ТР Дәүләт төзелеш күзәтчелеге хезмәткәрләренең балалары Республика Яңа ел чыршысында булдылар
2025 елның 24 декабрендә Казанның «Татнефть Арена» боз спорт сараенда Татарстан Рәисе Рөстәм Миңнеханов ярдәме белән Республика Яңа ел чыршысы узды.
Бәйрәмгә укуда, иҗатта, спортта һәм иҗтимагый тормышта үзләрен күрсәткән укучылар, МХО катнашучыларның балалары, шулай ук авыр тормыш хәлендә калган гаиләләрдәге балалар чакырылган иде.
Бу кыш республика башлыгы инициативасы белән уздырыла торган «Күрше» фестивале вакыйганың төп темасы булды. Кунакларны ачык тамаша, арена эчендә һәм урам мәйданчыгында тематик фотозоналар көтә иде. Балаларның барысына да татлы бүләкләр тапшырылды.
Яңа ел чарасында ТР Дәүләт төзелеш күзәтчелеге инспекциясе хезмәткәрләренең дә балалары булды. Яшь Сәидә Фәттахова, Данис Габдрахманов, Әминә һәм Мәдинә Кәбировлар, әти-әниләре – административ-хуҗалык тәэмин итү бүлегенең өлкән белгече Әдилә Фәттахова, финанс-икътисад бүлегенең өлкән белгече Татьяна Климович, Кама аръягы ТБ җитәкчесе Альберт Кәбиров кебек үк, бик күп хис-кичерешләр алдылар.
«Бәйрәм һәркемгә онытылмаслык Яңа ел рухы бүләк итте. Бу әкияттәге тылсымга кагылган балаларыбызның хәтерендә озакка калачак. Аны оештыручыларга зур рәхмәт!» – диде, чара тәмамлангач, Әдилә Фәттахова.
