Казан янында йортларны капиталь ремонтлау буенча төбәк фондлары булдыру турында фикер алышалар

2013 елның 18 декабре, чәршәмбе
Бүген Татарстанның Югары Ослан районында “Күпфатирлы йортларның гомуми милкен капиталь ремонтлау буенча төбәк программалары. Төбәк операторлары эшен оештыру” темасына багышланган семинар узды. 
Семинар утырышының пленар утырышында Татарстанның Премьер-министры Илдар Халиков, ТКХ ны реформалаштыруга ярдәм итү фондының генераль директоры Константин Цицин, РФ төзелеш һәм торак-коммуналь хуҗалык министры урынбасары Андрей Чибис катнашты.
Татарстанның Премьер-министры Илдар Халиков, семинарда катнашучыларны сәламләп, 2007 елдан Фонд эшли башлаган вакыттан булган үзгәрешләрне революция дип атады. 

Константин Цицин искәрткәнчә, өч ел элек Фонд ТР җитәкчелегенә төбәк капремонт фондын булдыру турында мөрәҗәгать иткән.“Бүген бу Фонд эшли, дип әйтә алабыз. Күпфатирлы торак фондның 60 процентка якыны ремонтланган инде”. 
Константин Цицин семинарда катнашучыларны төбәк капремонт фондларын булдырганда Татарстан тәҗрибәсе белән танышырга чакырды.
“Торак кодексындагы төзәтмәләр барлык норматив базаны 2014 елның 1гыйнварына булдыруны тәлап итә. Ләкин хәзергә әле бу күп төбәкләрдә эшләнмәгән”, дип белдерде К. Цицин. 

Семинарда катнашучыларга капремонтның яңа механизмы турында Андрей Чибис җентекләбрәк сөйләде. Ул журналистларга, Торак кодексына төзәтмәләр керткәндә авторлар Татарстан тәҗрибәсенә таяндылар. Бу система үзен яхшы яктан күрсәтте һәм ул бөтен ил күләмендә кертеләчәк, диде.


ТР Президенты матбугат хезмәте. Михаил Миронов
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
ИНСПЕКЦИЯ
НОРМАТИВ ДОКУМЕНТЛАР
Матбугат хезмәте
МӨРӘҖӘГАТЬЛӘР
Адрес: 420111 Казан шәһәре, Зур Кызыл урамы, 15/9
Телефон: +7 (843) 237-91-87
Факс: +7 (843) 237-97-53
E-Mail: gsn@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International