Баулыда линия җитештерү-диспетчерлык станциясенең яңа котельные төзелде
ТР Дәүләт төзелеш күзәтчелеге тарафыннан Татарстанның Баулы районында урнашкан Богуруслан районы нефть үткәргеч идарәсенең «Баулы» линия җитештерү-диспетчерлык станциясенең (ЛПДС) яңа котельные тикшерелә.
Объект төзелеше 2023 елның апрелендә башланган. Котельныйның гомуми мәйданы 50 кв.м тәшкил итә. Аның куәте – 4000 кВт. Котельный операторлары өчен аерым бина каралган. Анда операторның автоматлаштырылган эш урыны, персонал өчен гардероб бүлмәсе, ашау бүлмәсе, душ бүлмәсе, санузел урнашкан.
Төзүчесе – «Транснефть-Приволга» АҖ. Генераль подрядчы – «ТГВ-Поволжье» ҖЧҖ. Генераль проектлаучы – «Гипротрубопровод» АҖ.
Белешмә: 2021 елда «Баулы» линия җитештерү-диспетчерлык станциясе эшли башлауның 70 еллыгын билгеләп үтте. Хәзерге вакытта станция өч магистраль нефть үткәргеч (МН) участокларына хезмәт күрсәтә: Баулы – Куйбышев, Нижневартовск – Курган – Куйбышев һәм Богуруслан – Сызрань. ЛПДС җаваплылыгы зонасында 300 км якын магистраль нефтьүткәргеч трассалары һәм резервуар паркы бар. Станция нефтьне кабул итү, транспортлау, исәпкә алу һәм саклауны тәэмин итә.
