“KazanForum 2026” йөздән артык илдән кунаклар җыйды

2026 елның 14 мае, пәнҗешәмбе

Казанда “Рәсәй – Ислам дөньясы: KazanForum 2026” XVII халыкара икътисадый форумы уза. Ул 103 ил вәкилләрен җыйды - бу чара тарихында рекордлы халыкара колач.

Форумның максаты – Рәсәй һәм Ислам Хезмәттәшлеге Оешмасы илләренең сәүдә-икътисадый, фәнни-техник, социаль һәм мәдәни элемтәләрен ныгыту.

Анда катнашучылар арасында – Мозамбик делегациясе бар. Бу көннәрдә аны Татарстан Республикасы Дәүләт төзелеш күзәтчелеге инспекциясе башлыгы Вәли Нәҗмиев озата йөри.

Форумның программасы бай һәм кызыклы. Кунакларыбызга эшләрендә уңышлар һәм шәһәребездән күңелле тәэсирләр алуларын телибез!

https://kazanforum.ru/upload/uf/9a8/hjyv17yf2ijg80uwibio6ta81k9z051y/programma_KazanForum_12_05.pdf