Яшел Үзәндә “Зелёные холмы” төзүчесе күп фатирлы торак йорт төзегән
ТР Дәүләт төзелеш күзәтчелеге инспекциясе Яшел Үзәндә Төзүчеләр проспекты буенча күп фатирлы торак йорт төзелешенең 2 нче этабы төзүчесенә проект документациясе таләпләренә туры килү турында нәтиҗә бирде, дип хәбәр итә ведомство башлыгы Вәли Нәҗмиев.
Алмашынучан катлы йорт 2022 елда төзелә башлаган. Аның бинасының конструктив схемасы – аркылы стеналы каркассыз панельле. Фундаментлар – монолит тимер-бетон ростверклы свайлы. Япмалар, өслекләр, баскыч маршлары һәм мәйданчыклар – җыелма тимер-бетон. Түбәсе – эчке оештырылган су агымы булган яссы рулонлы.
Исегезгә төшерәбез, төзелешнең 1 нче этабы кысаларында булачак яшәүчеләр өчен гомуми мәйданы 8 мең кв. метрга якын булган 179 фатир төзелгән, 2 нче этап кысаларында гомуми мәйданы 4 мең кв. метрдан артык булган 79 фатир төзелгән. Йортка Комарова, 45а почта адресы бирелгән.
Объектны “Зелёные холмы” Махсуслаштырылган Төзүче” ҖЧҖ төзегән. Техник заказ бирүче һәм генпроектировщик – “ДомСтройСервис” ҖЧҖ. Генераль подрядчы булып “СтандартСтройСервис” ҖЧҖ тора.
Гражданнарыбызның торак белән тәэмин ителешен арттыру – “Яшәү өчен инфраструктура” милли проектының төп бурычларының берсе.
#gosstroinadzor_rt #Татарстан #Строительство #нацпроекты
