Электрон ташу документларын куллану 1 сентябрьдән мәҗбүри булачак
“Транспорт-экспедиция эшчәнлеге турында” Федераль законга үзгәрешләр кертү хакында” 140-ФЗ номерлы Федераль закон 2026 елның 1 сентябреннән электрон ташу документларына (ЭПД) мәҗбүри күчүне кертә.
Яңалыклар автомобиль, һава һәм тимер юл йөк ташуларына кагылачак. Электрон форматка түбәндәге документлар мәҗбүри рәвештә күчерелә:
- экспедиторлык документлары: экспедиторга йөкләмә, экспедиторлык һәм склад распискалары;
- һава транспорты өчен йөк накладное;
- транспорт накладнойлары;
- йөк ташуга заказлар (заявкалар).
ЭПД белән эшләү процесста катнашучыларның барысы өчен дә мәҗбүри була: йөк җибәрүче, ташучы һәм йөк алучы өчен.
Барлык рәсмиләштерелгән электрон документларны операторы Рәсәй Транспорт министрлыгы булган дәүләт мәгълүмат системасына (ГИС ЭПД) җибәрергә кирәк. ГИС ЭПДына керү махсуслаштырылган операторлар (ИС ЭПД) аша гамәлгә ашырыла, аларның исемлеге Транспорт министрлыгы сайтында бастырылган:
https://mintrans.gov.ru/activities/214/376/377/380.
Мондый операторларның эшчәнлеген көйләүче булып Рәсәй Федераль салым хезмәте тора.
Рәсәй Федераль салым хезмәтенең Татарстан Республикасы буенча идарәсе бизнеска инде хәзер үк сынау режимында үз контрагентлары белән хезмәттәшлекне электрон формага күчерергә киңәш итә.
► Теманы җентекләп өйрәнү өчен бизнес һәм хакимият органнары вәкилләрен 2026 елның 25 мартында 10.00 сәгатьтә булачак бушлай вебинарга чакырабыз. Тема: “Электрон ташу документларын файдалануга күчү турында”.
Тоташу өчен сылтама: https://vkvideo.ru/video-26433195_456248750.
