Татарстан Республикасының Дәүләт төзелеш күзәтчелеге инспекциясе

Коррупциягә каршы “Р” хәрефенә башланган сүзлек

2018 елның 25 апреле, чәршәмбе

ХЕЗМӘТ УРЫНЫННАН ФАЙДАЛАНЫП, ЧИТ МӨЛКӘТНЕ ИСРАФ ИТҮ (РАСТРАТА ЧУЖОГО ИМУЩЕСТВА, СОВЕРШЕННАЯ С ИСПОЛЬЗОВАНИЕМ СЛУЖЕБНОГО ПОЛОЖЕНИЯ) – башкалар ышанып тапшырган мөлкәтне шәхси яки өченче затлар файдасына хезмәт урыныннан файдаланып урлау, аның өчен РФ ҖК 160 статьясында җаваплылык каралган.
КОРРУПЦИЯГӘ КАРШЫ ЗАКОННАРНЫ ТОРМЫШКА АШЫРУ (РЕАЛИЗАЦИЯ АНТИКОРРУПЦИОННОГО ЗАКОНОДАТЕЛЬСТВА) – коррупциягә каршы сәясәт субъектларының файдалы гамәлләре аша коррупциягә каршы законнарны тормышка ашыру.
КОРРУПЦИЯГӘ КАРШЫ СӘЯСӘТНЕ ГАМӘЛГӘ АШЫРУ БУЕНЧА РЕСПУБЛИКА СОВЕТЫ РЕГЛАМЕНТЫ (РЕГЛАМЕНТ РЕСПУБЛИКАНСКОГО СОВЕТА ПО РЕАЛИЗАЦИИ АНТИКОРРУПЦИОННОЙ ПОЛИТИКИ) - Татарстан Республикасының коррупциягә каршы сәясәтне гамәлгә ашыру буенча республика советы тарафыннан кабул ителгән Советның һәм яңа төзелүче структур бүлекчәләрнең (комиссияләрнең, эш һәм эксперт төркемнәренең) эшчәнлеген оештыруга бәйле төп мәсьәләләргә бәйле локаль хокукый акт.
КОРРУПЦИЯЧЕЛ КУЫШЛАР РЕЕСТРЫ (РЕЕСТР КОРРУПЦИОННЫХ НИШ) - Россия Федерациясе Иҗтимагый палатасының Россия законнарында күзәтелгән “бушлыкларны” туплаган һәм аларны бетерү (нейтральләштерү) өчен хокукый ысулларны тәкъдим иткән мәгълүмат базасы.
«РЕЙДЕРЛЫК ҺӨҖҮМНӘРЕ» (РЕЙДЕРСКИЕ АТАКИ) – «Бөлгенлеккә төшү (банкротлык) турында» федераль законны гамәлгә ашыру механизмнарын кулланып һәм дәүләт хакимияте органнары, шул исәптән суд, һәм/яки җирле үзидарә органнары вәкилләренең турыдан-туры катнашуында милекне басып алу яки яңача бүлү.
КОРРУПЦИЯЧЕЛ ХОКУК БОЗУ НӘТИҖӘСЕНДӘ АБРУЙГА КИТЕРЕЛӘ ТОРГАН ЗЫЯН (РЕПУТАЦИОННЫЙ ВРЕД, ПРИЧИНЯЕМЫЙ КОРРУПЦИОННЫМ ПРАВОНАРУШЕНИЕМ) – коррупциячел хокук бозу нәтиҗәсендә физик яки юридик затларның абруена матди яки матди булмаган зыян китерелүе.
ДӘРӘҖӘЛЕ ҖИНАЯТЬЧЕЛЕК («РЕСПЕКТАБЕЛЬНАЯ ПРЕСТУПНОСТЬ») – дәүләт хакимияте өлкәсендә җинаятьчелекне билгеләү өчен Америка криминологы Эдвин Шур керткән термин. Әлеге төр җинаятьчелекнең үзенчәлеге шунда: дәүләт хакимияте һәм җирле үзидарә органнары вәкилләре үзләре җинаять кыла.
ТАТАРСТАН РЕСПУБЛИКАСЫНЫҢ КОРРУПЦИЯГӘ КАРШЫ СӘЯСӘТ СТРАТЕГИЯСЕН ГАМӘЛГӘ АШЫРУ БУЕНЧА РЕСПУБЛИКА ПРОГРАММАСЫ (РЕСПУБЛИКАНСКАЯ ПРОГРАММА ПО РЕАЛИЗАЦИИ СТРАТЕГИИ АНТИКОРРУПЦИОННОЙ ПОЛИТИКИ РЕСПУБЛИКИ ТАТАРСТАН) – Россия Федерациясенең әлеге субъектында коррупциягә каршы нәтиҗәлелекне үстерү максатында Татарстан Республикасы Министрлар Кабинеты тарафыннан 2006 елның 16 октябрендә кабул ителгән комплекслы хокукый акт.
КОРРУПЦИЯГӘ КАРШЫ СӘЯСӘТНЕ ГАМӘЛГӘ АШЫРУ БУЕНЧА РЕСПУБЛИКА СОВЕТЫ (РЕСПУБЛИКАНСКИЙ СОВЕТ ПО РЕАЛИЗАЦИИ АНТИКОРРУПЦИОННОЙ ПОЛИТИКИ) – Татарстан Республикасы Президентының 2006 елның18 августындагы ПУ-315 номерлы указы нигезендә гамәлгә куелган, дәүләт хакимияте органнары белән граждан җәмгыяте институтларының коррупциягә каршы сәясәтне гамәлгә ашыру барышында иң әһәмиятле аспектлар буенча үзара ачык фикер алышуы өчен киңәшмә орган. Совет 23 кешедән тора, алар арасында Татарстан Республикасы дәүләт хакимиятенең закон чыгару һәм башкарма органнары, Татарстан Республикасы җирле үзидарә органнары, федераль башкарма хакимият органнарының территориаль органнары, бизнес, галимнәр, массакүләм мәгълүмат чаралары, коррупциягә каршы сәясәтне гамәлгә ашыруда катнашучы иҗтимагый берләшмәләр.
БЮРОКРАТИК РЭКЕТ (РЭКЕТ БЮРОКРАТИЧЕСКИЙ) – коррупция күренешенең бер формасы, дәүләт яки муниципаль хезмәткәрләргә мөрәҗәгать иткән затның, мәнфәгатьләренә каршы килеп, карарны кабул итергә янап һәм куркыту юлы белән, мөлкәт яисә милек характерындагы файдаларны алуын күздә тота.

Sudanet.ru

БАРЛЫК ЯҢАЛЫКЛАРНЫ УКУ