Казанда Рөстәм Яхин урамындагы яңа торак йорт төзүчегә ЯТБ бирелгән
ТР Дәүләт төзелеш күзәтчелеге инспекциясе Казанның Вахитов районында Рөстәм Яхин урамында урнашкан яңа торак йортны төзүчегә проект документациясе таләпләренә туры килү турында нәтиҗә бирде.
“София” торак комплексында объект төзелеше 2023 елның октябрендә башланган. Ул 4-5 катлы дүрт секцияле торак йорттан гыйбарәт, анда 64 машина урынына исәпләнгән җир асты парковкасы бар, дип хәбәр итә ведомство башлыгы В.Р. Нәҗмиев.
Булачак яшәүчеләр өчен гомуми мәйданы 4017,74 кв. метр булган 81 фатир төзелгән. Шулардан бер бүлмәлеләр – 7, ике бүлмәлеләр – 49, өч бүлмәлеләр – 6, фатир-студияләр – 19.
Торак йорт 215 нче кварталның архитектура ансамбленең бер өлеше булып тора, ишегалды җәяүлеләр өчен ачык, ә коммерция функциясе (офислар, кибетләр, каһвәханәләр һ. б.) урам фронтының беренче катларында да, квартал эчендә дә урнашкан. Квартал эчендә җәяүлеләр элемтәсе оештырыла, алар кварталны үтәли аның тирәсендәге теләсә кайсы урамнан үтәргә мөмкинлек бирә. Ял итү зоналары, зур булмаган мәйданнар һәм һәркем өчен мөмкин булган балалар мәйданчыгы каралган.
Шул рәвешле, участок шәһәр тукымасына интеграцияләнә һәм Казан шәһәренең тарихи җирлеген тотрыклы үстерү концепциясе тарафыннан бирелгән җәяүлеләр юнәлешләренә ярдәм итә. Квартал территориясенә, махсус техника һәм башка транспорт ишегалларына керү Рөстәм Яхин, Гаяз Исхакый һәм Чернышевский урамнары ягыннан башкарыла.
Төзүчесе – “РОСТОК” Махсуслаштырылган Төзүче ҖЧҖ. Техник заказ бирүче – "САИР” ҖЧҖ. Генераль подрядчы – ”Аркада Строй Универсал” ҖЧҖ. Генераль проектлаучы – “Проектное Бюро Проектория” ҖЧҖ.
Гражданнарыбызның торак белән тәэмин ителешен арттыру – “Яшәү өчен инфраструктура” милли проектының төп бурычларының берсе.
#gosstroinadzor_rt #Татарстан #Строительство #нацпроекты
