Чистайда яңа Балалар сәнгать мәктәбе тикшерү уза

2021 елның 15 сентябре, чәршәмбе

Чистай Балалар сәнгать мәктәбендә ТР Дәүләт төзелеш күзәтчелеге инспекциясе тарафыннан ахыргы тикшерү уздырыла. Объект Татарстан Республикасы, Чистай шәһәре, Энгельс урамы, 152 нче йорт адресы буенча урнашкан.

Балалар сәнгать мәктәбенең өч катлы бинасы өч мең квадрат метр (2942,00 кв. м) мәйдан били.

Мәктәпнең беренче катында халык уен кораллары, театр сәнгате, тынлы уен кораллары кабинетлары, артистлар бүлмәсе, чишенү урыны белән 120 урынлы актлар залы урнашкан. Икенче катта – малайлар һәм кызлар өчен киенү-чишенү бүлмәләре, душ бүлмәләре, декоратив-гамәли сәнгать кабинеты, керамика яндыру бүлмәсе. Өченче катта – фортепиано, скрипка, халык уен кораллары кабинетлары, хор классы, музей.

Һәр катта теоретик фәннәр кабинеты бар. Бинада шулай ук персонал өчен эш урыннары, урып-җыю инвентаре бүлмәләре, санузеллар, янгын посты бар, анда элемтә һәм автоматика системаларын урнаштыру каралган.

Уку йорты территориясе чәчәк түтәлләре, газон, агачлар һәм кече архитектура формалары белән җиһазландырылган. 

Чистайда яңа Балалар сәнгать мәктәбе төзелеше 2020 елның апрелендә башланган булган. Чөнки бик күптәннән кирәк булган. Ниһаять, театр бүлеге ачу, яңа концерт залында күбрәк чаралар үткәрү, Татарстаннан гына түгел, Россиянең башка төбәкләреннән дә музыкантларны гастрольләргә чакыру мөмкинлеге туган. Тормыш күрсәткәнчә, балаларны югары сәнгатькә өйрәтү өчен чистайлыларга зур, заманча учреждение кирәк булып чыккан.

Чистай Балалар сәнгать мәктәбен төзүче – Гобәйдуллина исемендәге Балалар сәнгать мәктәбе. Техник заказчы – «Татарстан Республикасының Баш инвестиция-төзелеш идарәсе» дәүләт казна оешмасы. Генераль проектчы – «Татинвестгражданпроект» төп территориаль проект-тикшеренү фәнни-җитештерү фирмасы» ДУП. Генераль подрядчы – «Грейт Строй» ҖЧҖ.

Хәзер объект – әзерлек стадиясендә. ТР Дәүләт төзелеш күзәтчелеге инспекциясенең Кама аръягы территориаль органы инспекторлары тарафыннан кисәтүләр булмаса, аңа проект документларына туры килүе турында ярашлылык бәяләмәсе биреләчәк.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International