территорияне төзекләндерү эшләре бара. Объект әзерлекнең югары дәрәҗәсендә тора. Файдалануга тапшыру 2020 елның 30 августында планлаштырыла.
Алга таба Инспекция җитәкчесе Җиңүнең 40 еллыгы урамында 52 нче комплекста урнашкан ясалма бозлы ябык күнекмәләр шугалагын карады. Спорт корылмасының гомуми мәйданы 4461,1 квадрат метр тәшкил итәчәк. Хәзерге вакытта төзелеш эшләре тулы куәтенә бара.
Шулай ук Василий Кудряшов Яр Чаллы шәһәренең 19 һәм 22 микрорайоннарында һәм Тукай районының Әҗмәкәй авылында өч балалар бакчасы төзелешенең барышы белән дә танышты. Объектлар «Демография» илкүләм проектын гамәлгә ашыру кысаларында торгызыла һәм югары әзерлек дәрәҗәсендә.
Хөрмәтле коллегалар, төзелеш комплексы хезмәткәрләре һәм ветераннар!
Чын күңелдән төзелеш тармагы хезмәткәрләрен һөнәри бәйрәмнәре – Төзүчеләр көне белән тәбрик итәм!
Төзүче һөнәрен иң тату һәм фидакарь һөнәрләрнең берсе дип атыйлар. Төзелеш тармагы кешеләре һәр көнне үзләре төзегән һәр объектта – күпкатлы торак йортта, яңа заводта, спорт корылмасында, балалар бакчасында яки мәктәптә күңеленең һәм осталыгының бер өлешен калдырып, киләчәккә өлеш кертә.
Нәкъ менә бу кешеләр үзләренең хезмәте белән һәр көнне республикабызның тышкы кыяфәтен киләсе дистә ел алга формалаштырып куя. Төзүчеләрнең намуслы һәм авыр хезмәте һәрвакыт Татарстан үсеше өчен хезмәт иткән. Хәзерге вакытта төзүчеләр көче белән киләчәк буыннарның уңайлы һәм төзек тормышы өчен шартлар тудырыла.
Бәйрәм хөрмәтенә сезгә куелган проектларыгызның тормышка ашуын, яңа һөнәри үрләр, барлык эшләрегездә уңышлар, нык сәламәтлек, илһам, оптимизм, бәхет һәм гаиләләрегезгә иминлек телим!
Хөрмәт белән, ТР ДТК инспекциясе җитәкчесе Василий Кудряшов.
Яр Чаллыда «Демография» илкүләм проекты буенча төзелгән яңа балалар бакчасы Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алган. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.
Заманча балалар бакчасы Мәләкәс аръягының 25 нче микрорайонында урнашкан. Ул 220 балага исәпләнгән. Ике катлы мәктәпкәчә учреждениенең гомуми мәйданы 3525,4 квадрат метр тәшкил итә. Бина мәгариф учреждениеләренең барлык яңа таләпләренә дә туры килә.
Проект буенча бинада уен, йокы, киенү-чишенү, буфет һәм бәдрәф белән төркем бүлмәләре бар. Шулай ук музыка һәм физкультура дәресләре өчен заллар, методик кабинет, шәфкать туташы кабинеты, психолог һәм логопед кабинетлары да җиһазландырылган.
Якын-тирәдә күләгәле әвеслекләр белән урамда йөреп керү мәйданчыклары, физкультура мәйданчыгы булдырылган. Төзекләндерү кысаларында агачлар һәм куаклар утыртылган, газон җәелгән.
Быел Яр Чаллыда тагын ике балалар бакчасын тапшыру планлаштырыла.
Татарстан Республикасы Президенты йөкләмәсе буенча ТР Дәүләт төзелеш күзәтчелеге инспекциясе социаль объектларда эшләрнең сыйфатына аерым игътибар бирә. Рөстәм Миңнеханов «Демография» илкүләм проектын гамәлгә ашыруны аерым контрольдә тота һәм балалар бакчаларында һәм яследә яңа урыннар кертүне тикшерә.
Татарстан Республикасы – илдә яңа балалар бакчалары төзү нәтиҗәсендә мәктәпкәчә белем бирү учреждениеләрендә урыннар җитмәү проблемасын хәл иткән беренче төбәкләрнең берсе. 2010 елдан 2019 елга кадәрПрезидент программаларын гамәлгә ашыру кысаларында 37,5 мең урынга исәпләнгән 239 балалар бакчасы төзелгән.
2020-2021 елларда «Демография» илкүләм проекты кысаларында 49 балалар бакчасы төзү планлаштырылган – шуның аркасында ясле төркемдәге сабыйлар өчен урыннар җитмәү проблемасын республика 2022 елда ук хәл итәргә планлаштыра.
Татарстанның Дәүләт төзелеш күзәтчелеге инспекциясе алдында сыйфатлы материаллар һәм конструкцияләр куллануны тәэмин итү, социаль инфраструктураның мөһим объектларын төзегәндә һәм тапшырганда законнарны бозмау һәм расланган проект документларыннан тайпылышларга юл куймау бурычы тора.
Бүген ТР Дәүләт төзелеш күзәтчелеге инспекциясенең Кама аръягы территориаль органында Төзүчеләр көне уңаеннан хезмәткәрләр хөрмәтләнде. ТР ДТКИ җитәкчесе урынбасары Линар Фатыйхов Инспекция ветераны Светлана Михайловна Видяйкинага «Татарстан АССР төзелүгә 100 ел» истәлекле медален тапшырды.
Линар Фатыйхов Инспекция коллективы исеменнән Светлана Михайловнага күпьеллык намуслы хезмәте, Инспекция үсешенә керткән өлеше өчен рәхмәт белдерде.
Светлана Михайловна 1954 елның 27 февралендә ТАССРның Куйбышев районы, Куралово авылында туган. Төзелеш тармагында ул 1974 елдан бирле эшли. 2002 елдан башлап 2015 елга кадәр ТР ДТК инспекциясенең Кама аръягы территориаль органы (Чистай шәһәрендә) җитәкчесе була, шуннан соң лаеклы ялга киткән.
Светлана Михайловна – югары квалификацияле белгеч һәм компетентлы җитәкче, ул дәүләт төзелеш күзәтчелеге системасында эшләгән чорында катлаулы һәм җаваплы бурычларны хәл итә, Инспекция позицияләрен һәм мәнфәгатьләрен яклый. Күп кенә бүләкләр белән билгеләп үтелгән.