Казанда Татарстан муниципаль районнарының һәм шәһәр округларының җирле үзидарә органнары тарафыннан күпфатирлы йортларны һәм күчемсез милекнең башка объектларын өлешләп төзү өлкәсендә республика дәүләт вәкаләтләрен гамәлгә ашыру мәсьәләләре буенча фикер алыштылар
2026 елның 28 маенда Татарстан Республикасы Юстиция министрлыгында Хокук мәсьәләләре буенча ведомствоара координация комитетының эш төркеме утырышы булды. Көн тәртибенә Татарстан Республикасының өч закон проекты кертелде.
“Төнлә гражданнарның тынычлыгын һәм тынлыкны саклау турында” 2010 елның 12 гыйнварындагы 3-ТРЗ номерлы Татарстан Республикасы Законына үзгәрешләр кертү хакында”, “Административ хокук бозулар турында Татарстан Республикасы Кодексына үзгәрешләр кертү хакында” Татарстан Республикасы законнары проектлары каралды.
Шулай ук “Татарстан Республикасы муниципаль районнарының һәм шәһәр округларының җирле үзидарә органнарына күпфатирлы йортларны һәм (яисә) күчемсез мөлкәтнең башка объектларын өлешле төзү өлкәсендә, шулай ук торак-төзелеш кооперативларының күпфатирлы йорт төзү өчен кооператив әгъзаларының акчаларын җәлеп итүгә бәйле эшчәнлеге өлкәсендә Татарстан Республикасы дәүләт вәкаләтләрен бирү турында “Татарстан Республикасы Законына үзгәрешләр кертү хакында” Татарстан Республикасы законы проекты күрсәтелде.
Аның буенча фикер алышуда Татарстан Республикасы Дәүләт төзелеш күзәтчелеге инспекциясе хокукый эш һәм өлешле төзелешне контрольдә тоту Идарәсенең өлешле төзелешне контрольдә тоту бүлеге башлыгы Фәнзил Ризванов, ведомствоның юридик бүлеге башлыгы Лилия Булатова катнашты.
Фәнзил Ризванов үз докладында билгеләп үткәнчә, әлеге закон проекты нигезендә 2027 елның 1 гыйнварыннан инспекциягә Яшел Үзән, Түбән Кама, Лаеш, Питрәч, Биектау, Югары Ослан, Алабуга, Әлмәт муниципаль районнары территорияләрендә күпфатирлы йортларны һәм (яисә) башка күчемсез милек объектларын өлешле төзү өлкәсендә төбәк дәүләт контролен (күзәтчелеген) гамәлгә ашыру буенча Татарстан Республикасы дәүләт вәкаләтләре биреләчәк.
“Югарыда күрсәтелгән муниципаль районнар территориясендә күпфатирлы йортларны һәм (яисә) башка күчемсез мөлкәт объектларын өлешле төзү өлкәсендә төбәк дәүләт контролен (күзәтчелеген) гамәлгә ашыру буенча Татарстан Республикасы дәүләт вәкаләтләре инспекциясенә тапшыру югарыда күрсәтелгән муниципаль районнар территориясендә өлешле төзелеш өлкәсендә контрольнең (күзәтчелекнең) бердәм тәртибен билгеләргә мөмкинлек бирәчәк, бу өлешле төзелештә катнашучы гражданнарның законлы хокукларны тәэмин итү куркынычларын киметү һәм гарантияләрен арттыру өчен шартлар тудырачак”, – дип ассызыклады ул.
