Чаллы шәһәренең «Авиатор» торак комплексында 3 нче яңа йорт тикшерелә

2024 елның 29 октябре, сишәмбе

ТР Дәүләт төзелеш күзәтчелеге инспекциясе тарафыннан «Чаллы шәһәренең Кызыл Чаллы микрорайонында Жданов урамы буенча күпкатлы торак төзелеше. 3 нче торак йорт» объекты төзелешенә урынга чыгып тикшерү уздырыла.

Панельле йорт бинасы – өч катлы, аскы техник каты бар. «Авиатор» торак комплексында яшәүчеләр өчен гомуми мәйданы 3485,70 кв. метр булган 76 фатир төзелгән.

Төзүче – «Инвестор» МТ ҖЧҖ. Техник заказ бирүче – «Профит» ДК ҖЧҖ. Генераль подрядчы – «Лидер» УТК ҖЧҖ. Проектлаучы – «Стройпроект» ҖЧҖ.