ЯҢАЛЫКЛАР

Өлешләп төзү турындагы законнарны камилләштерүгә юнәлдерелгән закон проекты РФ Дәүләт Думасына кертелде. Россия Хөкүмәтенең тиешле әмернамәсе 15 декабрьдә Министрлар Кабинеты сайтында бастырып чыгарылды. Закон проекты РФ Төзелеш һәм торак-коммуналь хуҗалык министрлыгы тарафыннан эшләнгән.

Документ нигезендә гамәлдә булган өлешләп төзү турындагы законнарга үзгәрешләр кертү планлаштырыла һәм ул өлешләп төзүдә катнашучыларның хокукларын яклауга юнәлдерелгән.

Аерым алганда, закон проектында гражданнарның акчаларын җәлеп итеп төзүчеләрнең мәгълүмати яктан ачык булуын тәэмин итү, шулай ук мондый компанияләрнең Бердәм электрон реестрын алып бару күздә тотыла.

Шулай ук закон проекты белән төзүчеләргә карата, шул исәптән аларның хосусый капиталының күләменә карата да таләпләрне катгыйландыру һәм өлешләп төзүдә катнашучыларның акчаларын максатчан куллануны кертү планлаштырыла. Шул ук вакытта өлешләп төзү өлкәсендә дәүләт контроле (күзәтчелеге) өчен җаваплы булган РФ башкарма хакимияте органнары төзүче тарафыннан акчаларны максатчан куллануны контрольдә тотуны көчәйтүдә тагын да күбрәк вәкаләтләр алачак.

Өлешләп төзүдә катнашучыларның хокукларын тәэмин итү буенча альтернатив чара буларак документ граждан-соинвесторларның акчалары урнаштырылачак эскроу счетларын ачып, төзелешне банк тарафыннан проект финанславы механизмнарыннан файдалану мөмкинлеген билгеләячәк.

Россиянең Төзелеш министрлыгы

Халыкара инвалидлар көненә багышланган декада кысаларында ТР Дәүләт төзелешен күзәтү инспекциясендә сәламәтлекләре буенча мөмкинлекләре чикләнгән кешеләргә социаль ярдәм итүгә юнәлдерелгән чаралар үткәрелде, аларның проблемаларына игътибар юнәлтелде.

Капиталь төзелеш объектларын төзү һәм реконструкцияләү барышына республика күләмендә дәүләт төзелеш күзәтчелеген башкарганда Татарстан Республикасы шәһәрләрендә һәм районнарында социаль-мәдәни һәм торак-көнкүреш объектларына мөмкинлекләре чикле кешеләрнең каршылыксыз үтеп керә алуын тәэмин итү өчен шартлар тудыру таләпләренең үтәлешенә аеруча зур игътибар бирелде.

Шулай ук ТР ДТКИ барлык территориаль органнарында хәйрия акцияләре үткәрелде, өлкәннәр һәм балалар өчен әдәби китаплар җыелды. Китаплар, шулай ук татлы бүләкләр “Кояшкай” (Чаллы ш.) мөмкинлекләре чикле балалар һәм яшүсмерләр өчен тернәкләндерү үзәгенә,  Чаллыдагы өлкәннәр һәм инвалидлар өчен интернат-йортка, Түбән Кама районы һәм шәһәренең “Инвалид балаларның ата-аналары һәм опекуннары ассоциациясе” иҗтимагый оешмасына, Дәрвишләр бистәсендәге балалар йорты-интернатына тапшырылды.

“Россия гаиләсе өчен торак” программасын тормышка ашыру вакыты 2017 елның 31 декабренә кадәр озайтылды. Тиешле үзгәрешләр Хөкүмәтнең 404 номерлы Карарына кертелде.  Бу турыда 11 декабрьдә Россия Федерациясенең Төзелеш, торак-коммуналь хуҗалык министры Михаил Мень Ульян өлкәсендәге эш сәфәре вакытында хәбәр итте.

Татарстан Республикасында, ТР буенча Дәүләт хезмәт инспекциясе мәгълүматларына караганда, 2015 елның январь-декабрь айларында 44 бәхетсезлек очрагы булган, шул исәптән 28 - авыр имгәнү, 16 - үлемгә китергән. Бу хакта ТР Хөкүмәте Йортында узган республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.

Киңәшмәне видеоконференцэлемтә режимында ТР муниципаль районнары белән Татарстан Республикасы Президенты Рөстәм Миңнеханов үткәрде, киңәшмә эшендә шулай ук ТР Премьер-министры Илдар Халиков катнашты.

Бүген идарә башлыгы Василий Кудряшов рәислегендәге Татарстанның Дәүләт төзелешен күзәтү инспекциясендә Ришватчелеккә каршы комисиянең утырышы булды. Чара җирле органнар җитәкчелеге белән видеоконференция рәвешендә узды. Василий Кудряшов сүзләренчә, Инспекция хезмәткәрләренең һәр гамәле ачык һәм үтә күренмәле булырга, ә бирелгән боерыклар исемлеге, инспекторлар тарафыннан тикшерү нәтиҗәләре рәсми сайтта вакытында урнаштырылырга тиеш.

Ришвәтчелеккә каршы көрәш максатыннан Инспекциядә инспекторлар тарафыннан “Дәүләт төзелеш нормаларын  (ДТН) һәм муниципаль контрольне гамәлгә ашырганда юридик затларның һәм эшмәкәрләрнең хокукларын яклау турында” Федераль законны үтәүне, ДТН регламентын үтәүне, тиешле документлар барлыгын контрольдә тотучы һәм ДТН узганда хезмәттәге затларның эшчәнлегендә бозулар ачыклаучы “мобиль сектор” булдырылган. Ришвәтчелек очракларын кисәтү өчен утырышта Ведомство бүлегендә эчке контроль системасын булдырырга карар кабул иттеләр. Ул документларның дөреслеген, шулай ук төзелеш күзәтчелеген уздырганда хезмәттәге затларның намуслылыгын тикшерәчәк.

 Бүген Казанда "Салават күпере" торак комплексының беренче йорты файдалануга тапшырылды. Өй туйлары үткәрүчеләрне котларга Татарстан Президенты Рөстәм Миңнеханов, Казан мэры Илсур Метшин, "ТР Президенты карамагындагы Дәүләт торак фонды" башкаручы директоры Тәлгать Абдуллин, "ТАИФ" ААҖ генераль директоры Альберт Шиһабетдинов килде.

"Бүген безнең башкала тормышында бик зур вакыйга - "Салават күпере" яңа микрорайонының беренче йортын ачабыз. Республика җитәкчеләре һәм ТР Президентына рәхмәт белдерәсем килә. Күптән күгел генә без Казанны зурайтырга кирәк дип уйлаштык. Ә бүген беренче йортка өй туена килдек. Бу бик зур эш, зур микрорайон һәм Казан халкы өчен яңа бәхет", - диде Казан мэры Илсур Метшин. Ул микрорайонны төзүдә катнашкан барча кешегә рәхмәт белдерде.

2015 елның 14 декабрендә 12.00 сәгатьтән башлап 20.00 сәгатькә кадәр, Россия Федерациясе Президенты йөкләмәсе нигезендә, дәүләт хакимияте һәм җирле үзидарә органнарында Россия күләмендә гражданнар кабул ителә.Татарстан Республикасының Дәүләт төзелешен күзәтү инспекциясендә кабул итү эшләре Казан ш., З. Кызыл ур, 15/9 адресы буенча башкарылачак.
Проект документлары экспертизага тиешле капиталь төзелеш объектлары төзелешендә, үзгәртеп корылышында дәүләт төзелеш күзәтчелеген башкаруга бәйле мәсьәләләрне хәл итү, гамәлдә булган законнар нигезендә, Татарстан Республикасының Дәүләт төзелешен күзәтү инспекциясе вәкаләтләренә карый.
Кабул итү алдан язылмыйча үткәрелә.

 

3 катлы, 384 урынга исәпләнгән балалар бакчасы ТР Дәүләт төзелешен күзәтү инспекциясеннән төзелгән, үзгәртеп корылган капиталь төзелеш объектының техник регламентларның (нормаларның һәм кагыйдәләрнең), башка норматив-хокукый актларның һәм проект документларының таләпләренә, шул исәптән энергетика нәтиҗәлелегенә карата таләпләргә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителешенә карата таләпләргә туры килүе турында ярашлылык бәяләмәсе алды. Яңа мәктәпкәчә белем бирү оешмасы Казан шәһәренең Идел буе районында, Горки-III торак массивындагы 16А номерлы микрорайонда урнашкан, объектның гомуми мәйданы - 5508 квадрат метр, мәкәтәпкәчә белем бирү учреждениесенең төзүчесе - "Тандем-Д" ҖЧҖ.

Татарстан Республикасының дәүләт төзелешен күзәтү инспекциясе коррупцияне барлыкка китерә торган сәбәпләрне һәм шартларны бетерү буенча даими эш башкара.

Инспекциядә коррупциягә каршы көрәш чаралары ТР Министрлар Кабинеты карары белән расланган 2015-2020 елларга коррупциягә каршы программа нигезендә оештырылды.

Казан шәһәренең Идел буе районында Оренбург тракты урамы буенча Торак йортлар һәм инфраструктура объектлары комплексы составына керүче (төзелешнең 2 нче чираты) торак булмаган биналары кертеп төзелгән 3 һәм 4 номерлы торак йортлар ТР Дәүләт төзелешен күзәтү инспекциясеннән төзелгән, үзгәртеп корылган капиталь төзелеш объектының техник регламентларның (нормаларның һәм кагыйдәләрнең), башка норматив-хокукый актларның һәм проект документларының таләпләренә, шул исәптән энергетика нәтиҗәлелегенә карата таләпләргә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителешенә карата таләпләргә туры килүе турында ярашлылык бәяләмәсе алды. Бу объектларны төзүче – “Грань” ҖЧҖ, торак булмаган биналары кертеп төзелгән 3 номерлы йортның гомуми мәйданы –  14541 кв.м., 4 номерлы йортныкы – 17095 кв.м.