Казанның Петербург урамындагы кунакханә комплексы ТР Дәүләт төзелеш күзәтчелеге тикшерүен уза
ТР Дәүләт төзелеш күзәтчелеге Казан шәһәренең Вахитов районында Петербург урамында урнашкан кунакханә комплексының проект документациясе таләпләренә туры килү-килмәвен тикшерә.
Кунакханә комплексы бинасы Казанның тарихи өлешендә урнашкан. Проект нигезендә ул 4 катлы, җир асты катсыз, мансардалы һәм 49 номерга исәпләнгән.
Беренче катта вестибюль һәм ресторан урнаштыру мөмкинлеге булган җәмәгать урыннары, шулай ук инженерлык һәм йөкләү бүлмәләре каралган.
2-4 катларда төрле дәрәҗәдәге уңайлылык номер фонды урнашкан. Катлар арасында элемтә аерым урнашкан ике баскыч шакмагы һәм йөк-пассажир лифты ярдәмендә башкарыла.
Кунакханә һәм ресторанга килүчеләр өчен керү Петербург урамы ягыннан оештырылган һәм халыкның аз хәрәкәтләнүче төркемнәренә керү өчен җайлаштырылган.
Объектны төзүче – “Девелоперская Компания-7” ҖЧҖ. Техник заказ бирүче – “Стройтехнадзор” ҖЧҖ. Генераль подрядчы – “Генподряд” ҖЧҖ. Генераль проектлаучы – “ПСК “Дома Казани” ҖЧҖ. Проектлаучы – “АСК “Эсфоэс Архитектс” ҖЧҖ.
#gosstroinadzor_rt #Татарстан #Строительство
