17 октябрь – Россиядә юл хуҗалыгы хезмәткәрләре көне
Юл хуҗалыгы хезмәткәрләре көне – юл хуҗалыгына катнашы булган хезмәткәрләрнең һөнәри бәйрәме. Россиядә 2021 елда юл хуҗалыгы хезмәткәрләре көне октябрьнең өченче якшәмбесендә билгеләп үтелә һәм 17 октябрьгә туры килә.
Тантаналарда төзүчеләр, инженерлар, проектлаучылар, ремонт һәм хезмәт күрсәтүче персонал, шулай ук юллар төзү өчен материаллар әзерләүче предприятиеләр хезмәткәрләре катнаша.
Чара РФ Президенты Б.Ельцинның 1996 елның 14 октябрендәге 1435 номерлы Указы белән гамәлгә куелган. Дүрт ел дәвамында октябрьнең соңгы якшәмбесендә юл хуҗалыгы хезмәткәрләре үзләренең һөнәри бәйрәмен автомобиль транспорты хезмәткәрләре белән бергә билгеләп үтә. РФ Президенты В.Путинның 2000 елның 23 мартындагы 556 номерлы карары нигезендә тантаналар аерыла һәм бәйрәм датасы үзгәртелә. Юл хуҗалыгы хезмәткәрләрен октябрьнең өченче якшәмбесендә хөрмәтли башлыйлар.
Бәйрәмнең максаты – дәүләт өчен транспорт инфраструктурасының мөһим ролен күрсәтү. Бу көнне бәйрәмгә катнашы булган затлар котлау сүзләрен кабул итә. Иң яхшы хезмәткәрләргә грамоталар, дипломнар тапшырыла, «Россия Федерациясенең Атказанган төзүчесе» дигән исем бирелә.
► Бәйрәм турында тулырак мәгълүматларны әлеге сылтама буенча белергә мөмкин:
https://my-calend.ru/holidays/den-rabotnikov-dorozhnogo-hozyaystva