ТР ДТК Инспекциясендә вакантлы вазыйфаларны биләүгә конкурс уздырдылар
2026 елның 19 маенда ТР Дәүләт төзелеш күзәтчелеге инспекциясендә вакантлы вазыйфаларны биләүгә конкурс булды. Ул ведомство җитәкчесенең беренче урынбасары И.Ф. Сафиуллин рәислегендә узды.
Конкурс комиссиясе составына Казан шәһәре буенча капиталь төзелеш объектларын төзү һәм реконструкцияләүне күзәтү буенча территориаль орган җитәкчесе Д.А. Мильгунов, өлешләп төзелешне контрольдә тоту һәм хокукый эш идарәсе башлыгы Р.Р. Хәйруллин, Дәүләт хезмәте һәм кадрлар бүлеге башлыгы Р.А. Ибәтова, дәүләт хезмәте һәм кадрлар бүлегенең әйдәүче киңәшчесе О.П. Сорокина (конкурс комиссиясе секретаре) керде.
Кандидатларны бәяләү өчен шулай ук бәйсез эксперт - Казан дәүләт архитектура-төзелеш университетының “Төзелеш производствосы технологияләре” кафедрасы доценты, техник фәннәр кандидаты А.Н. Богданов чакырылган иде.
Конкурс кысаларында хезмәткәрләр Казан (Идел буе) федераль университетының Н.И. Лобачевский исемендәге фәнни китапханәсендә компьютер тесты уздылар, аннары конкурс комиссиясе сорауларына җавап бирделәр.
Конкурс комиссиясе тарафыннан Казан шәһәре буенча территориаль органга һәм Төньяк-Көнчыгыш территориаль органга вакантлы вазыйфаларны биләүгә дүрт кандидат каралды - Р.А. Ибәтова, Л.Р. Хәкимов, А.Н. Садыйкова, П.Б. Горячевский.
Чараны ТР Дәүләт төзелеш күзәтчелеге инспекциясенең дәүләт хезмәте һәм кадрлар бүлеге оештырды.
