ЯҢАЛЫКЛАР

ТР Дәүләт төзелеш күзәтчелеге инспекциясе ноябрь ае өчен коррупциягә каршы бюллетень чыгарды.

Стратегик сессия кысаларында яңа “Тикшерүләрнең көзгеле реестры” МСП Бизнес-навигатор порталының яңа сервисы тәкъдим ителде. Бу механизм МСП Корпорациясе тарафыннан Генераль прокуратура, Икътисади үсеш министрлыгы белән берлектә Россия Федерациясе Президенты йөкләмәсе буенча контроль-күзәтчелек органнары катнашында эшләнгән.

Татарстан Республикасында 2019 елда күп фатирлы йортларга капиталь ремонт программасы 98,94%ка үтәлгән. Бүген бу хакта Татарстан Республикасы төзелеш, архитектура һәм ТКХ министры Ирек Фәйзуллин Татарстан Республикасы Хөкүмәте йортында узган республика киңәшмәсендә хәбәр итте.   

Киңәшмәне республиканың барлык муниципалитетлар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты. 

Ирек Фәйзуллин хәбәр иткәнчә, 21 ноябрьгә мәктәпкәчә мәгариф учреждениеләренә капиталь ремонт эшләре 112 объектның 101 объектында тәмамланган. Калган 11 объектта эшләр дәвам итә.

Республикада ресурс үзәкләренә дә капиталь ремонт дәвам итә. 21 ноябрьгә пландагы 15 объектның 14сендә эшләр төгәлләнгән.

Татарстан авыл клубларын төзү буенча республика программасын гамәлгә ашыруны да дәвам итә. 22 ноябрьгә 16 объектта эшләр тәмамланган. Тагын 5 объектта эшләр бара, шул исәптән түбә ябу (2 объектта), эчке эшләр, ишек-тәрәзәләр кую, челтәрләр уздыру (3 объектта).

Мәдәни объектларга капремонт 21 ноябрьгә пландагы 40 объектта төгәлләнгән. Тагын 1 объектта эшләр дәвам итә.   

Халыкка комплекслы хезмәт күрсәтү буенча блоклы-модульле пунктлар төзү дәвам итә. 22 объектта да эшләр бара.  

21 ноябрьгә Татарстан Республикасының халыкка социаль хезмәт күрсәтү буенча 31 учреждениесендә капиталь ремонт төгәлләнгән. 3 объектта эшләр дәвам итә. 

Муниципаль архивлар урыннарына капиталь ремонт эшләре пландагы 13 объектның берсендә генә калган.  

Татарстан Республикасы Президенты Рөстәм Миңнеханов төзүчеләрне барлык эшләрне дә сыйфатлы башкарырга өндәде. Ул ассызыклаганча, башкарылучы эшләргә катгый контроль ясалырга тиеш.  

ТР Президенты Матбугат хезмәте, Елена Бритвина.

Төзелеш процессында катнашучылар белән киңәшмә Яр Чаллы мэриясендә узды. Утырышны ТР Дәүләт төзелеш күзәтчелеге инспекциясе башлыгы Василий Кудряшов үткәрде.

ТР Дәүләт төзелеш күзәтчелеге Татарстанда очрашулар сериясе үткәрә, диалог режимында төзүчеләргә шәһәр төзелеше кодексында үзгәрешләрне аңлата һәм проблемалы сорауларга җавап бирә.

2019 елның 21 ноябрендә Яр Чаллыда Кама аръягы төзелеш базарында катнашучылар белән киңәшмә узачак. Анда йорт салучылар, техник заказчылар, подрядчы оешмалар, башкарма комитетлар җитәкчеләре катнашачак. Утырышны ТР Дәүләт төзелеш күзәтчелеге инспекциясе башлыгы Василий Кудряшов үткәрәчәк.

Казанның «Салават Күпере» микрорайонында 260 урынга исәпләнгән балалар бакчалары төзелде. Ике катлы биналар кабат куллану проекты буенча төзелгән. Бүген, 2019 елның 12 ноябрендә, ТР Дәүләт төзелеш күзәтчелеге инспекциясе әлеге объектларның проект документациясенә туры килүе турында бәяләмә бирде.

Россия Федерациясе Президенты В.В. Путин «Административ хокук бозулар турында Россия Федерациясе кодексының 14.28 статьясына үзгәреш кертү хакында» 2019 елның 4 ноябрендәге 353-ФЗ номерлы Федераль законга кул куйды.  Контрольлек итүче органнарга төзелә торган объект буенча документлар тапшыруны тоткарланган төзүчеләргә штраф 500 000 сумга кадәр артачак.

Татарстан Республикасының дәүләт төзелеш күзәтчелеге инспекциясе һәр хезмәткәрнең һөнәри белемнәре югары стандартларга туры килү белән кызыксына. Инспекциядә Инспекция хезмәткәрләрен дәүләт гражданлык хезмәте вазыйфасына туры килүгә аттестация узды.

Татарстан Республикасы Хөкүмәте йортында Татарстан Республикасы территориясендә торак төзелеше проектларын гамәлгә ашыручы төзелеш алып баручыларның эскроу-счетлар буенча эшкә күчүләре мәсьәләсе буенча киңәшмә узды. Киңәшмәдә Россия Төзелеш һәм ТКХ министры Владимир Якушев, Татарстан Республикасы Президенты Рөстәм Миңнеханов һәм Татарстан Республикасы төзелеш, архитектура һәм ТКХ министры Ирек Фәйзуллин, төзелеш оешмалары вәкилләре катнаштылар Киңәшмәгә видеоконференция режимында республиканың муниципаль районнары да кушылдылар. 

Ирек Фәйзуллин хәбәр иткәнчә, 2011 елдан башлап республикада ел саен 2 млн. квадрат метрдан артык торак файдалануга тапшырыла. Структур яктан торакны гамәлгә кертү күләмнәре социаль ипотека программасына 19% туры килә, күп фатирлы инвестицион торакка - 35% һәм индивидуаль торак төзелешенә - 45%. Торак белән тәэмин ителеш 2018 ел йомгаклары буенча уртача республикада яшәүче кешегә – 26,7 кв. м. 2019 ел буенча бу күрсәткеч 27,1 кв. метрга җитәчәк дип көтелә.

«Торак» төбәк проектының төгәлләштерелгән күрсәткечләре нигезендә Татарстан территориясендә 2019 елда 2 млн. 425 мең кв. м. торак файдалануга тапшырылачак, 2024 елда 3 млн. 648 мең кв. м булыр дип исәпләнә.  

Уздырылучы мониторинг кысаларында барлык төзелеш алып баручылар һәм алар гамәлгә ашыра торган төзелеш проектлары ике төркемгә бүленә. Беренче төркемгә 78 төзелеш алып баручы керә, алар 2 млн. 322 мең кв. метрда 160 күп фатирлы йорт төзиләр, шулар буенча 13 мең 178 өлеш кертеп төзү шартнамәсе төзелгән. 10 объект буенча әзерлек дәрәҗәсен раслау кирәкми, чөнки барлык урыннар да реализацияләнгән һәм эксплуатациягә кертү стадиясендә. 150 объект буенча Татарстан Республикасы муниципаль районнарының тикшереп тору органнары кирәкле критерийларга туры килү турында бәяләмәләр бирелгән. Барлык объектлар да билгеләнгән тәртиптә төзелә, эшләр барышы Татарстан Республикасы Президенты дәрәҗәсендә тикшереп торыла. 

Ирек Фәйзуллин сүзләренчә, проект финанславына күчкән объектлар икенче төркемгә керә. 65 объекттан банкларга заявкалар гомуми мәйданы 777 мең кв. метр булган 47 йорт буенча бирелгән. Шулардан 26 объект буенча проект финанславы шартнамәләре төзелгән, 6 объект буенча заявкалар банклар тарафыннан хупланган, 15 объект буенча заявкалар карауда, 18 объект буенча төзелеш алып баручылар проект финанславы алуга заявкалар әзерлиләр. 

Владимир Якушев билгеләп үткәнчә, Татарстан күп юнәлешләр буенча алда бара, шул исәптән торак төзелеш өлкәсендә дә. 

Рөстәм Миңнеханов хәбәр иткәнчә, республикада төзелеш алып баручылар һәм банклар вәкилләре белән, эскроу-счетлар кулланып, проект финанславына күчү мәсьәләләрен карау өчен даими очрашулар уздырыла. «Бу яңа эш схемасы, төзүчеләр өчен дә, финанс учреждениеләре өчен дә. Без очрашабыз, проблемалы моментлар буенча фикер алышабыз. Бу вакыт эчендә зур эш башкарылды, - диде Татарстан Президенты. – Ил җитәкчелеге  безнең алда җитди бурычлар куйды. Торак халкыбызның тормыш сыйфатының мөһим критерие булуны онытмаска кирәк».

ТР Президенты Матбугат хезмәте, Булат Низамиев

ТР Дәүләт төзелешен күзәтү хезмәткәрләре эскроу счетларыннан файдаланып, проект финанслауга күчү мәсьәләсе буенча Татарстан Республикасы эш төркеменең киңәйтелгән киңәшмәсендә катнашты.