Түбән Камада 35 нчы микрорайон киңәя
Түбән Каманың 35 микрорайонында тышкы инженерлык челтәрләре булган 8 нче номерлы яңа күпфатирлы йортны ТР Дәүләт төзелеш күзәтчелегенең йомгаклау тикшерүе уздырыла.
Инвестор-төзүче оешма – «Татарстан Республикасы Президенты каршындагы Дәүләт торак фонды» коммерциясез оешмасы. Капиталь төзелеш объекты «Социаль ипотека» республика программасын һәм «Торак һәм шәһәр тирәлеге» илкүләм проектын тормышка ашыру кысаларында төзелгән.
5-6 катлы № 8 торак йорт төзелеше 2021 елның январендә башланган. Аның гомуми мәйданы 11390,10 кв. м тәшкил итә. Анда 6557,80 кв. м мәйданлы 110 фатир бар.
Техник заказчы – «Татарстан Республикасының Баш инвестиция-төзелеш идарәсе» дәүләт казна оешмасы.
Проектлаучы – «Татинвестгражданпроект» төп территориаль проект-тикшеренү фәнни-җитештерү фирмасы» ДУП.
Генераль подрядчы – «Отделстрой» ҖЧҖ.