Иннополисның төзелеш мәйданын карау

Бүген Татарстан Президенты Рөстәм Миңнеханов һәм Россия Федерациясенең элемтә һәм массачыл коммуникацияләр министры Николай Никофоров Иннополис яңа ИТ-шәһәрендәге биналар һәм инженерлык инфраструктурасы төзелеше буенча эшләрнең барышы белән танышты. Төзелеш мәйданнарын шулай ук ТР Премьер-министры Илдар Халиков, министрлыкларның, ведомстволарның җитәкчеләре, төзүче компания-подрядчыларның вәкилләре дә карады.

Рөстәм Миңнеханов һәм Николай Никифоров “Иннополис” махсус икътисади зонасында төзелә башлаган  технопаркта булдылар, бинаның түбәсенә менделәр, анда компания-подрядчы вәкилләре Татарстан Президентына төзелеш барышы турында мәгълүмат җиткерделәр.

Шулай ук Рөстәм Миңнеханов, Николай Никифоров һәм Илдар Халиков яңа шәһәрнең беренче торак комплексын төзү мәйданнарында һәм ИТ-университетның белем бирү-лаборатория корпусында булдылар.

Сәяхәт азагында ТР Президенты торгызылучы яңа биналарның нигездә график буенча торгызылуын билгеләп узды. Ул берничә эш йөкләмәләрен бирде һәм төзүчеләрне якынлашып килүче җәйге чордан файдаланып калырга чакырды.