ЯҢАЛЫКЛАР

Бүген, 3 июньдә, Татарстан Республикасының Дәүләт төзелеш күзәтчелеге инспекциясе «Салават күпере» микрорайонындагы 8-8 номерлы торак йортка төзелгән капиталь төзелеш объектының проект документациясе таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеш таләпләренә туры килүе турында бәяләмә бирде.

Күпфатирлы йорт Нурихан Фәттах урамы буенча урнашкан. 19 катлы йортның мәйданы 24981,90 кв.метр тәшкил итә. Йөри 425 фатирга исәпләнгән. Төзүче - Татарстан Республикасы Президенты карамагындагы Дәүләт торак фонды. Объект социаль ипотека программасын гамәлгә ашыру кысаларында төзелгән. Якындагы территориядә балалар мәйданчыгы, кече архитектура формалары, ял урыннары булдырылган, яшелләндерү эшләре башкарылган. Проектны гамәлгә ашырганда төзүче тарафыннан физик мөмкинлекләре чикләнгән кешеләр өчен уңайлыклар да исәпкә алынды.

ТР Дәүләт төзелеш күзәтчелеге инспекциясе матбугат хезмәте

ТР Дәүләт төзелеш күзәтчелеге инспекциясенең Көньяк-Көнчыгыш территориаль органы инспекторлары Әлмәт шәһәрендә һәм Азнакай шәһәрендә Тынычлык һәм Бигаш урамында урнашкан 220 урынлы мәктәпкәчә белем бирү оешмалары төзелешенең барышын тикшерделәр.

Әлмәттә ике балалар бакчасы, бер мәктәпкәчә белем бирү учреждениесе буенча дәүләт төзелеш күзәтчелеге алып барыла. Төзелеш план буенча 2019 елның өченче кварталында тәмамланырга тиеш.

ТР Дәүләт төзелеш күзәтчелеге инспекциясе инспекторлары «СОлНЦе» Урта гомуми белем бирү интернат-мәктәбе» муниципаль автономияле мәгариф учреждениесе бинасына өстәмә корпус төзелеше барышын тикшерде.

Объект Казанның Вахитов районындагы Кави Нәҗми урамы, 18 нче йорт буенча урнашкан. Янкорманың мәйданы 2491,3 кв.метр тәшкил итәчәк. Дүрт катлы бинада уку сыйныфлары, аш бүлмәсе, музыка залы урнашачак. Төзелешне план буенча 2020 елның беренче кварталында тәмамланырга тиеш.

Күпфатирлы йорт төзелешен башлау турында хәбәр 2018 елның 5 июлендә алынган. Бина Казан шәһәрендә Бертуган Касыймовлар урамы буенча урнашкан, ул 20-25 катлы, йорт 550 фатирга исәпләнгән, бинаның гомуми мәйданы - 45382 квадрат метр. Хәзерге вакытта объектта монолит тимер-бетон каркас урнаштыру буенча эшләр бара.

Тикшерүләр закон тарафыннан эшләнгән тикшерүләр программасы нигезендә расланган тәртиптә гамәлгә ашырыла. Төзелешне 2021 елның дүртенче кварталында тәмамлау планлаштырыла.

Бүген Татарстан Республикасы Президенты, эш төркеме җитәкчесе Рөстәм Миңнеханов «Россия Федерациясендә торак төзелешен һәм уңайлы шәһәр тирәлеген үстерү турында»гы мәсьәлә буенча Россия Федерациясе Дәүләт Советының эш төркеме нең чираттагы утырышын уздырды.

Утырыш Мәскәүдә үтте.

Утырышны ачып, Рөстәм Миңнеханов искәрткәнчә, эш төркеме бу мәсьәләне шул исәптән Россия Президенты Владимир Путинның Россия Федерациясе Дәүләт Советы президиумының 2019 елның февралендә Казанда узган «Россия Федерациясе субъектлары башкарма хакимият органнарының халыкның тормыш шартларын яхшыртуга һәм уңайлы шәһәр тирәлеген формалаштыруга юнәлгән эше турында»гы мәсьәлә буенча киңәйтелгән утырышы нәтиҗәләре  буенча бирелгән йөкләмәләрен үтәү йөзеннән дә карый.
Бүген эш төркеме әгъзалары быел 1 июльдән торак төзелешендә катнашучыларның, эскроу-счетлар кулланып, проект финанславы системасына күчү мәсьәләсен карады.

Экспертлар фикеренчә, эскроу-счетлар ачып, төзелеш алып баручыларны проект финанславы системасына күчерү темасы бик актуаль.  
Рөстәм Миңнеханов фикеренчә, бүген проект финанславы системасына күчүне оптимальләштерү өчен әлеге ситуация буенча Россия Федерациясе Төзелеш министрлыгы, Россия Федерациясе субъектлары башлыклары белән бергә фикер алышырга кирәк. 

Рөстәм Миңнеханов шулай ук искәрткәнчә, Россия Федерациясе Президенты В.В.Путинның җәмәгатьчелек вәкилләре белән очрашуы йомгаклары буенча (2019 елның феврале) эш төркеменә фикер алышу өчен берничә йөкләмә бирелгән (Пр-754 от 30.04.2019). Аерым алганда, йөкләмәләрнең берсе – экспертлар берлеге вәкилләрен җәлеп итеп, гражданнарның шәһәр тирәлеген үстерүдә катнашулары мөмкинлеген арттыру.   

«Җәмәгать киңлекләрен үстерү темасы бик мөһим», - диде Рөстәм Миңнеханов. Ул хәбәр иткәнчә, Татарстан Республикасында җаваплы ведомстволарга җәмәгать киңлекләрен барлау йөкләмәсе бирелгән. Оптималь форманы билгеләргә, чыгымнарны исәпләп чыгарырга кирәк, диде Рөстәм Миңнеханов.

Моннан тыш, Рөстәм Миңнеханов билгеләп үткәнчә, бүген шулай ук гражданнарга җәмәгать киңлекләрен үстерү өлешендә аңлату эшләре дә алып бару мөһим.

Утырышта Россия Төзелеш һәм торак-коммуналь хуҗалыгы министры урынбасары Максим Егоров, «Банк ДОМ.РФ» АҖ идарәсе рәисе, «ДОМ.РФ» АҖ генераль директоры урынбасары Артём Федорко, Россия Төзелеш һәм торак-коммуналь хуҗалыгы министры урынбасары Никита Стасишин да чыгыш ясады.

ТР Президенты Матбугат хезмәте, Елена Бритвина.

ТР Дәүләт төзелеш күзәтчелеге инспекциясе штатында 2012 елда оештырылган Автоюллар һәм транспорт корылмалары төзелешен һәм үзгәртеп корылышын күзәтү буенча территориаль орган бар.

Эшләгән дәвердә территориаль орган хезмәткәрләре тарафыннан 2019 елның 29 маена 342 объекта дәүләт төзелеш күзәтчелеге башкарыла, алар буенча 2165 акт бирелгән, 751 кисәтү ясалган, 315 ярашлылык турында бәяләмә тапшырылган.

Иң әһәмиятле объектлар:

1. Универсиада – 2013 Объектлары:

- Танковая урамындагы Пушкин урамына кадәрге участокта (4,8 км) автомобиль юлы (хәзер Универсиада проспекты.) Танк боҗрасы мәйданында, Эсперанто һәм Тихомирнов урамнары киселешендәге транспорт чишелеше, Оренбург тракты һәм Ферма шоссесы киселешендәге транспорт төене, Танк боҗрасындагы чишелешкә кушылуын исәпкә алып, аның составына керә;

- Җиңү проспекты һәм Р. Зорге урамы киселешендәге транспорт чишелеше;

- Әмирхан һәм Чистай урамнары киселешендәге транспорт чишелеше;

- Әмирхан урамындагы транспорт чишелеше белән С. Хәким урамын төзү һәм реконструкцияләү (1,35 км);

- Ленин дамбасының гамәлдәге участогын һәм Казансу елгасы аша күперне реконструкцияләү;

- 45000 тамашачыга исәпләнгән футбол стадионына керү юллары;

- Казан шәһәре Вахитов районының Роща Фрунзе урамы төзелеше.

2. Татарстан Республикасы территориясендә гомуми файдаланудагы юлларда юл эшләре программасы буенча төзелеш объектлары:

- «Чаллы шәһәрендә Челнинка елгасы аша Титов урамын реконструкцияләү»;

-ТР Югары Ослан районында М - 7 «Волга» - Иннополис автомобиль юлын төзү; - Яшел Үзән шәһәрендә «Яшел Үзән» станциясенең 758 нче чакрымында тимер юл аша юл үткәргече төзү;

- «Зәй шәһәрендә Алнаш - Бөгелмә тимер юлы аша юл үткәргече»;

- «Казан – Аэропорт» Аэроэкспресс тимер юллары һәм «Казан – Боровое Матюшино» автомобиль юлы кисешкән районда транспорт чишелеше.

3. Төзелеш объектлары, гомуми файдаланудагы автомобиль юллары челтәреннән алып авыл торак пунктларының иҗтимагый әһәмияткә ия объектларына алып баручы каты өслекле автомобиль юлларын төзү һәм реконструкцияләү чараларын гамәлгә ашыруга юнәлдерелгән программа буенча төзелә.

Казан шәһәре һәм Татарстан Республикасы буенча автомобиль юллары, транспорт чишелешләре, юл үткәргечләре, күперләр, җир өсте һәм җир асты җәяүлеләр кичүләре төзегәндә һәм реконструкцияләгәндә төбәк дәүләт төзелеш күзәтчелеген гамәлгә ашыру территориаль Дәүләт төзелешен күзәтүне тормышка ашыру төп бурыч булып тора. Төбәк дәүләт төзелеш күзәтчелеген гамәлгә ашыру барышында ачыкланган иң еш торган кагыйдә бозулар: заказчы тарафыннан төзелеш контролен тиешенчә башкармау; төзелеш нормаларын һәм кагыйдәләрен, эшләрне җитештерү технологияләрен бозу; асфальт-бетон катламының түбән һәм югары катламнарын сыйфатсыз урнаштыру, калынлыгы булмау; башкарма документларны ТР ДТК инспекциясенә тулы күләмдә тапшырмау.

2017, 2018 елларда хезмәткәрләр республика Президенты Р.Н.Миңнеханов күрсәтмәсе нигезендә «Имин һәм сыйфатлы юллар», «Моношәһәрләрне үстерү фонды», «Гражданнарның бакчачылык, яшелчәчелек һәм дача коммерцияле булмаган берләшмәләренә керү юллары», «Автомобиль юлларын һәм ясалма корылмаларны ремонтлау», «Җирле әһәмияттәге гомуми файдаланудагы юлларда юл эшләре муниципаль программасын гамәлгә ашыру»программалары буенча юл эшләрен җитештерү технологиясен контрольдә тотты.

ТР Дәүләт төзелеше күзәтчелеге инспекциясе матбугат хезмәте

ТР Дәүләт төзелеш күзәтчелеге инспекциясе Түбән Кама шәһәренең 35а микрорайонында урнашкан халыкка хезмәт күрсәтү объекты төзелешен тикшерүне төгәлләде.

Өч катлы бинаның гомуми мәйданы 853,9 кв. метр тәшкил итә. Тикшерү күрсәткәнчә, барлык эшләр дә экспертиза узган проект документациясе нигезендә башкарылган. Дәүләт төзелеш күзәтчелеге расланган тикшерүләр программасы кысаларында тормышка ашырылды.  Объектны финанслау төзүче хисабына башкарылды.

Татарстан Дәүләт төзелеш күзәтчелеге инспекциясенә торак булмаган биналарга салынган күп катлы паркинг төзелешен башлау турында хәбәр килде.

Объект Казан шәһәре Совет районының Мамадыш тракты урамында урнашкан. Шулай ук проект буенча бинада Административ һәм хуҗалык бүлмәләре дә каралган. Объектның гомуми мәйданы 30945 кв. метр тәшкил итәчәк. 
Төзелеш план буенча 2020 елның икенче кварталында тәмамланырга тиеш.

ТР Дәүләт төзелеш күзәтчелеге инспекциясе хезмәткәрләре төзелеш тармагын проектлы финанслауга күчү сораулары буенча киңәйтелгән киңәшмәдә катнашты. Киңәшмә ТР Төзелеш министрлыгында үтте. Утырышта шулай ук банк вәкилләре, төзүчеләр һәм өлешләп төзү өлкәсендә контроль (күзәтчелек) буенча вәкаләтле органнар катнашты. Чыгыш барышында министр урынбасары Илшат Гимаев, төзүчеләргә мөрәҗәгать итеп белдергәнчә, закон белән билгеләнгәнчә, 2019 елның 1 июленнән гражданнарның өлешле торак төзү өчен акча җәлеп итү бары тик эскроу счетларыннан файдаланып кына рөхсәт ителә. Әлеге кагыйдәләрдән төшереп калдыру Хөкүмәт тарафыннан билгеләнгән критерийларга туры килә торган күп фатирлы йортлар өчен генә билгеләнгән. «Мондый проектлар өчен төп параметрлар төзелеш әзерлек дәрәҗәсенең 30% ы һәм өлешле төзелештә катнашу килешүләренең 10% тан да ким булмаган өлеше булачак. Биредә объектларның төзелеш әзерлеге дәрәҗәсен раслау кирәк.
Татарстан Президенты Рөстәм Миңнеханов республика территориясендә бу эш кадастр инженерларына йөкләнәчәк, шул исәптән БТИ көчләрен җәлеп итеп», - дип аңлатты спикер. – Россия Төзелеш Министрлыгының «Төзелеш проектының әзерлеге турында гариза формасын раслау турында» боерыгы Хөкүмәт Карары нигезендә әзерләнгән иҗтимагый фикер алышулар узды. Ул Россиянең Юстиция министрлыгына килештерүгә җибәрелгән инде, һәм без аны якын көннәрдә теркәүне көтәбез».

ТР Төзелеш министрлыгы материаллары буенча

ТР Дәүләт төзелеше күзәтчелеге инспекциясе инспекторлары «Мәләкәс» микрорайонында балалар бакчасын тикшерде. Объект Яр Чаллы шәһәренең 20 нче микрорайонында урнашкан. 
Ике катлы балалар бакчасының гомуми мәйданы 3373 кв.метр тәшкил итә, ул 220 балага исәпләнгән. Проект буенча ике катлы мәктәпкәчә белем бирү учреждениесендә уен һәм физкультура мәйданчыклары, йокы бүлмәләре, азык - төлек блогы һ.б. планлаштырылган. Төзелеш план буенча 2019 елның өченче кварталында тәмамланырга тиеш.
Хәзерге вакытта Яр Чаллыда күзәтүләр 6 мәктәпкәчә белем бирү учреждениесендә гамәлгә ашырыла. «Замелекесье» микрорайонында, ЗЯБ бистәсендә һәм Яңа шәһәрдә яңа балалар бакчалары төзелә.