Республикада гомумбелем бирү йортларын капиталь ремонтлау программасы башланды

Әлеге программага Нурлат муниципаль районыннан 4 гомумбелем бирү мәктәбе һәм коррекцияләүче-интернат мәктәп кертелгән, дип хәбәр итә “Дуслык” газетасы.
Район мәгариф идарәсеннән алынган мәгълүматларга караганда, мәктәпләрдә капиталь ремонтка май айларында гына керешү планлаштырыла. Районда ремонт узачак мәктәпләрдә укучыларны вакытлыча башка биналарга күчерү мөмкинлеге бар. Болай эшләгәндә, балаларның уку процессына бернинди зыян янамый, ди идарә белгечләре.
Мисал өчен, шәһәрнең 8нче урта мәктәбе укучылары вакытлыча үзләре карамагында булган икенче бинага күчереләчәк. Ә Егоркино мәктәбе укучылары өчен авыл мәдәният йорты вакытлыча уку йорты булачак. Иске Чаллы мәктәбенең башлангыч сыйныф укучыларын балалар бакчасына күчерсәк, югары сыйныфлар шулай ук авыл клубында укыячак. Киекледә башлангыч сыйныфлар шулай ук авыл мәдәният йортында, ә өлкән сыйныфлар Кизләү мәктәбенә йөреп укыячак.