ЯҢАЛЫКЛАР
Татарстан Республикасында 2016 елның 29 апреленә 771,1 мең кв. метр торак сафка кертелгән, бу узган елның шул ук чорына карата 101,6 % тәшкил итә.
Бу хакта бүген ТР Хөкүмәте Йортныда узган республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.
Киңәшмәне видеоконференция режимында бөтен муниципаль районнар белән Татарстан Республикасы Президенты Рөстәм Миңнеханов уздырды. Киңәшмә эшендә шулай ук Татарстан Республикасы Премьер-министры Илдар Халиков катнашты.
29 арпельгә социаль ипотека программасы буенча гомуми мәйданы 95,3 мең кв. метрлык 54 йотр сафка кертелгән, анда 1 мең 683 фатир була. Программа буенча төзелүче объектларның әзерлеге югары дәрәҗәдәгеләре - 90 объект, уртача әзерлектә - 23 объект, әзерлеге түбән дәрәҗәдә - 5 объект.
Арендалы торак төзү программасы кысаларында 2016 елда гомуми мәйданы 50,1 мең кв. метрлык 32 торак йорт төзү планлаштырыла. Алардан бүгенге көнгә төзелеш-монтаж эшләре 12 объектта тәмамланган (Лаеш районында - 9, Иннополиста - 3), бер объектта территорияне төзекләндерү эшләре бара (Теләче районы), 19 объектта эчке төзекләндерү эшләре бара (Әлки районы - 8, Иннополис - 9, Алабуга районы - 1, Мамадыш районы - 1).
Биш һәм аннан артык күп балалы гаиләләрне торак белән тәэмин итү кысаларында 30 арпель көненә сертификатлар 39 күп балалы гаиләгә теркәлгән.
Күп фатирлы инвестиция торакларын төзү программасы буенча план - 99 йорт. Аларның 35 сафка кертелгән. Калган 64 күп фатирлы йорттан әзерлеге югары дәрәҗәдәгеләре - 21 йорт, уртача дәрәҗәдә - 28 йорт, түбән дәрәҗәдә - 15 йорт.
Полиция участок вәкилләренә торак төзү программасы буенча 2016 елда 18 административ-торак комплексын төзү планлаштырыла, шуларның унҗидесендә төзү-монтаж эшләре башланган.
Ирек Фәйзуллин "Авыл клублары" программасын гамәлгә ашыру турында да хәбәр итте. 2016 елның 29 апреленә 45 объектта эшләр бара. 3 объектта нигез салу эшләре бара (Баулы, Алабуга, Зеленодольск районнары), корылма эшләре 15 объектта бара (Азнакай, Әлки, Балтач, Бөгелмә, Лениногорск, Мамадыш, Яңа Чишмә, Нурлат, Саба, Сарман, Теләче, Чирмешән, Ютазы районнары, Чаллы , Казан шәһәрләре), түбәне кору эшләре 17 объектта бара (Әгерҗе, Әлмәт, Арча, Әтнә, Буа, Биек Тау, Югары Ослан, Кама Тамагы, Лаеш, Менделеевск, Минзәлә, Мөслим, Түбән Кама, Питрәч, Балык Бистәсе, Спас, Тукай районнарында), эчке төзекләндерү эшләре 11 объектта (Аксубай, Актаныш, Әлки, Апас, Чүпрәле, Зәй, Кайбыч, Кукмара, Тәтеш, Чистай районнары, Казан шәһәре).
Ирек Фәйзуллин әлеге объектларда эшләрне план буенча алып барырга өндәде.
ТР Төзелеш министрлыгы башлыгы шулай ук ветеринар пуктларны төзү, ветеринар берлекләрне һәм авыл хуҗалыгы идарәләрен төзекләндерү турында хәбәр итте.
29 апрель көнне участок ветеринар пунктларны төзү кысаларында 28 районда 32 нигез монтажланган, 22 районда 26 объект өчен инженер челтәрләре әзерләнгән, 17 районда төзелеш мәйданчыкларына 19 модуль китерелгән, 7 районда 8 модуль җыелган.
ТР Президенты Матбугат хезмәте, Елена Бритвина.
Бүген Татарстан Республикасы Президенты Рөстәм Миңнеханов «Алабуга» махсус икътисадый зонасы резидент компанияләренең төзелүче предприятиеләрендә булды. Аны «Алабуга» МИЗ генераль директоры Тимур Шаһивәлиев озата йөрде. Татарстан Республикасы Президенты KASTAMONU заводының икенче чиратының һәм «Драйлок» Бельгия компаниясенең яңа заводының төзелеше белән танышты.
«Алабуга»да KASTAMONU заводында МДФ-панельләр җитештерүне киңәйтү турында 2014 ел азагында компания җитәкчелеге карар кабул иткән иде. Төзелеш 2015 елның язында башланды, 2016 елның мартында яңа линиядә эшләтеп җибәрү эшләре башланды. Төзелешкә инвестицияләр күләме 250 млн. доллар тәшкил итә, җитештерү күләме елына 485 мең куб метр МДФ-панель булачак.
«Драйлок» Бельгия компаниясе «Алабуга»да хатын-кызлар, балалар һәм йөри алмаучы кешеләр өчен санитар-гигиеник сеңдергеч эшләнмәләр җитештерү заводы төзи.
2013 елның III кварталыннан алып 2014 елның III кварталына кадәр җир кишәрлеге әзерләнгән, фундамент эшләре тәмамланган, әмма компания җитәкчелеге белдергәнчә, финанслау катлаулылыгы аркасында объект төзелеше туктатып торылган.
2015 июлендә «Драйлок Технолоджиз», Россия базарындагы потенциалны һәм перспективаларны бәяләп, завод төзелешен торгызу турында карар кабул итте, һәм туктап торучы төзелеш яңадан җанланып китте. Август аенда Рөстәм Миңнеханов катнашында завод төзелешен яңартып җибәрү тантанасы узды, бүген исә Татарстан Республикасы Президентына төзелгән цехны күрсәттеләр, анда җайланмалар монтажлана башлаячак. Инвестицияләр күләме – 1,16 млрд. сум, җитештерүне 2016 елның июлендә башларга җыеналар.
"Алабуга" МИЗ Матбугат хезмәте.
Бөгелмәдә 58-фатирлы торак йорт ТР Дәүләт төзелешен күзәтү Инспекциясеннән төзелгән, үзгәртеп корылган капиталь төзелеш объектының техник регламентларның (нормаларның һәм кагыйдәләрнең), башка норматив-хокукый актларның һәм проект документларының таләпләренә, шул исәптән энергетика нәтиҗәлелегенә карата таләпләргә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителешенә карата таләпләргә туры килүе турында ярашлылык бәяләмәсе алды. Торак йортны төзүче ОАО КАВАГ Төзелеш конструкцияләре заводы”, объектның гомуми мәйданы – 1516,9 квадрат метр.
Татарстан Республикасында 2016 елның 29 апреленә 771,1 мең кв. метр торак сафка кертелгән, бу узган елның шул ук чорына карата 101,6 % тәшкил итә.
Бу хакта бүген ТР Хөкүмәте Йортныда узган республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.
Киңәшмәне видеоконференция режимында бөтен муниципаль районнар белән Татарстан Республикасы Президенты Рөстәм Миңнеханов уздырды. Киңәшмә эшендә шулай ук Татарстан Республикасы Премьер-министры Илдар Халиков катнашты.
29 арпельгә социаль ипотека программасы буенча гомуми мәйданы 95,3 мең кв. метрлык 54 йотр сафка кертелгән, анда 1 мең 683 фатир була. Программа буенча төзелүче объектларның әзерлеге югары дәрәҗәдәгеләре - 90 объект, уртача әзерлектә - 23 объект, әзерлеге түбән дәрәҗәдә - 5 объект.
Арендалы торак төзү программасы кысаларында 2016 елда гомуми мәйданы 50,1 мең кв. метрлык 32 торак йорт төзү планлаштырыла. Алардан бүгенге көнгә төзелеш-монтаж эшләре 12 объектта тәмамланган (Лаеш районында - 9, Иннополиста - 3), бер объектта территорияне төзекләндерү эшләре бара (Теләче районы), 19 объектта эчке төзекләндерү эшләре бара (Әлки районы - 8, Иннополис - 9, Алабуга районы - 1, Мамадыш районы - 1).
Биш һәм аннан артык күп балалы гаиләләрне торак белән тәэмин итү кысаларында 30 арпель көненә сертификатлар 39 күп балалы гаиләгә теркәлгән.
Күп фатирлы инвестиция торакларын төзү программасы буенча план - 99 йорт. Аларның 35 сафка кертелгән. Калган 64 күп фатирлы йорттан әзерлеге югары дәрәҗәдәгеләре - 21 йорт, уртача дәрәҗәдә - 28 йорт, түбән дәрәҗәдә - 15 йорт.
Полиция участок вәкилләренә торак төзү программасы буенча 2016 елда 18 административ-торак комплексын төзү планлаштырыла, шуларның унҗидесендә төзү-монтаж эшләре башланган.
Ирек Фәйзуллин "Авыл клублары" программасын гамәлгә ашыру турында да хәбәр итте. 2016 елның 29 апреленә 45 объектта эшләр бара. 3 объектта нигез салу эшләре бара (Баулы, Алабуга, Зеленодольск районнары), корылма эшләре 15 объектта бара (Азнакай, Әлки, Балтач, Бөгелмә, Лениногорск, Мамадыш, Яңа Чишмә, Нурлат, Саба, Сарман, Теләче, Чирмешән, Ютазы районнары, Чаллы , Казан шәһәрләре), түбәне кору эшләре 17 объектта бара (Әгерҗе, Әлмәт, Арча, Әтнә, Буа, Биек Тау, Югары Ослан, Кама Тамагы, Лаеш, Менделеевск, Минзәлә, Мөслим, Түбән Кама, Питрәч, Балык Бистәсе, Спас, Тукай районнарында), эчке төзекләндерү эшләре 11 объектта (Аксубай, Актаныш, Әлки, Апас, Чүпрәле, Зәй, Кайбыч, Кукмара, Тәтеш, Чистай районнары, Казан шәһәре).
Ирек Фәйзуллин әлеге объектларда эшләрне план буенча алып барырга өндәде.
ТР Төзелеш министрлыгы башлыгы шулай ук ветеринар пуктларны төзү, ветеринар берлекләрне һәм авыл хуҗалыгы идарәләрен төзекләндерү турында хәбәр итте.
29 апрель көнне участок ветеринар пунктларны төзү кысаларында 28 районда 32 нигез монтажланган, 22 районда 26 объект өчен инженер челтәрләре әзерләнгән, 17 районда төзелеш мәйданчыкларына 19 модуль китерелгән, 7 районда 8 модуль җыелган.
ТР Президенты Матбугат хезмәте, Елена Бритвина.
Бүген Татарстан Республикасы Президенты Рөстәм Миңнеханов Казанның тарихи үзәген йөреп чыкты.
Рөстәм Миңнехановны ТР Президенты ярдәмчесе Олеся Балтусова, ТР Президенты аппараты җитәкчесе Әсгать Сәфәров, ТР төзелеш, архитектура һәм ТКХ министры Ирек Фәйзуллин, ТР мәдәният министры Айрат Сибагатуллин, Татарстан Республикасы прокуроры Илдус Нәфыйков, Казанның баш архитекторы Татьяна Прокофьева һәм башкалар озата йрде.
Төп юл Островский урамы аша үтте.
Татарстан Президентына тәкъдим ителгән беренче объект - Островский урамы, 100 адресындагы территория (элекке биредә икмәк заводы урнашкан булган). Монда күп функцияле комплекс төзү планлаштырыла, офис бүлмәләре, эчке ишек алды, 240 автомобильлек паркинг һәм яшеллек зонасы булачак. Проект 2015 елның көзендә комиссиягә тәкъдим ителгән иде инде. Бүген төзәтмәләр кертеп тәкъдим ителә.
Рөстәм Миңнеханов проектны хуплады.
Шуннан иске обряд чиркәвен карадылар. Бина - региональ (республика) дәрәҗәдә шәһәр төзелеше һәм архитектура һәйкәле. Казан Мәрьәм ана гыбадәтханәсе 1906-1910 елларда Иван Семенович Гребенщиков сәүдәгәр акчасына төзелгән булган. Бина модерн стилендә төзелгән һәм хәзерге вакытта начар хәлдә. Объект хуҗасы - Россия Сәламәтлек министрлыгының Казан дәүләт медицина университеты. Объект турында КДМУ ректоры А.Созинов сөйләде.
Аннары региональ дәрҗәдәге мәдәни мирас объекты тәкъдим ителде - "1928-1942 елларда татар әдәбияты классигы, язучы Шәриф Камал яшәгән йорт" (Островский ур., 15).
Йорт 1908 елда төзелгән: ике катлы Көнбатыш Европа барокко стилендә. Икенче каты бай бизәлгән, тышкы яктан аркалы тәрәзәләр белән бизәлгән. Хәзерге вакытта бу бина - ТР Милли музее филиалы.
Йорт кулланышта түгел 2008 елдан ябык һәм ремонт таләп итә.
Шәриф Камал яшәгән фатирда мемориаль экспозиция ясалачак, ә алга таба йорт әдәби музей була дип көтелә. Татар әдәбияты тарихы музее концепциясе заманча таләпләргә туры килә һәм республика җәмәгатьчелегенә һәм халыкка берничә кат тәкъдим ителгән иде инде. Аның турында музей белән идарә итүче Альбина Әбсәләмова Рөстәм Миңнехановка сөйләгән иде инде, ТР Президенты аны раслады.
Соңгысы Шщрык клубы бинасы булды (XIX гасыр ахыры, Сәүдәгәрләр җыелышы) - Яшь тамашачы театры (Островский ур., 10). Бина унтугызынчы-егерменче гасырлар арасында төзелгән. 1917 елда биредә Татар мәдәнияты йорты (Шәрык клубы) ачылган. 1922-1924 елларда бина театр өчен үзгәртелгән - сәхнәсе киңәйтелгән, артист бүлмәләре ясалган һәм башкалар. Бинаның беренчел бизәлеше сакланмаган.
Театр бинасы 1995 елда яна, һәм шул ук елда төзекләндерелә башлый. Беренче чират ремонт эшләре 2001 елда тәмамлана.
Рөстәм Миңнехановка 2000 нче елларда эшләнгән икенче чират төзелеше проектын тәкъдим иттеләр.
Нәтиҗәдә Рөстәм Миңнеханов берничә йөкләмә бирде, шул исәптән Шәриф Камал йортын реставрацияләү буенча документлар әзерләү, Казан Яшь тамашачылар театры бинасын ремонтлауның проект документарын әзерләү. Меркулов йортына, Рөстәм Миңнеханов фикеренчә, инвестор табу кирәк.
Казанны тәртипкә китерү зарури, диде Рөстәм Миңнеханов, бу безнең шәһәребез, һәм аның тышкы кыяфәте белән шөгыльләнергә кирәк.
ТР Президенты Матбугат хезмәте, Елена Бритвина.
Бүген Чаллыда "Мастер" Кама индустриаль паркы территориясендә суыткыч җиһазларын җитештерүче "Хайер" заводын тантаналы ачу чарасы үтте. Чарада Татарстан Республикасы Президенты Рөстәм Миңнеханов, Россия Федерациясе Президентының Идел буе федераль округындагы Тулы вәкаләтле вәкиле Михаил Бабич, ТР Премьер-министры Илдар Халиков, «Хайер» корпорациясе президенты Лян Хайшань, Чаллы мэры Наил Мәһдиев, республика министрлыклары һәм ведомстволары вәкилләре катнашты.
Михаил Бабич сәламләү сүзендә билгеләгәнчә, Татарстан бүген - Россия Федерациясенең алдынгы субъектларының берсе, ул инвестицияләр җәлеп итүдә һәм сәнәгать сешендә лидер.
"Бүген Россия өчен истәлекле көн: Татарстанга дөньяда танылган компания эшли башлый. Республика җитәкчелеге һәм шәхсән Рөстәм Миңнеханов зур эш башкарып чыктылар", - диде ул.
РФ Президентының ИФОдагы Тулы вәкаләтле вәкиле сүзләренчә, "Хайер" компаниясе суыткычлар производствосын һәм сатуны тулысынча Россиядә локальләштерергә һәм шулай ук телевизорлар җыерга планлаштыра.
Рөстәм Миңнеханов "Хайер" компаниясе җитәкчелегенә килешүдә каралган бурычларны үтәүләре, вакытында һәм төгәл эшне тәмамлаулары өчен рәхмәт белдерде.
"Бу эшнең башы гына әле. Биредә чыгарылачак заманча суыткычларга Россия базарында ихтыяҗ бар. Кер юу машиналары да, телефоннар да, су җылыткычлар да - "Хайер" компаниясе чыгаручы төрле продукция Россиядә сатып алучысын табар", - дип ышандырды ул.
«Хайер» корпорациясе президенты Лян Хайшань Татарстан җитәкчелегенә проектны гамәлгә ашыруда актив ярдәм итүе өчен рәхмәт белдерде.
Шуннан Рөстәм Миңнеханов, Михаил Бабич һәм Лян Хайшань производствосын тантаналы рәвештә эшләтеп җибәрделәр.
ТР Президенты Матбугат хезмәте, Булат Низамиев.
Россия Федерациясе Президенты Владимир Путин бүген Казанга эш сәфәре кысаларында Татарстан Республикасы Арбитраж судының яңа бинасын карады.
Владимир Путинны РФ Президентының ИФО дагы Тулы вәкаләтле вәкиле Михаил Бабич, Татарстан Республикасы Президенты Рөстәм Миңнеханов, ТР Арбитраж суды рәисе Николай Новиков һәм башкалар озата йөрде.
ТР Арбитраж судының яңа бинасын Казанда Яңа Комлы урамында 2013 елда төзи башладылар.
ТР Арбитраж судының рәисе Николай Новиков кунакларга яңа бинаны күрсәтте һәм ведомство эшчәнлеге турында сөйләде, гомуми зонаны, суд залларын, башка эш бүлмәләрен күрсәтте. Ул шулай ук хәбәр иткәнчә, суд залларында заманча җиһазлар урнаштырылган, бу суд утырышларын видеоконференцэлемтә һәм видео-язмаларны файдаланып уздырырга мөмкинлек бирә.
Россия Президенты шулай ук гаризмаларны кабул итү терминалы эше белән танышты.
Владимир Путинга яңа бинаның заман таләпләренә җавап биргәне һәм мөмкинлекләре чикләнгән кешеләргә дә шартлар булганы турында хәбәр иттеләр.
РФ Президенты, үз чиратында, билгеләгәнчә, Арбитраж судының төп бурычы - законлылыкны үтәү һәм гадел карарлар кабул итү.
14 апрельдә Татарстан Республикасы Арбитраж суды бинасы ТР Дәүләт төзелешен күзәтү Инспекциясеннән төзелгән, үзгәртеп корылган капиталь төзелеш объектының техник регламентларның (нормаларның һәм кагыйдәләрнең), башка норматив-хокукый актларның һәм проект документларының таләпләренә, шул исәптән энергетика нәтиҗәлелегенә карата таләпләргә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителешенә карата таләпләргә туры килүе турында ярашлылык бәяләмәсе алды.
2016 елның 3 ае эчендә (гыйнвар, февраль, март) ТР дәүләт төзелешен күзәтү Инспекциясе хезмәткәрләре төзелеш объектларында 743 тикшерү уздырды, алар нәтиҗәсендә 249 административ хокук бозу ачыкланган, 4,98 млн. Сумга штраф салынган. Барлыгы, Татарстан Республикасы Дәүләт төзелешен күзәтү Инспекциясе 2016 елда күзәтчелеген 1033 объектта гамәлгә ашыра. 59 торак төзелеше ТР Дәүләт төзелешен күзәтү Инспекциясеннән төзелгән, үзгәртеп корылган капиталь төзелеш объектының техник регламентларның (нормаларның һәм кагыйдәләрнең), башка норматив-хокукый актларның һәм проект документларының таләпләренә, шул исәптән энергетика нәтиҗәлелегенә карата таләпләргә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителешенә карата таләпләргә туры килүе турында ярашлылык бәяләмәсе алды.
Татарстан Республикасында 2016 елның 15 апреленә 666,9 мең кв. м.торак файдалануга тапшырылган, бу үткән елның шул чорына карата 108% тәшкил итә. Бу хакта бүген Татарстан Республикасы төзелеш, архитектура һәм ТКХ министры Ирек Фәйзуллин Татарстан Республикасы Хөкүмәте Йортында узган республика киңәшмәсендә хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министрының беренче урынбасары Алексей Песошин да катнашты.
Ирек Фәйзуллин хәбәр иткәнчә, социаль ипотека программасы буенча 15 апрельгә 72,3 мең кв. метр мәйданлы 52 йорт гамәлгә кертелгән (1 мең 283 фатирлык).
2016 елда аренда торагы программасы кысаларында гомуми мәйданы 50,1 мең кв. м булган 32 торак йортны гамәлгә кертү планлаштырыла, диде Татарстан Республикасы төзелеш, архитектура һәм ТКХ министры. Шулардан 12 объектта төелеш-монтаж эшләре тәмамланган (Лаеш районында - 9, Иннополиста - 3), бер объектта территорияне төзекләндерү дәвам итә (Теләче районы), 18 объектта эчке эшләр бара (Әлки районы - 8, Иннополис - 9, Алабуга районы - 1). Моннан тыш, бер объектта санитар-техника эшләре бара, тәрәзә блоклары куела (Мамадыш районы).
Ирек Фәйзуллин, Бөек Ватан сугышы ветераннарының торак шартларын яхшырту программасы буенча алынган федераль субсидияләр кысаларында республикада 98 ветеран өчен 17 йорт төзелә, дип белдерде. Шулардан 9 объект әзер диярлек, 7 объект уртача әзерлектә, бер объектта эшләр күп әле.
2016 елда республикада 38 күп балалы гаиләне торак белән тәэмин итү планлаштырыла. 18 апрельгә барлык 38 гаиләгә дә сертификатлар рәсмиләштерелгән, диде министр.
Татарстан Республикасында 2016 ел башыннан төзелеш өлкәсендә хезмәт саклау нормаларын башкару буенча ТР Дәүләт хезмәт инспекциясе 266 тикшерү үткәргән. Бу хакта бүген ТР Хөкүмәте йортындагы республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министрының беренче урынбасары Алексей Песошин да катнашты.
Хезмәт саклау кагыйдәләрен һәм нормаларын бозу өчен 3 млн. 1 мең сулмык 78 карар чыгарылган, дип хәбәр итте Ирек Фәйзуллин.
"Татарстан Республикасы төзүчеләр берлеге" үзен-үзе җайга салу оешмасы үз әгъзалары булган 232 оешмада тикшерү үткәргән.
ТР төзелеш, архитектура һәм ТКХ министры искәрткәнчә, республикада санитар-экология ике айлыгы дәвам итә. Министрлык һәм ТР дәүләт төзелеш күзәтчелеге инспекциясе төзелеш мәйданчыклары территорияләрендә "Чиста төзелеш" чарасын уздыра.
1-12 апрель көннәрендә ТР дәүләт төзелеш күзәтчелеге инспекциясе 10 хокук бозу ачыклаган һәм 10 административ беркетмәләр төзегән.
ТР Президенты Матбугат хезмәте, Елена Бритвина