Татарстан Республикасы Дәүләт төзелеше күзәтчелеге инспекциясенең һәм Казан педагогика көллиятең хезмәттәшлеге дәвам итәчәк
Май ахыры – илнең уку йортларында соңгы шалтыратулар вакыты. Менә бүген дә «Казан педагогика көллияте» ДАҺБУ студентларын тәмамларга вакыт җитте. Аларның берсе – ТР Дәүләт төзелеш күзәтчелеге инспекциясендә диплом алды практикасын узган уку йортының 942 нче группа дүрт курс студенты Ирек Кадыйров.
Ирекнең остазы ведомствоның документлар белән тәэмин итү һәм оештыру эше бүлеге башлыгы Руслан Валерьевич Сулагаев була, ул да Казан педагогика көллиятен тәмамлаган.
Ирек Кадыйров үз педагогларына гына түгел, ТР ДТК инспекциясе коллективына да белем мәктәбе, практика вакытында алган һөнәри тәҗрибәләре өчен рәхмәт белдерде: «ТР Дәүләт төзелеш күзәтчелеге инспекциясе җитәкчелегенә һәм шәхсән Вәли Рифарович Нәҗмиевка, документлар белән тәэмин итү һәм оештыру эшләре бүлеге хезмәткәрләренә ышанычлары, ярдәмнәре һәм кыйммәтле һөнәри киңәшләре өчен рәхмәт әйтәсе килә, алар миңа үз компетенцияләремне шактый киңәйтергә ярдәм итте».
Бәйрәм чарасыннан соң уртак фотосессия булды. Аны тәмамлагач, көллият директоры урынбасарлары Гүзәл Илшат кызы Рамазанова һәм Венера Кәбир кызы Таһирова киләчәктә дә уку йорты белән Татарстан Республикасы Дәүләт төзелеш күзәтчелеге инспекциясе арасында кадрлар әзерләү өлкәсендә үзара файдалы хезмәттәшлеккә өмет белдерделәр.
