Инспекция хезмәткәрләре ТР Төзелеш министрлыгының күчмә коллегиясенә багышланган төзелеш күргәзмәсендә актив катнашты

6 август көнне Мамадыш шәһәрендә ТР Төзелеш, архитектура һәм ТКХ министрлыгының күчмә коллегиясе булып узды, чара “Татарстан Республикасы төзелеш комплексының үсеш нигезе – төзелеш индустриясе базасы үсеше” темасына багышланды.

Җирле Мәдәният йорты каршында оештырылган күргәзмә кысаларында Татарстан Республикасының дәүләт органнары һәм ведомстволары, мәгариф учреждениеләре һәм төзелеш оешмалары мәгълүмати элмә стендларны ачып җибәрде, үзләренең җайланмаларын һәм продукцияләрен тәкъдим итте.

Инспекция хезмәткәрләре шулай ук бу күргәзмәдә актив катнашты һәм анда катнашучыларга үзләренең күчмә юл лабораториясен тәкъдим итте, әлеге лаборатория автомобиль юлларының транспорт-эксплуатация сыйфатламаларын ачыкларга мөмкинлек бирә, төзелеш материалларын, эшләнмәләрне һәм конструкцияләрне җимермичә контрольдә тоту буенча төп җайланма.

Чарада катнашучылар ТР ДТКИ эшчәнлеге турындагы мәгълүмати стенд, ведомство алдында торган төп бурычлар, һәм шулай ук хезмәткәрләр тарафыннан республиканың төзелеш мәйданнарында ачыклана торган төп характерлы бозулар белән танышты.

Инспекциянең күргәзмәсен шулай ук Татарстан Республикасы Президенты Рөстәм Миңнеханов та карады.

ТР ДТКИ матбугат хезмәте