ЯҢАЛЫКЛАР

Татарстан Президенты Рөстәм Миңнеханов 10 майда "Алабуга" МИЗын үстерүгә багышланган киңәшмә үткәрде. Киңәшмәдә, шулай ук, дәүләт  төзелеш күзәтчелек Инспекция башлыгы Василий Кудряшов та катнашты.

“Торак-коммуналь хуҗалыкның эшчәнлеге - халыкның хакимияткә мөнәсәбәтен билгеләүдә мөһим индикатор. Бөтенроссия җәмәгатьчелек фикерен өйрәнү үзәге сораштырулары нәтиҗәләреннән күренгәнчә, торак-коммуналь өлкәдәге вазгыять халык өчен сәламәтлек саклау, мәгарифтән дә алдарак -һәрвакыт беренче позициядә тора”. Бүген “Корстон”да Татарстанда торак-коммуналь хуҗалыкны реформалаштыру программаларының үтәлеше һәм халыкка күрсәтелә торган хезмәтләрнең сыйфатын күтәрү буенча бурычлар билгеләүгә багышланган республика киңәшмәсендә ТР Президенты Рөстәм Миңнеханов шулай дип белдерде. Президент рәислегендә узган киңәшмәдә ТР Премьер-министры Илдар Халиков, Дәүләт Советы рәисе урынбасары Александр Гусев, РФ Төбәкләр үсеше министрлыгының Торак-коммуналь хуҗалык департаменты директоры вазифаларын башкаручы Владимир Мешков, Торак-коммуналь хуҗалыкны реформалаштыруга ярдәм фонды генераль директорының беренче урынбасары Владимир Талалыкин һ.б. катнашты.

Бүген Казанда балаларның “Әкият” мәдәният үзәге тантаналы рәвештә ачылды. Ачылышта ТР Президенты Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советы Рәисе урынбасары Римма Ратникова, ТР Премер-министры урынбасары Зилә Вәлиева, ТР Мәдәният министры Айрат Сибагатуллин, “Әкият” курчак театры директоры Роза Җаббарова һәм башка рәсми затлар катнашты.

Әлеге программага Нурлат муниципаль районыннан 4 гомумбелем бирү мәктәбе һәм коррекцияләүче-интернат мәктәп кертелгән, дип хәбәр итә “Дуслык” газетасы.

2013 елда Казанда XXVII Бөтендөнья җәйге универсиада ярышларын үткәрү өчен 65 спорт объектын файдалану планлаштырыла, аларның 30ы яңа төзелгән, калганнары төзекләндерелгән объектлар. Бу хакта бүген 2013 елгы Универсиадага кадәр 500 көн калу уңаеннан уздырылган брифингта ТР төзелеш, архитектура һәм торак-коммуналь хуҗалык министрлыгының дәүләт программаларын гамәлгә кую бүлеге җитәкчесе Лилия Сафиуллина белдерде.

Гыйнвар аенда Татарстанда 243 мең кв. м. торак тапшырылган, бу еллык бурычның 10 процентын тәшкил итә. Бу хакта бүген ТР Хөкүмәт йортында төзелеш һәм торакны файдалануга тапшыруга, Бөек Ватан сугышы ветераннарын торак белән тәэмин итүгә, гражданнарны авария хәлендәге торактан күчерү буенча адреслы программаны гамәлгә ашыруга багышланган киңәшмәдә ТР төзелеш, архитектура һәм торак- коммуналь хуҗалык министры Ирек Фәйзуллин белдерде.