Илдар Халиков: “Татарстанда энергияне сакчыл куллануда уңышлар да, резервлар да бар”

2013 нче елда энергияне сакчыл куллану һәм энергетика нәтиҗәлелеген күтәрү өлкәсендә республика программасын тормышка ашыру нәтиҗәләре һәм 2014 нче елга бурычлар турында бүген ТР Министрлар Кабинеты утырышында фикер алыштылар.

Утырышны ТР Премьер-министры Илдар Халиков уздырды, анда шулай ук Торак-коммуналь хуҗалыкны реформалауга ярдәм итү фонды дәүләт корпорациясенең күзәтчелек советы рәисе Сергей Степашин, Фондның генераль директоры Константин Цицин, Россия энергетика министры урынбасары Антон Инюцын катнашты.

Утырышны ачканда ТР Хөкүмәте башлыгы беренче чиратта Мәскәүдән килгән дәрәҗәле кунакларга рәхмәт белдерде. Программаны тормышка ашыру нәтиҗәләрен бәяләп, Илдар Халиков 15 елда ирешелгән уңышларны искәртеп үтте. “Безнең уңышларыбыз да, резервларыбыз да бар”, дип ассызыклады ул.

Аның сүзләренчә, бюджет һәм муниципаль өлкәдәге учреждениеләрдә энергия нәтиҗәлелеген күтәрү буенча эшләр җитәрлек дәрәҗәдә актив бармый. “Исәпләү җайланмаларын урнаштырудан ерак китә алмадык”, - диде ул. Тармак министрлыкларына бу мәсьәләгә ныграк игътибар итәргә кушты.

Республика программасының гамәлгә ашырылуы турында төп докладны ТР вице-премьеры-ТР сәүдә һәм сәнәгать министры Равил Зарипов ясады.
Аның сүзләренчә, Татарстанда барлык дәрәҗәдәге бюджетларның бюджет өлкәсендә энергия чыганаклары өчен түләүгә чыгымы елына якынча 6,5 млрд.сум тәшкил итә. Шул ук вакытта җылылык энергиясен куллануның кимүе күзәтелә, табигый газны куллану күрсәткечләренең кимүе 7% тәшкил иткән, диде ул.

Сергей Степашин үзенең чыгышында, ”Республика эшли белә, анда фәнни потенциал сакланган. Бу булган проблемаларга яңача карарга мөмкинлек бирә”, дип белдерде.
Аның сүзләренчә, торак-коммуналь хуҗалык өлкәсенә энергияне сакчыл куллануның бик зур потенциалы салынган. Ул бу өлкәдә энергияне сакчыл куллануны арттыру юнәлешләренең берсе дип, энергия нәтиҗәлелегенә ия йортлар төзелешен атады. Татарстан җитәкчелегенә республиканы энергия нәтиҗәлелегенә ия йортлар күп булган төбәккә әйләндерүне тәкъдим итте.

Утырыш тәмамланганда 2013 елда энергияне сакчыл куллану һәм энергетика нәтиҗәлелеген күтәрү өлкәсендә республика программасын гамәлгә ашыру буенча конкурс җиңүчеләрен бүләкләү булды. Шулай ук “Шнейдер электрик” һәм КДЭУ арасында белем бирә торган хезмәтләр күрсәтү турында килешү имзаланды.

ТР Президенты матбугат хезмәте. Михаил Миронов

2013 нче елда энергияне сакчыл куллану һәм энергетика нәтиҗәлелеген күтәрү өлкәсендә республика программасын тормышка ашыру нәтиҗәләре һәм 2014 нче елга бурычлар турында бүген ТР Министрлар Кабинеты утырышында фикер алыштылар.

Утырышны ТР Премьер-министры Илдар Халиков уздырды, анда шулай ук Торак-коммуналь хуҗалыкны реформалауга ярдәм итү фонды дәүләт корпорациясенең күзәтчелек советы рәисе Сергей Степашин, Фондның генераль директоры Константин Цицин, Россия энергетика министры урынбасары Антон Инюцын катнашты.

Утырышны ачканда ТР Хөкүмәте башлыгы беренче чиратта Мәскәүдән килгән дәрәҗәле кунакларга рәхмәт белдерде. Программаны тормышка ашыру нәтиҗәләрен бәяләп, Илдар Халиков 15 елда ирешелгән уңышларны искәртеп үтте. “Безнең уңышларыбыз да, резервларыбыз да бар”, дип ассызыклады ул.

Аның сүзләренчә, бюджет һәм муниципаль өлкәдәге учреждениеләрдә энергия нәтиҗәлелеген күтәрү буенча эшләр җитәрлек дәрәҗәдә актив бармый. “Исәпләү җайланмаларын урнаштырудан ерак китә алмадык”, - диде ул. Тармак министрлыкларына бу мәсьәләгә ныграк игътибар итәргә кушты.

Республика программасының гамәлгә ашырылуы турында төп докладны ТР вице-премьеры-ТР сәүдә һәм сәнәгать министры Равил Зарипов ясады.
Аның сүзләренчә, Татарстанда барлык дәрәҗәдәге бюджетларның бюджет өлкәсендә энергия чыганаклары өчен түләүгә чыгымы елына якынча 6,5 млрд.сум тәшкил итә. Шул ук вакытта җылылык энергиясен куллануның кимүе күзәтелә, табигый газны куллану күрсәткечләренең кимүе 7% тәшкил иткән, диде ул.

Сергей Степашин үзенең чыгышында, ”Республика эшли белә, анда фәнни потенциал сакланган. Бу булган проблемаларга яңача карарга мөмкинлек бирә”, дип белдерде.
Аның сүзләренчә, торак-коммуналь хуҗалык өлкәсенә энергияне сакчыл куллануның бик зур потенциалы салынган. Ул бу өлкәдә энергияне сакчыл куллануны арттыру юнәлешләренең берсе дип, энергия нәтиҗәлелегенә ия йортлар төзелешен атады. Татарстан җитәкчелегенә республиканы энергия нәтиҗәлелегенә ия йортлар күп булган төбәккә әйләндерүне тәкъдим итте.

Утырыш тәмамланганда 2013 елда энергияне сакчыл куллану һәм энергетика нәтиҗәлелеген күтәрү өлкәсендә республика программасын гамәлгә ашыру буенча конкурс җиңүчеләрен бүләкләү булды. Шулай ук “Шнейдер электрик” һәм КДЭУ арасында белем бирә торган хезмәтләр күрсәтү турында килешү имзаланды.

ТР Президенты матбугат хезмәте. Михаил Миронов