Казанда «Kazan Digital Week-2024» халыкара форумы ачылды
2024 елның 9 сентябрендә Казанда «Казан Экспо» ХКҮ мәйданчыгында «Kazan Digital Week-2024» халыкара форумы ачылды. Чара инде бишенче тапкыр уздырыла һәм үзен мөһим дәүләт карарларын эшләгәндә эшлекле бергәлек белән элемтә өчен канал буларак танытты.
Быел форумда Россиядән һәм якын һәм ерак чит илләрдән 16 меңнән артык кеше катнаша, шуларның 600е – спикер сыйфатында чыгыш ясаячак.
4 мең кв. м мәйданлы күргәзмә экспозициясендә 140тан артык стенд тәкъдим ителгән, аларда 200дән артык алдынгы ИТ-компания үз чишелешләрен күрсәтәчәк.
«Kazan Digital Week-2024» халыкара форумының миссиясе – фәнни-техник мәгълүмат алмашуда ярдәм итү, импортны алмаштыру һәм импортны кисәтү мәсьәләләрен нәтиҗәле хәл итә алган фәнни-технологик активларны туплау, Россия Федерациясенең халыкара хезмәттәшлектә лидерлыгы нигезе буларак технологик суверенитетны тәэмин итү.
