2024 елның беренче яртыеллыгында ТР ДТК инспекциясенә республика гражданнарыннан 393 мөрәҗәгать килде
2024 елның беренче яртыеллыгында Татарстан Республикасы Дәүләт төзелеш күзәтчелеге инспекциясенә 393 мөрәҗәгать керде, шул исәптән 390 – язма мөрәҗәгать, шуларның 115е интернет-кабул итү инспекциясе аша килде.
ТР ДТК инспекциясе башлыгы Вәли Нәҗмиев тарафыннан 3 тапкыр шәхсән кабул итү үткәрелде. Барлык гражданнар да проект документларын тапшыру мәсьәләсе буенча мөрәҗәгать иттеләр. Кабул итү барышында күтәрелгән мәсьәләләр буенча мөрәҗәгать итүчеләрнең ризалыгы белән телдән аңлатмалар бирелде.
Шул ук чорда 2023 елда 326 мөрәҗәгать килгән булган, шуларның 323е – язма мөрәҗәгатьләр, шул исәптән 125е интернет-кабул итү системасы аша алынган булган. Шәхси кабул итүдә 3 гражданин кабул ителгән.
Гражданнар мөрәҗәгатьләре Инспекциягә почта аша, электрон мөрәҗәгатьләр (интернет-кабул итү, электрон почта), телдән мөрәҗәгатьләр рәвешендә керә.
2024 елның беренче яртыеллыгында кергән язма мөрәҗәгатьләрнең тематикасы буенча түбәндәге төп юнәлешләрне билгеләргә мөмкин:
- төзелеш нормаларын һәм кагыйдәләрен бозу: 101 мөрәҗәгать (25,6 %);
- төзелеш һәм реконструкция алып баруның законлылыгы: 115 мөрәҗәгать (29,2%);
- төзекләндерү: 20 мөрәҗәгать (5,0%).
Төзелештән килгән тавыш мәсьәләләре буенча мөрәҗәгатьләр саны кимеде (2023 елда 10,1 проценттан 2024 елда 5,5 процентка кадәр). Гражданнар мөрәҗәгатьләренең шактый зур өлешен элеккечә төзелеш һәм реконструкция алып баруның законлылык мәсьәләләре буенча гаризалар тәшкил итә.
Гражданнарның Инспекция компетенциясенә карамаган мөрәҗәгатьләре, тиешле җавап бирү һәм чаралар күрү өчен, профильле оешмаларга җибәрелә. 2024 елның беренче яртыеллыгында шул рәвешле 86 мөрәҗәгать (21,8%) юнәлдерелде.
2024 елның беренче яртыеллыгында ведомствоның гражданнар мөрәҗәгатьләре белән эшләве турында статистик хисап документлар белән тәэмин итү һәм оештыру эше бүлеге тарафыннан әзерләнде.
► Документка сылтама: https://gsn.tatarstan.ru/statisticheskie-otcheti-po-rassmotreniyu.htm
