ТР Дәүләт төзелеш күзәтчелеге Апастагы “Заһретдин” пансионатын тикшерә
ТР Дәүләт төзелеш күзәтчелеге инспекциясе Апас шәһәр тибындагы бистәсендә Красноармейская урамында урнашкан яңа пансионатның проект документациясе таләпләренә туры килүен тикшерә.
“Рухи пансионат төзелеше 2025 елның язында башланды. Ул симметрияле композицияле өч катлы турыпочмаклы бинадан гыйбарәт, аның үзәгендә перспектив аркалы гөмбәзле һәм бинаның бөтен биеклегенә витражлы портал тора. Бинаның ян-якларында порталь бизәлеше һәм аркалы витражлы тәрәзәләр белән баскыч мәйданчыклары ризалитлары урнашкан. Парапетның периметры буйлап консольдән декоратив рәшәткәле кәрниз чыгып тора. Бинаның үзәк композициясе үтә күренмәле гөмбәз белән капланган. Объектның гомуми мәйданы 2618,60 кв. метр тәшкил итә. “Заһретдин” пансионаты 48 укучыга исәпләнгән”, – дип хәбәр итә ТР ДТК Инспекциясе башлыгы В.Р. Нәҗмиев.
Бинаның 1 катында түбәндәгеләр урнашкан: пыялалы гөмбәз белән төгәлләнә торган өч катлы атриумлы холл-рекреация; гардероб; директор кабинетыннан, укытучылар бүлмәсеннән торган административ өлеш; укучылар һәм укытучылар өчен аш заллары, әзерләү цехлары, ашханә һәм кухня савыт-сабалары булган ашханә; кабул итү изоляторы булган медицина өлеше, авыруны вакытлыча изоляцияләү урыны, дезинфекция бүлмәсе.
2 нче катта холл, уку кабинетлары, тавыш яздыру студиясе, рекреация, санузеллар блогы проектланган.
Бинаның 3 катында укучылар өчен алгы бүлмәдән, йокы бүлмәсеннән һәм санузелдан торган торак бүлмәләр (шул исәптән халыкның аз хәрәкәтләнүче төркемнәре өчен керү мөмкинлеге булган бер бүлмә (МГН); укытучылар өчен алгы бүлмә һәм санузел булган бүлмәләр; холл урнашкан.
Объектны җирле мөселман дини оешмасы – “ТР мөселманнары рухи идарәсе” Үзәк ресурс үзәге, Казан шәһәренең Киров һәм Мәскәү районнары мөхтәсибәтенең “Сөләйман” мәчете мәхәлләсе төзегән.
Техник заказ бирүче – “Ильтаир” ҖЧҖ. Генераль подрядчы – «СтройЭкоРесурс»ҖЧҖ. Проектлаучы – “Акведук” ҖЧҖ.
#gosstroinadzor_rt #Татарстан #Строительство
