ЯҢАЛЫКЛАР

Татарстан Республикасының Дәүләт төзелеш күзәтчелеге инспекциясе Яр Чаллының 63 нче микрорайонында урнашкан,  тышкы инженерлык челтәрләре белән 63-23 номерлы яңа 180 фатирлы торак йортка проект документларының туры килүе турында бәяләмә бирде. Йорт социаль ипотека республика программасы һәм «Торак һәм шәһәр мохите» илкүләм проекты буенча төзелгән.

Объект ярашлылык турында бәяләмә алды. Бу аны файдалануга тапшырырга һәм 180 гаиләне көтеп алынган фатирларына күчерергә мөмкинлек бирәчәк. 9 катлы бинаның гомуми мәйданы 14674,5 кв. метр тәшкил итә. Йорт территориясе төзекләндерелгән: балалар мәйданчыклары, кече архитектура формалары каралган, агачлар һәм куаклар утыртылган. Йорт социаль өлкә хезмәткәрләре һәм ятим балалар өчен билгеләнгән.

Татарстан Республикасының Дәүләт төзелеш күзәтчелеге инспекциясе кичә Казанның «Салават күпере» торак комплексында урнашкан 3-5 номерлы 340 фатирлы яңа торак йортка проект документларының туры килүе турында бәяләмә бирде. Йорт социаль ипотека республика программасы һәм «Торак һәм шәһәр мохите» илкүләм проекты буенча төзелгән.

ТР Дәүләт төзелеш күзәтчелеге инспекциясе объектта комплекслы тикшерү үткәрде. Төзүче оешма кисәтүләрне бетергәннән соң, объектка ярашлылык турында бәяләмә бирелде. Бу аны файдалануга тапшырырга һәм 340 гаиләне көтеп алынган фатирларына күчерергә мөмкинлек бирәчәк. 17 катлы бинаның гомуми мәйданы 21,8 мең кв.метр тәшкил итә. Йорт территориясе төзекләндерелгән: балалар мәйданчыклары, кече архитектура формалары каралган, агачлар һәм куаклар утыртылган.

2003 елның 9 декабрендә Коррупциягә каршы БМО конвенциясе имзалау өчен ачыла. Документ имзаланган дәүләтләргә ришвәт, бюджет акчаларын урлау һәм коррупциячел керемнәрне юк итүне җинаять дип игълан итүне йөкли.

Конвенциянең бер нигезләмәсе нигезендә, коррупция нәтиҗәсендә алынган акчаларны, алар кайсы яктан кергән булса, шул якка кире кайтарырга кирәк.

2003 ел конвенциясе – мондый төрдәге беренче документ. Ул барлык структураларның коррупциячеллеге илкүләм байлыкка зыян китерә торган илләр өчен аеруча мөһим.

Әлеге килешү – «илләр үсешенә зыян сала торган һәм хокукый дәүләтнең демократиясенә һәм режимына куркыныч тудыра торган» коррупциягә каршы тору өчен халыкара хокукның мөһим инструменты. Ул дәүләтләргә коррупциягә каршы сәясәт алып барырга, тиешле законнарны хупларга һәм әлеге күренешкә каршы көрәш өчен махсус органнар булдырырга йөкли.

Татарстан Республикасының Дәүләт төзелеш күзәтчелеге инспекциясендә коррупциягә каршы тору буенча актив эш алып барыла. Бу максат өчен коррупциячел һәм башка төрле хокук бозуларны профилактикалау секторы булдырылды. Инспекциянең рәсми сайтында «Коррупциягә каршы тору» бүлегендә коррупциягә каршы юнәлештәге актуаль мәгълүмат урнаштырыла. 

ТР ДТК инспекциясенең ышаныч телефоны тәүлек буе эшли: 8 (843) 238-33-79.

Ай саен сайтта коррупциягә каршы бюллетеньнәр бастырыла. Бюллетеньнәр архивы: http://gsn.tatarstan.ru/rus/antikorruptsionniy-byulleten.htm

Казанның Идел буе районында 220 урынлы яңа балалар бакчасы бүген Татарстан Республикасы Дәүләт төзелеш күзәтчелеге инспекциясеннән проект документациясе таләпләренә туры килүе турында уңай бәяләмә алды. Мәктәпкәчә учреждение «Демография» илкүләм проекты ярдәмендә төзелгән.

Бина мәгариф учреждениеләренең барлык яңа таләпләренә дә туры килә. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.

Бинаның гомуми мәйданы 3738,7 кв. метр тәшкил итә.

ТР Төзелеш министрлыгы мәгълүматларына караганда, «Демография» илкүләм проекты кысаларында 5030 урынга исәпләнгән 22 балалар бакчасы төзелеше планлаштырылган, шул исәптән 1,5-3 яшьлек балалар өчен – 2525 урын, 3-7 яшьлек балалар өчен – 2505 урын. Хәзерге вакытта 21 объектта төзү-монтаж эшләре тәмамланган.

Татарстан Республикасының Дәүләт төзелеш күзәтчелеге инспекциясе кичә Казанның «Салават күпере» торак комплексында урнашкан 1-6 номерлы яңа торак йортка проект документларының туры килүе турында бәяләмә бирде. Йорт социаль ипотека республика программасы һәм «Торак һәм шәһәр мохите» илкүләм проекты буенча төзелгән.

Объект ярашлылык турында бәяләмә алды. Бу аны файдалануга тапшырырга һәм 300 артык гаиләне көтеп алынган фатирларына күчерергә мөмкинлек бирәчәк. 19 катлы бинаның гомуми мәйданы 25,6 мең кв.метр тәшкил итә. Йорт территориясе төзекләндерелгән: балалар мәйданчыклары, кече архитектура формалары каралган, агачлар һәм куаклар утыртылган.

Республикада 2020 елга торак төзелешендә, аерым категория гражданнарны торак белән тәэмин итү һәм социаль әһәмиятле объектлар төзелешендә дәүләт программаларын гамәлгә ашыру тәмамлана. Бүген ТР Төзелеш, архитектура һәм торак-коммуналь хуҗалык министры Марат Айзатуллин ТР Хөкүмәте Йортында узган киңәшмәдә агымдагы эш нәтиҗәләре турында тулырак мәгълүмат бирде.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.

Марат Айзатуллин билгеләп үткәнчә, торак төзелеше өлкәсендә дәүләт программаларының иң мөһиме – социаль ипотека программасы. Программа паспорты нигезендә 2020 ел эчендә гомуми мәйданы 273,5 мең квадрат метр булган 130 йорт төзелергә тиеш. Хәзерге вакытта 179,2 мең квадрат метр яки 98 йорт файдалануга тапшырылган. Узган ике атна эчендә Казан һәм Түбән Кама шәһәрләрендә, Алабуга, Саба һәм Мамадыш районнарында 8 йорт файдалануга тапшырылган. Агымдагы ел программасының калган 32 объекты әзер диярлек.

Инвестицион торак төзелеше программасы буенча агымдагы елда 177 күп фатирлы йорт тапшырылырга тиеш. 139 объект файдалануга тапшырылган, калган 38 объект буенча төзелеш эшләре тәмамланган, Дәүләт төзелешне күзәтү инспекциясе тарафыннан тикшерүләр һәм файдалануга тапшыру өчен документларны рәсмиләштерү бара.

Шәхси торак төзелешендә еллык план тулысынча диярлек үтәлгән. Хәзерге вакытта 10 мең 244 йорт файдалануга тапшырылган (план – 10 мең 680 йорт).

2020 ел программасы нигезендә ятим балаларга 600 торак урын бирү каралган. Аларның барысы буенча да Дәүләт торак фонды һәм ТР Җир һәм мөлкәт мөнәсәбәтләре министрлыгы арасында контракт төзелгән. Әлеге категориядәге 304 вәкил наем шартнамәләрен төзегән. Дәүләт торак фонды 121 торак бинага милек хокукын теркәгән. Сатуга кадәр 134 бина әзерләнә. Тагын 41 фатир төзелеш эшләре тәмамланган йортларда урнашкан, алар буенча файдалануга тапшыруга рөхсәт алу бара.

2020 елда 47 яшь гаилә торак сатып алуга субсидия алырга тиеш. Күп балалы гаиләләргә торак бирү өлешендә еллык план тулысынча үтәлгән. Мәҗбүри күченүчеләр, чернобыльчеләр һәм Ерак Төньяктан күченүчеләр тарафыннан 23 торак сертификаты рәсмиләштерелгән. 2020 елга исемлекләрдә барлыгы 24 кеше.

Балалар бакчаларын төзү программасы буенча 2020 елда инде 21 объект тәмамланган. Тагын бер учреждение төзелеп бетеп килә – анда эшләр 97% ка башкарылган.

Татарстан Республикасының дәүләт программасы күләме буенча икенчесе сәламәтлек саклау өлкәсендә тормышка ашырыла. Ике табиб амбулаториясе буенча эшләр тәмамланып килә, биш амбулатория төзелгән инде. Программа паспортында билгеләнгән 43 фельдшер-акушерлык пункты төзелгән.

Авыл хуҗалыгында әлегә сыер абзарлары һәм сарык фермалары төзү программасы буенча эшләр дәвам итә. 4 объект әзер, 3се төзелеп килә.

Халыкка комплекслы хезмәт күрсәтүнең блок-модульле пунктларын төзү программасы буенча 21 объектның 12сендә эшләр тәмамланган, калган объектларда эшләр тәмамланып килә.

«Яшьләр сәясәте», «Мәдәният» һәм «Спорт» тармакларында программалар буенча да эшләр тәмамланган.

Түбән Кама шәһәренең Сөембикә-Тынычлык урамында төзелгән күпфункцияле үзәк бүген Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды. Ярашлылык турында бәяләмә объектның проект документларына туры килүен раслый.

Проект буенча күпфункцияле комплексның гомуми мәйданы 120 мең кв.метр тәшкил итә. Эчтә кибетләр, кафе, фуд-корт, күңел ачу мәйданчыклары өчен бүлмәләр планлаштырылган. Сәүдә үзәге көнгә 20 меңгә якын кешене сыйдыра ала. Бу – Татарстанның иң эре сәүдә-күңел ачу үзәкләренең берсе.

Исегезгә төшерәбез, ТР Дәүләт төзелеш күзәтчелеге инспекциясе хезмәткәрләре объектта комплекслы тикшерү үткәрде, аның барышында барлык системалар, шул исәптән янгын куркынычсызлыгының 2 меңнән артык җайланма нигезендә эшли торган автоматик системасы тикшерелде.

Татарстанның Зеленодольск районы, Осиново поселогында төзелгән яңа универсаль спорт залы бүген Татарстан Республикасы Дәүләт төзелеш күзәтчелеге инспекциясеннән төзелгән, үзгәртеп корылган капиталь төзелеш объектының проект документлары таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеше таләпләренә туры килүе турында бәяләмә алды. Бу хакта ТР Дәүләт төзелеш күзәтчелеге инспекциясе җитәкчесе Василий Кудряшов хәбәр итте.

Проект нигезендә, универсаль спорт залында массакүләм спорт төрләре: баскетбол, волейбол, мини-футбол белән шөгыльләнү мөмкинлеге каралган. Бинада киенү-чишенү, душ бүлмәләре, тренажерлар мәйданчыгы бар. Ике катлы бинаның гомуми мәйданы 12025 квадрат метр тәшкил итә.

Исегезгә төшерәбез, 2020 елда Татарстан буенча республика программаларын гамәлгә ашыру кысаларында 6 универсаль спорт залын (Буа, Мамадыш, Сарман, Зеленодольск (Осиново авылы), Тукай һәм Кукмара муниципаль районнары) төзү планлаштырылган иде.

Татарстанның Дәүләт төзелеш күзәтчелеге инспекциясенең бурычы – сыйфатлы материаллар һәм конструкцияләр куллануны тәэмин итү, спорт инфраструктурасы объектларын төзегәндә һәм тапшырганда законнарны бозмау һәм расланган проект документларыннан тайпылышларга юл куймау.

ТР Дәүләт төзелеш күзәтчелеге инспекциясе инспекторлары Татарстан Республикасының Менделеевск муниципаль районында Монашево авылында төзелгән Возжайка елгасы аша салынган күпергә ахыргы тикшерүне уздырды. Иске күпер канәгатьләндерерлек хәлдә булмаган, аны сүткәннәр. Аның урынында 24 метр озынлыктагы яңа тимер-бетон кичү төзелгән.

Бүгенге көндә автомобиль юлында төзелеш эшләре тәмамланган, конструкцияләрнең ныклыгы буенча тикшерү үткәрелгән. Күперне исәпкә алып, автомобиль юлының озынлыгы – 130 метр, ике хәрәкәт полосасы бар.

Күперне төзекләндерү вакытында элемтә системаларын үзгәртеп кору, машиналар йөрү өлешен ясау һәм тротуарлар урнаштыру эшләре башкарылган, күпер кичүенең локаль чистарту корылмалары монтажланган, шулай ук юл билгеләре алыштырылган, тамга куелган.

Татарстан Республикасының Дәүләт төзелеш күзәтчелеге инспекциясе (ТР Дәүләт төзелеш күзәтчелеге инспекциясе) Менделеевск районында күпер корылмасы һәм автомобиль юлы буенча дәүләт төзелеш күзәтчелеген гамәлгә ашырды. Тикшерү барышында киләсе этап – ярашлылык турында бәяләмә бирү. Ярашлылык турында бәяләмә объектның проект документларына туры килүен раслый. 

Кичә Татарстан Республикасының Дәүләт төзелеш күзәтчелеге инспекциясе социаль ипотека республика программасы һәм «Торак һәм шәһәр мохите» илкүләм проекты буенча төзелгән 120 фатирлы торак йортның проект документлары таләпләренә туры килүе турында бәяләмә бирде.