Казанда ТР Төзелеш министрлыгы йомгаклау коллегиясенең киңәйтелгән утырышы узды
20 гыйнварда Казан шәһәренең Бәшир Рәмиев исемендәге IT-паркында ТР Төзелеш, архитектура, торак-коммуналь хуҗалык министрлыгының киңәйтелгән коллегия утырышы узды.
Төп доклад белән Татарстан министрлыгы башлыгы Марат Айзатуллин чыгыш ясады. Ул аның 2025 елдагы эшенә йомгак ясады һәм 2026 елга бурычлар билгеләде.
Коллегия эшендә Татарстан Республикасы Рәисе Рөстәм Миңнеханов, Россия Федерациясе Төзелеш һәм торак-коммуналь хуҗалык министры Ирек Фәйзуллин катнашты.
Утырышка республика министрлыклары һәм ведомстволары җитәкчеләре чакырылган иде, алар арасында шулай ук ТР Дәүләт төзелеш күзәтчелеге инспекциясе башлыгы Вәли Нәҗмиев, ТР “Төзелештә тикшеренүләр һәм сынаулар үзәге” ДБУ директоры Айрат Мингалин да бар иде.
Чара кысаларында 2025 елда төзелеш өлкәсендә алдынгы хезмәткәрләрне бүләкләү булды.
Татарстан Республикасы Рәисе Рөстәм Миңнеханов кулыннан Татарстан Республикасы ДТК инспекциясенең хокукый эш һәм өлешле төзелешне контрольдә тоту идарәсенең өлешле төзелешне контрольдә тоту бүлеге башлыгы Фәнзил Ризванов лаеклы бүләген алды.
Күпьеллык нәтиҗәле хезмәте һәм республиканың төзелеш тармагын үстерүгә керткән өлеше өчен аңа ТР Рәисе Рәхмәте тапшырылды.
Коллегабызны котлыйбыз!
ТР Рәисе матбугат хезмәте фотосы
