ТР ДТК инспекциясе үз эшчәнлегенең мөһим юнәлешләре буенча сораштыру узарга чакыра
Татарстан Республикасы Министрлар Кабинетының 2023 елның 29 сентябрендәге 2160-р күрсәтмәсе белән Татарстан Республикасында клиентларга юнәлтелгәнлекне бәяләү стандартларын кертү буенча чаралар Планы («юл картасы») расланды. План РФ Хөкүмәтенең 2030 елга кадәр илнең «Кешеләр өчен дәүләт» социаль-икътисадый үсеше инициативасы кысаларында 2021 елның 06 октябрендәге 2816-р номерлы күрсәтмәсе нигезендә гамәлгә ашырыла.
Татарстан Республикасының Дәүләт төзелеш күзәтчелеге инспекциясендә әлеге Планның 3 бүлегенең 3.5 пунктын үтәү йөзеннән эчке һәм тышкы клиентлардан кире элемтә формалаштыру тәртибе расланды.
Шуңа бәйле рәвештә, 2023-2024 елларда ведомствоның дәүләт хезмәтләрен алган эшкуарлык җәмәгатьчелегенә анкета узарга тәкъдим ителә, бу киләчәктә дәүләт хезмәтләре күрсәтү процессын яхшыртырга мөмкинлек бирәчәк. Шулай ук ведомство эшчәнлеге, Татарстан Республикасы халкы мөрәҗәгатьләрен һәм сорауларын карау турында үз фикереңне әйтергә мөмкин.
ТР ДТК инспекциясенең рәсми сайтында «Клиентларны игътибар үзәгендә тоту» бүлегендә түбәндәге темалар буенча сораштыру урнаштырылган:
1. Татарстан Республикасы Дәүләт төзелеш күзәтчелеге инспекциясе тарафыннан үзләренең мөрәҗәгатьләрен һәм гарызнамәләрен караудан канәгать калу-калмау буенча тышкы клиентлар арасында анкеталау.
2. Татарстан Республикасы Дәүләт төзелеш күзәтчелеге инспекциясе тарафыннан күрсәтелә торган дәүләт хезмәте алучылар арасында анкеталау.
3. Татарстан Республикасы Дәүләт төзелеш күзәтчелеге инспекциясе эшчәнлеген бәяләү буенча кулланучыларны анкеталау.
4. Контроль (күзәтчелек) чараларын үткәрүдән канәгать калу-калмау турында анкеталау.
Сораштыруда катнашырга чакырабыз, әлеге сылтама буенча узыгыз:
► https://gsn.tatarstan.ru/klientotsentrichnost.htm
Бу сораштыру – аноним.
Катнашуыгыз өчен рәхмәт!