2025 елда ТР ДТК инспекциясенә республика гражданнарыннан меңнән артык мөрәҗәгать кергән
2025 елда Татарстан Республикасы Дәүләт төзелеш күзәтчелеге инспекциясенә 1064 мөрәҗәгать кергән, шул исәптән 1048 язма мөрәҗәгать, шуларның 232се инспекциянең интернет кабул итү бүлмәсе аша кергән. Гражданнарның барлык мөрәҗәгатьләре инспекция башлыгы Вәли Нәҗмиев, аның урынбасарлары тарафыннан шәхсән каралды һәм контрольгә алынды.
Шул ук чорда 2024 елда 920 мөрәҗәгать кергән, шуларның 910ы – язма мөрәҗәгать, шул исәптән 244е – интернет аша. Шәхси кабул итүдә 10 граждан кабул ителде, 8 мөрәҗәгать кире элемтә платформасы (КЭП) аша керде.
Гражданнар мөрәҗәгатьләре инспекциягә почта аша, электрон мөрәҗәгатьләр (интернет-кабул итү бүлмәсе), телдән мөрәҗәгатьләр рәвешендә керә.
2025 елда кергән язма мөрәҗәгатьләр тематикасы буенча түбәндәге төп юнәлешләрне аерып күрсәтергә мөмкин:
- төзелеш нормаларын һәм кагыйдәләрен бозу: 277 мөрәҗәгать (26%);
- төзелешне һәм реконструкцияне алып баруның законлылыгы: 104 мөрәҗәгать (9,8%);
- төзүчеләргә карата шикаятьләр: 65 мөрәҗәгать (6,1%).
Гражданнар мөрәҗәгатьләренең шактый өлешен элеккечә төзелеш нормаларын һәм кагыйдәләрен бозу, төзелеш һәм реконструкция алып баруның законлылыгы мәсьәләләре буенча гаризалар тәшкил итә.
Гражданнарның Инспекция компетенциясенә керми торган мөрәҗәгатьләре тиешенчә җавап бирү һәм чаралар күрү өчен профильле оешмаларга җибәрелә. 2025 елда 177 мөрәҗәгать күчерелгән (16,6%).
2025 елда ТР ДТК инспекциясе җитәкчеләре тарафыннан 16 шәхси кабул итү үткәрелгән, шул исәптән инспекция башлыгы тарафыннан – 6. Кабул итү барышында күтәрелгән сораулар буенча мөрәҗәгать итүчеләр ризалыгы белән телдән һәм язмача аңлатмалар бирелде. 24 мөрәҗәгать кире элемтә платформасы (КЭП) аша кергән.
ТР ДТК инспекциясенә 2025 ел өчен гражданнарның мөрәҗәгатьләре буенча хисап документлар белән тәэмин итү һәм оештыру эше бүлеге тарафыннан әзерләнгән.
Документка сылтама: https://gsn.tatarstan.ru/statisticheskie-otcheti-po-rassmotreniyu.htm
